فصلية شيخ قصي

part 36

فصلية شيخ قصي

بقلم:دموع

شفت بيج العشك غافي
وشفت بيج النفس دافي
وعشكتج من كلب ولسان
عشك ماي وعشك عطشان
وعشك سباح للغركان
وعشك خبزه بحلك جوعان
وعشك فقره بزمن طغيان
---------------------------------
قصي:احم احم جنت كاعد وسمعت كل كلام زهراء
بهاي لحضه يلا حسيت ب غلطي انو اخذ فصلية ماجان لازم اسمع كلام عمي و الدم  هم مو حل جان لازم ارضى ب كاتبه لله وحتى زين العابدين اتاذه

حسيت بضوجه وخنگه كوه اتنفس كمت فتحت الشبابيك وضليت واكف يم الشباك الي يطل على الحديقه رجع بيه الزمن لليوم اسود بحياتي بيوم فقدت بيه اعز شخص على كلبي اليوم الي فقدت بيه نصي الثاني نزلت دمعه مني اني موبس خسرت اخ واحد لا اني خسرت اثنين

صفنت وبديت استرجع ذكرياتي بهاي الحديقه

-لحضه اوكف
-نننن اني فزت
-ما ما مو عدل
-هو شنو مو عدل اني فزت يلا نفذ الشرط
-اني مالي دخل ماراح انطيك المحبس
-يلا قيس بدون مشاكل انطيني المحبس ترا المحيس مالتي يس انت بگته
-ما
-اني اعلمك يا قيس ترى اكول ل ماما انت كسرت الكلاصات
-ما حباب
-اي بسيطه قيس

هستوني اريد احجي اجتي ماما و شراره تتطاير من عيونها باوعت ل قيس و الي وكالت

-قيييس  الكلاصاااات
-يمه اني قصي وهاذا قيس هو كسرهم
قصي:ايا جذاب يمه اني قصي وهو قيس 
سمارا:منو قصي وقيس اعترفواا احسن لكم
قصي:ماما اني قصي وهاذا قيس

اجى صوت بابا مو وره وكال

ابو قصي:شبيكم اصواتكم واصل للاخير الشارع
سمارا:طلعلي منو قيس و منو قصي
ابو قصي:ههه زين قيس و قصي ٩×٣ شكد
قصي:٢٧
ابو قصي:هاذا قصي وثاني قيس

ماما لزمت قيس من ياخته وضربته وهو فلت من ايدها وراحت ماما تركض وراه ضلينا اني وبابا نضحك عليهم

رجعت للحاضره على صوت زهراء كالت

زهراء:شوكت كعدت

مسحت دموعي و درت وجهي شفتها تنشف بشعرها كلت

قصي:قبل شويه
زهراء:اممم
قصي:اليوم اطلعين وره الفطور
زهراء:لا
قصي:حبابه زهراء خلينا نطلع نتونس بعدين انتي بس تكعدين بسياره ماراح اسوين مجهود
زهراء:اطلع انت منو يمك
قصي:اريد اطلع وياج
زهراء:لع
قصي:اووف

طلعت من الغرفه معصب نزلت للغرفة امي دكيت الباب ودخلت كلت

-مابيه حيل تعبت
-شبيك ماما تعال
-يمه تعبت ولله  تعبت
-شبيك يمه شصار
-يوووم لا تسوين روحج متعرفين
-وجع لا تعيط على كلن اذا زهراء ف هي صدكت لا تخاف
-مشكلتي مو اهنا متقبل تطلع وياي اريد اطلعها اونسها متقبل حاط حاجز بيناتنا تعبت منها
-يا أمي حس بيها انت مو كلت الدكتورة گالتلها لا تتحركين وانت شنو عبالك انو الشك سهل تشك بيها وهسه تجي تطلب السماح وهي بكل سهوله تسامحك
-اي بس ولله ضجت
-جا هي شسويلك ضجت روح اطلع ويا أصدقائك
-اريد اطلع وياها
-يمه اتحمل لحد ماتولد بسلام وبعدين اطلعوا انت وهي وجهالك
-ان شاءالله
-اروحلك فدوه وليدي زهراء بنيه كلبها طيب وحبابه وخلوقه اتحملت اهواي اجى دورك تتحملها