فصلية شيخ قصي

part 41

فصلية شيخ قصي

بقلم:دموع

سر بيناتنه بس لا تكوله
انته حبيتك من النضره الاولئ
وكالولي الحلو بيه لوله مرات
وكتلهم حلو ومابيك لولى
وكتلهم ذهب ثابت ولونه وحيد
مايتغير شما حاولولى
انته الفرحه ذيج التجي بتعب هواي
طعم بيك وتجي موش بسهوله
افديلك عيوني وكلبي والضحكات
وافديلك بعد كل الحمولى
افرح من تمر جن فرحه المسجون
من يسمع اخوانه واهله جولى
يعالم حيل احبه واحب طوله
واحب اسمي اشكثر لمن يكوله.
-------------------------------------
زهراء

زهراء:اليووووم ويينن تروحوووون من ايديييي تعااالوا اهنا
-زهلء عوفني
زهراء:انجب لك
-اكول ل قصي عليج
زهراء:فوكها يهددددني ابن قصيي اذا مااطيح حظك اليوم اني اعلمك

شلت النعال وضربته على راسه وما احس غير ثكل اجتي على ظهري درت وجهي وشفت الثاني على طافر على ظهري

زهراء:ولكم وخر  ابوكم مطلع عينكم اني لكم 

لزمتهن اثنينهم و ضربت راس براس وكعوا بكاع يصيحون بألم  حسيت بحركه يم رجلي باوعت شفتها واكفه وعيونها البريئه تلمع نزلت على ركبتي و كلت

-حبيبتي شتدرين
-توعان
-تعالي ياعمري

شلتها ودخلت للمطبخ ويارتني مادخلت المطبخ مگلوب مينعرف اول من اخيره شهكت وباوعت لها وهي تباوعلي بعيون برئيه وكالت بنبرة طفوليه وحجيها مكسر

-اء جنت أليد اكل وطلعت الصحون اثفه(اسفه)
-صبر أيوب من عندك يارب

رحت اكلتها و بعدين كعدت انظف المطبخ واني اشتم ب قصي اخيييرا خلصت المطبخ طلعت للصاله و حطيتهم ثلاثتهم يم بعض وكلت

-قسماً برب العز الي يهوس يشهده على روحه

كلهم سكتوا واني كعدت على قنفه وحطيت الأوراق كدامي وكعدت اصحح للحضه صفنت بالاوراق و اذكرت الي صار قبل ٥ سنوات

بعد ما قصي وداني للمستشفى واني بشهر سابع طلعت الدكتورة له وكالت

-هاي الآلام طبيعيه بس هي على وجهه ولاده لازم متعب نفسها و دري بالك عليها
-تمام شكرا

قصي رجعني للبيت واني لهسه ابجي من الوجع رجعت للغرفتي حطيت راسي على المخده وكلت

-اسفه سيد قصي ازعجتك

ضحك مارد عليه واني غفيت و دموعي على خدي حسيت ب لمست خفيفه على خدي و همسات بأذني بقيت مغمضه واسمع شكال

قصي:كون الوجع بيه ولابيج بويه ياروحي هاي الدموع غاليه عليه تدرين لمن تبجين واشوف دموعج احس سجينه انغرست بوسط الكلبي ياروح قصي يابعد الشيخ و جفوفه ياضوء عيونه يافرحة سنيني زهرتي انتي متتخلين اني شكد احبج لا كلمة احبج قليله اني اعقشج مهوس بيج اني مريض زهراء وانتي علاجي انتي عوض سنيني عوض الفقدان يااحلى شخص دخل حياتي وغيرني وين جنت و وين صرت  جنت من أسفل السافلين وهسه ملتزم و اخلى لله بين عيون بكل عمل اسويه كل هاذا بفضلج جنت قصي العصبي الي يحجي وياي يبتلي على عمره و أصيح واشتم وهسه اشلون صرت انتي كدرتي تخليني اعرف اتحكم بعصبابي واعرف اصرف بدون تسرع سويت  كل هاذا بكلام بس كلامج مؤثر زهراء زهراء احبج اعشقج مهوس بيج مريض بيج لا تعوفني لله يخليج اعترف غلطت وياج بس ماجنت بوعي الغضب جان عاميني ماكدر اتحمل فراكج لا تكسرني و ترحين