🔥_أسـيــر_لــعـاهــرة_🔥
♡ تأليف مميزة ليال & سمسم ♡
🌹 الجزء 14🌹
عمر : "معوج فمو وربع يديه بغضب مصطنع" وكانقول مال السيدة راشقة ليها قولي ليا حبيب القلب جاي غدا امممم ؟
حياة : "ضربات على صدرو بخفة" لا فرحانة حيت غايجي ولدي أما باباك راه حنا مطلقين مابقا لا حب لا ستة حمص
عمر : امممم مطلقين غا فالوراق ، إعلم الله شنو كايطرا داخل البيوت
حياة : "قلبات عينيها بتوتر" باراكا من الضحك الباسل حتى نتا
هربات بسرعة من هضرة عمر حيت كايقيسها فالوتر الحساس واخا مطلقة ولكن موجة من الأحاسيس هازاهم من جيهة راجلها ، هي خارجة وعمر تتبعها كايزيد يوترها بضحكو الباسل
* وجهة أخرى وبلاد أجنبي معروف باحتلالو مراكز أولى سياحيا ، "كندا" لوحة من إبداع الخالق ، تفننو فيها الأدباء والرسامين بالوصف فأبهى حلة ...
فبيت خشبي شاسع جا خارج المدينة بكيلومترات قليلة ، فالفناء الخلفي تمركزات ساحة للخيول ومسبح فالمقدمة دالفيلا ، بيت جامع بين البساطة والرقي فتوافق منسجم ...
فأحد البيوت الفخمة ، غالب عليها طابع ذكوري ، ألوان داكنة وأثاث جذاب ، جالس فوق مكتبو بجسمو الفولاذي لابس طاقم أسود مرتب خاص بالعمل رشف من قهوتو الصباحية وعينيه الحادة مركزين فأوراق مرتبة حسب الأهمية ، لمح نتباهو داك الضوء الخافت لي شعل فتيليفونو شاف إسم المتصل وطفاه ورجع لحالتو الأولى ...
رجل هادئ وصمتو فيه سلاح حاد ، نظراتو الطويلة كايخليوك تشك فراسك أنك مذنب أو رتاكبتي شي جرم ، برود شخصيتو تخلي الطرف النقيض محتاار شنو مخبي تحت راسو ..
وقف بتعالي بعدما جمع دوك الأوراق فخزانة عاد خرج من المكتب دخل للدريسينغ روم فتح حقيبتو السوداء على آخرها كايجمع فحوايجو ... وقف نظرو عند تيشورت نسائي تردد واش ياخدو معاه أو لا ، ماعرفش كيفاش غايتعامل مع فيض المشاعر لي شعلات فيه ملي شاف تيشورت ، كايحاول يتفكر شكون هي مولاتو لكن لمحات سريعة كاتجي فبالو وتختافي بنفس السرعة كايشوف جسد أنثى بشعر برتقالي لكن وجها بلا ملامح !! فاق من سهوتو ورماه وسط حوايجو وقفل باليزتو ...
آراااءكم ازيووونات 😍😍
أنت تقرأ
⚫_آســـــــــيــــــر لـــــعــــــــاهــــــــــرة _⚫
Ação💎❤القصص المغربية بالدارجة💎❤️ ⚫_آســـــــــيــــــر لـــــعــــــــاهــــــــــرة _⚫ ▪(ليسَ في الحبِ مسافات ؛ فالمُتحابان مجتمعانِ دائمًا في فكرة ، وإن كان أحدهما في المشرق و الآخر في المغرب 💗) ▪ ▪️لا شيء سيبقى للابد: حتى الشمس ستكسر القانون يوما؛...
