فصلية شيخ قصي

part 40

فصلية شيخ قصي

بقلم:دموع

انته گلبي ويا گلب بيك ابتليت
انته عمري غيرك اني شحصليت
انته روحي لو رحت عني انتهيت
انته عيني لو غبت عني انعميت
حاولت انساك مره ومانسيت
شنسه منك يلخذت گلبي ومشيت
--------------------------❤❤❤-----------
زهراء

عدت فتره طويله كلش صرت بشهر الخامس طول هاي الفتره اني بارده ويا قصي ماانطي مجال

حاليا متمدده على السرير و صافنه بسگف بالي راح  للغير عالم دخل قصي كعد على طرف السرير وكال

-اشلونج
-الحمدالله
-اطفالي اشلونهم
-اذا اني زينه هم زنين
-اممم حلوه اليوم يصيرلج ١٥ يوم داخله بخامس
-امم حاسب
-طبعا
-هممم
-اخذتي ادويتج
-لا
-ليش
-مابيه حيل اكوم متشوف بطني واصل للخشمي
-هههههه شايف شايف الي يشوفج يكول حامل ب ٥ اتوام مو ٢
-ننن يلا جيبلي الادويه

قصي:تتآمر فوكها ولله بس تولدين اطلع عليج القديم و الجديد اني اعلمج اصبرلي يا كلبه (احجي بين سنوني و صوتي ناصي)

-كلت شي
-اي كلت انتي وحدها مفتريه وكلبه
-اممم اني كلبه
-اي و مستغله
-امم وبعد
-وقاسيه و مستفزه و مغروره
-امم كمل كمل
-تعذبني
-اني
-لا اني
-هاي شوكت
-زهراء  روحي واصل للخشمي ترى وحق سلطان النجف اصرف وياج تصرف ميعجبج ف اسكتي احسلج
-تمام بس قبلها

صحت بصوت عالي على خاله سمارا و حضرت دموع التماسيح وقصي يحاول يسكتني بس خاله سمارا صعدت بسرعه وشافتني ابجي واصيح بسمها و قصي حاط ايده على حلكي يحاول يسكتني خاله سمارا صاحت

-قصيييييي
-نعم
-اني اعلمك مو كتلك ماعليك ب زهراء ها من واضح انت ميفيد بيك العين و الاغاتي إلا بعين الحمره تعالي اهنا اني لك
-لله على الظالم يربي اخذ حقي منها

حاولت لزم ضحكتي و خاله سمارا لزمت قصي من اذنه ضلت اصيح عليه واني كوه لازم ضحكتي و مستمره ابجي بدموع تماسيح كلت

-تقبليها خاله ابنج يكول عني كلبه و قاسيه و مغروره و مستفزه تقبليها
-لا ولله ما اقبلها وحسابه عندي هاذا ال

حرفيا لعبت بيه لعب رزلته اترزل وهو خطيه طلع من الغرفه وميكدر يحجي كلمه باوعتلي خاله سمارا وكالت

-اشلونج بنيتي
-الحمدالله
-اخذتي ادويتج
-اي
-الأطفال اشلونهم
-بخير بس ماما احس روحي تعبانه كلش جسمي يوجعني مااكدر اتحرك
-طبيعي انتِ حامل و الخامس و فوكها توأم لله يكومج بسلام
-ان شاءالله

ضلينا نحجي اهواي لحد مااندكت الباب و جانت ام فهد دخلت سلمت وكعدت على كرسي قريب من السرير كلت

-اشلونج خاله
-الحمدالله انتي حبيبتي اشلونج و الحمل اشلونه وياج
-بخير الحمدلله
-احم اكلج خاله اجيت احجي وياج بموضوع
-اي خاله تفضلي
-انتي تعرفين ابني فهد و لمن دخلتي حيات قصي انتي غيرتها ١٨٠ درجه و ويا تغير قصي اتغير ابني رجع يصلي و يصوم ومتلزم بدينه بعدما كان ميصلي ولا يصوم ومايعرف شنو لله وانتي شاهده على كلامي  و اني لمن شفت اختج مريم لله يحفظها عجبتني و الصراحه اريد اخطبها ل ابني فهد وأريد انتي تحجين ويا اختج
-احم خاله اني اعرف فهد اتغير وداشوف تغيره بس خاله مريم صغير على فهد وبعدين هي بعدها ما مكمله دراسه ومااتوقع توافق
-بس ياخاله اذا على صغر فهو يريبها على ايده و يخليها تكمل دراسه و تروح وترجع ويا ليليان وليان
-خاله اني احجي ويا مريم بس مااضمنلج موافقته
-ان شاءالله توافق حبابه بنيتي اني اعرفج خوش بينه و صادقه وتخافين ربج واكيد ماراح اجذبين عليه حاولي تعقنيها واحجي وياها
-بعيوني خاله