فصلية شيخ قصي

part27

فصليه شيخ قصي

بقلم:دموع

چذابين ما حبونه
لكضيان الوكت خلونه  .
------------------------------------
زهراء

جسمي يرجف مثل السعفه واني اشوف منظرهم طلعت موبايلي بسرعه صورتهم صورتين شوي وقصي رفع راسه عن رگبتها العرق يصب صب منه وعيونه ذبلانه باوعلها وهمس لها بشغله ماعرفت شنو وتقرب بأس شفته رفعت موبايلي ودموعي شلال صورتهم وهو يبوسها 

سديت الباب بهدوء ونزلت للغرفتي بسرعه دخلت للغرفه وكعت على ركبي حضنت نفسي وابجي بقهر هيج تالي تخوني قصي اخخخخ ياكسرتي منك رجعت كسرتني مره ثانيه تحملت عذاب وياك حيوان ما يتحمله كلت تعوضني بكل ايامي المره وياك تبدلها بأيام حلوه ومليىء بالسعاد تالي تخوني

حسيت كلبي يوجعني كمت المرايا نزعت العبايه والحجاب والجبه باوعت لروحي بمرايا عيوني بدت تورم و وجهي احمر شلت واحد من العطور كسرت المرايا بيه كعدت بكاع لميت رجلي لصدري ابجي بحرگه كمت من الكاع اخذت موبايلي وضليت اباوع ب الصوره والفيديو اعيد بيهن عقلي ماجاي يستوعب اي شي بحركه سريعه مني كلشي موجود على ميز التواليت وكعته بكاع من عصبيتي عيوني غوشت و وفقدت الوعي

فتحت عيوني على ريحة عطر بخشمي  واذاني تلقط صوت خاله سمارا وهي تحجي بنبرة صوت قلقله

-زهراء تسمعيني زهراء

فتحت عيوني ببطىء بس مااشوف زين الصوره مغوش كدامي حضنتني خاله لصدرها مديت ايدي حضنتها وبجيت حطتني بكاع وراحت تجيب مي حتى اجت شربتني وغسلت وجهي  وحطت الكاسه بكاع   باوعتلي حاوطت وجهي وكالت

-شبيج زهراء أصيح قصي شنو جاي تحسين گلبج يوجعج من شنو تشكين احجي
-خاله تعبت
-من شنو تعبت يابعد عيوني
-من كلشي حياتي ماجاي تضبط كلما اخلص من شي يطلعلي شي جديد
-اني يمج احجلي شبيج راح اساعدج

ردت احجي بس سكتت اذا حجيت هسه خاله سمارا راح تفضحهم بالبيت والبنيه لله يعلم شنو يصير بيها خصوصا امها باجر تجي الظهر طلعتلي جذبه اقنع بيها خاله سمارا

-قصي اخاف يرجع يضربني ويكسرني من جديد
-هو وعدني بعد مايرفع ايده عليج حلف بروح ابوه
قصي يحبج زهراء هو يموت بيج يعشقج ميكدر يعيش بدونج مااكلج لا تعوفي لانو هو غلط من البدايه عقابي بس هو ميكدر بدونج زهراء كلبه عاشقج

ضحكت بكلبي ياعشق هاذا الي تعاملت بيه مثل الحيوانه وبلاخير يخوني لك اخخخخ شفتهم بعيني 

ساعدتني خاله اكوم للسرير جابتلي علاجاتي ليليه حطتهم يمي وطلعتلي ملابس حطتهم يمي وكالت با ابتسامه بشوشه

-حبيبتي امي عيوني انت ادخلي اسبحي ريحي جسمج واني راح احضرلج اكل بين ما اطلعين
-شكرا خاله شبعانه لا تعبين نفسج
-ابد ماكو انتي ما اكلتي زين على العشه حتى علاجاتج ما اخذيتهن يلا حبيبتي لخاطري
-تمام