🔥_أســيــر_لــعـاهــرة_🔥
♡ تأليف مميزة ليال & سمسم ♡
🌹 الجزء 13🌹
بلقيس : "هزات حاجبها باستهزاء" عيشة على قد الحال ؟ داكشي كاندخل أنا فنهار يكفاك تعيش بيه شهر ! عيشة شريفة أه متافقة معاك ولكن مع واحد جامع راسو حتى إيلا تبرهشت إجمعني ماشي يزيد عليا ، واحد يسترني اه متافقة معاك ولكن يكون ساتر راسو قبل مني ماشي ديما ناعس ليا فالبارات غانصدق انا لي مزوجة بيه ماشي هو لي مزوج بيا ؟
آدم : "حس بضعفو قدامها ولكن حاول مايبينش " أنا كاندوي ليك على راحت البال ماشي بحال الق**بة بحال العفيفة ، فيقي خلاص آخرتها يلوحوك فشبر قبر وأبواب التوبة مفتوحين ....
بلقيس : "زادت ثارت ولكن تكلمات بهدوء مصطنع" ااه ق**بة ومدوزة رجال بالأشكال عارفاكم كلكم بحال بحال شاربين من كاس واحد ، دوماج البنات مكايتزوجوش بالرجالة كايتزوجو غا بعضو فيهم إيلا حيدناه ليكم غاتزادو معانا فاللائحة أما الرجلة بزااف عليكم .. ااااه وماتنساش بلي الدنيا والدولة مغتاصباكم ومدخلاه فيكم تال المعدة يعني دويو علينا وتجيو فينا ، ااه باش نصحح ليك ماشي **حبة نقولو موضفة أنا كاندير خدمتي ونتا كاتخلصني عليها و إن الله غفور رحيم
تحولو ملامحها الجريئة للجدية خدات صاكها بقوة ووقفات بعرجفة مخليا آدم يجمع فشتات كرامتو ، أهانت رجولتو ولكن ماقدر يدير والو ، ولهة العشق أخيب حاجة يتعرض ليها الواحد كاتخليك مكتف ومقادر دير والو...
🔱 أصبحنا وأصبح الملك لله🔱
أشعة الشمس معلنة على يوم جديد بالضبط ففيلا يمكن ليك تلمح شساعتها من بعيد فأحد البيوت الفاخرة فتح عينيه بتثاقل بعدما سمع صوت مزعج فيقو من نعاسو هز الوسادة وخشى راسو تحتها كايحاول يشد ودنيه لكن للأسف الصوت كان أقوى عليها ناض بسرعة كايطل من البالكون
بمجرد ما خرج عيونو العسلية ضاربة فيهم أشعة الشمس وشعرو المبعثر طايح على جبهتو بعشوائية أنيقة ، خدا نظرة على الأجواء لي واقعين فالجردة وهو يخرج يسول شنو واقع بلا خبارو
هبط مع الدرج للطابق السفلي وملامح وجهو الداكنة كلها علامات استفهام شايف الخدم شي داخل فشي وحداكة غير مسبوقة ظاهرة عليهم هاد الصباح
....... : "تكلم مع أحد الخدم" ختي فهميني واش هادي جنازة ولا عرس ولا شنو واقع ؟
الخدامة : صباح الخير أمسيو عمر غدا غايجي سي محمود مع خوك والأم ديالك لالة حياة باغا دير حفلة
عمر : "بملامح باينة فيهم التقليقة" المغرب كامل فخبارو غايجيو غدا وانا خلاص رويضة سوكور آخر من يعلم
الخدامة : سمحلي عند بالي علماتك مدام حياة
تسمعو طقطقات كعب عالي نازلة مع الدرج ضار عمر بسرعة لمصدر الصوت ولمح أميرتو نازلة بأناقة سيقان طويلة مع ملامح أنثوية متقدمة فالعمر واخا هكاك باقا متشبتة بطلتها الشبابية , شعر قصير مرتب مع فستان برز تضاريس جسمها ...
أنت تقرأ
⚫_آســـــــــيــــــر لـــــعــــــــاهــــــــــرة _⚫
Action💎❤القصص المغربية بالدارجة💎❤️ ⚫_آســـــــــيــــــر لـــــعــــــــاهــــــــــرة _⚫ ▪(ليسَ في الحبِ مسافات ؛ فالمُتحابان مجتمعانِ دائمًا في فكرة ، وإن كان أحدهما في المشرق و الآخر في المغرب 💗) ▪ ▪️لا شيء سيبقى للابد: حتى الشمس ستكسر القانون يوما؛...
