🔥_العاهرة_المثيرة_🔥
♡ تأليف : مميزة ليال & سمسم ♡
🌹 الجزء 4 🌹
🔱 فــــلاش بــــاك 🔱
جلسات القرفصاء كاتجمع فداك المبلغ المشتت فالأرض بحالا كاتجمع فتات شرفها وكرامتها وكل جزء ضاع منها فكل ليلة وكل ممارسة كاتزيد تحقد على الذكور ، حطات الفلوس فحقيبتها وهي كاتشوف فديك الجثة الذكرية لي ممددة فوق السرير باشمئزاز لكن هادو قوانين اللعبة مايمكنش تخالفهم ، هي لي عطات راسها لأرض السافلين ...
دقائق قليلة وسمعات دقات عنيفة على باب الشقة بتاسمات بغرور وتوجهات للباب تحل لزوجة الرجل لي نعسات معاه ، خدات حقيبتها وخرجات مخلية مرتو تعرف فعايل راجلها أعدى حاجة عندها هي الخيانة ، تقتل وماتخونش
علاش البنت غاتحافض على شرفها وتصونو على قبل واحد كايفقد رجولتو فكل ليلة ويرضخ لشهوة حيوانية ؟
الف سؤال كايضور فراسها وهي غادة فحي خالي من حس البشر تحت ، ماقطع تفكيرها غير صوت أنين جاي من شي قنت صغرات عينيها بتساؤل شكون مول هاد الصوت فضولها خلاها تسبق رجل وتوخر رجل ، مناش خايفة ؟ الشرف ؟ فقداتو ! الإغتصاب ؟ تعرضات لو ! الموت ؟ أقصى متمنياتها هي تموت وترتاح !
تقدمات بخطوات هادئة لمصدر الصوت حتى كايبان ليها جسم رياضي طايح فالأرض حداه قراعي دالوسكي مزلعة بعشوائية رجعات لمورا الحيط بسرعة عاد رجعات كاطل عليه بعين وحدة ،
جسد مفتول بعضلات سداسية لابس قاميجة محلولة من جيهة صدرو باش تفصح على بنيتو الرياضية ووشام مطراسي فاحترافية طلعات عينيها مع لملامح وجهو لي ختافاو تحت الدمايات
ماشي شرط أنها تعاونو لكن ماشي منطقي تخليه فهاد الحالة ، قربات ليه تا وصلات لحداه جلسات على ركابيها ومدات يديها لمكان الجرح غير قاستو حل عينيه الذابلين بتثاقل وتلاقاو عيونهم فنظرة طويلة أبلغ من كلام ، هاد النظرة هي لي رسلات الحياة فخيوط قلبها اليابسة ، هي لي حركات مشاعرها بعدما دفناتهم هادي سنين
....... : "نطق بنبرة رجولية مبحوحة" ماتوسخيش يديك
بلقيس : "باهتمام" راك مجروح واش تبغي نعيط البوليس ديكلاري ؟ تمشي للسبسطار ؟؟
مدات يديها لجيبها وهو يشدها وحطها على صدرو واخا كانو عينيه كايتغمضو وكايشوف غير الضبابة لكن قدر يلمح أنثى بشعر برتقالي وعيون صافية زرقاء
...... : ماتعيطي لحد
بلقيس : شوف راك مجروح خليني غير نعاونك
....... : "حرك راسو بإمتناع" لا
ماقدراتش تشوف فيه كاينزف بلا مادير والو حيدات الفيست القطنية لي كانت لابسة بقات غير بكروب طوب مشبكة وحطاتها على الجرح مزيرة عليه ، حسات بأنفاسو الحارة كاضرب على رقبتها وحسات بنظراتو كايتفحصوها خدودها توردو بالخجل لسبب مجهول ، ياك معروف عليها الجرأة ؟ مالها دابا حشمات حتى تعري صوتها قدامو ،
أنت تقرأ
⚫_آســـــــــيــــــر لـــــعــــــــاهــــــــــرة _⚫
Acción💎❤القصص المغربية بالدارجة💎❤️ ⚫_آســـــــــيــــــر لـــــعــــــــاهــــــــــرة _⚫ ▪(ليسَ في الحبِ مسافات ؛ فالمُتحابان مجتمعانِ دائمًا في فكرة ، وإن كان أحدهما في المشرق و الآخر في المغرب 💗) ▪ ▪️لا شيء سيبقى للابد: حتى الشمس ستكسر القانون يوما؛...
