فصلية شيخ قصي

part 26

فصلية الشيخ قصي

بقلم:دموع

اني وياك واتحمل كل ضروفك
لو تغيب سنين صدك ما اعوفك
-------------------------------------
قصي

الدكتور:حالة المريضه خطره وممكن نخسرها باي وقت راح نحطها بالعنايه المركزه  وممكن تدخل بغيبوبة
قصي:شنو قصدك
الدكتور:راح ننتظر منا ل ٤٨ ساعه اذا صحت خيرا على خيرا واذا لا معناه دخلت غيبوبه وممكن أطول اهواي جسمها ضعيفه
قصي:سوي كل التكدر على دكتور
الدكتور:احنا كلمنا شغلنا الباقي على لله ثم على المريضه
قصي:وضح
الدكتور:هي لازم تحارب مرضها وتكون قويه انت ادعليها خلال ٤٨ ساعه تكعد

كعدت على الكرسي مهدود حيلي احس كلبي يوجعني طلعوها من الغرفه كمت وكفت يمها باوعت
لوجهه وجهه وجه موته مسحت على خدها الترف ودموعي خانتني

نقلوها للغرفه ثانيه ضليت كاعد كبال الغرفه اعاين عليها من الشباك الزجاج حاطيها تحت الاجهزه غمضت عيوني وسمحت لدموعي تنزل بهدوء فقدت بعد ماحس بلي حوليه ماصحيت الا على رنة تلفيوني باوعت على الاسم لكيته ابو زهراء هو ميعرف زهراء سوت عمليه لانو وصتني محد يعرف حتى امي متعرف كلتلها رايحن لبغداد علمود شغلة سالم وراح نطول اهناك اخذت نفس ورديت حاولت ابين طبيعه حتى ميحسه

محمد:سلام عليكم ابني
قصي:وعليكم السلام عمي
محمد:اشلونك شخبارك
قصي:على لله انت اشلونك
محمد:الحمدالله،ابني اريد احجي ويا زهراء

عرفت هو متصل علمود يحجي وياها ححمت ورديت

قصي:عمي اتوقع انت انطيت بتك فصليه وانت تعرف زين الفصلية شنو بتكم خدعتني وشردت مني هذيج المره صوج مو منها صوج مني اني انطيتها مجال زايد وهسه جاي تتجاوز عليه
بس اني ماراح اسكت اسمعني زين عمي
بس لا تتصل عليّ علمودها لانو مستحيل
اخليكم تحجون وياها حتى موبايلها سحبته منها
انت سلمت بتك بيدك فتحمل النتائج مع سلامه

سديت الخط بوجهه اعرف الي كلته صعب بس اذا كتله زهراء بحمام او حجه ثاني راح يضل يتصل وبلاخير ماراح يقتنع واني زهراء مخلتني احلف على القرآن انو ما اكول لاحد مااعرف ليش ماقبلت احجي ذبيت الموبايل ورجعت صفنت عليها اجى الدكتور طلبت منه ادخل ازورها بس رفض

ثاني يوم الدكتور سمحلي ادخل 5دقايق واطلع دخلت ورجليه كوه شالتني تقدمت منها وكعت على ركبي كبالها لزمت ايدها بستها ودموعي نزلنا

قصي:زهراء كومي ولله اني ضعيفه بدونج مثل الطفل مااعرف اسوي شي زهراء محتاجج اريد اسمع كلامج الحلوه وحك من خلقج احبج عاشكج اني عاشگ طيبة كلبج وكلشي بيج كومي زهرتي حاربي علمود ترجعين لخاطر اهلج ولله امج تموت بدونج شوفي اني لحد هسه ما.. ماكلت لاحد على عمليه حافظت على وعدي لج اذا صار بيج شي شنو اكلهم ها زهراء زين امي انتي مو تكولين امك صارت بمثابة امي فكري بيها زهراء انتي قويه لا تخلين المرض يهزمج