🔥_أســيــر_لــعــاهـرة_🔥
♡ تأليف : مميزة ليال & سمسم ♡
🌹 الجزء 11🌹
فمكان آخر عيونها الذابلين منساجمين مع حركات الأمواج مكاترمش على مدة طويلة خطفاتها الذاكرة من مخالب الواقع وحطاتها أمام ذكرى قديمة، أمام أول خطوة رماتها فعالم الدعارة أول لمسة وأول صرخة ...مسحات دمعة حارة تسسلات على خدودها ، أشمن دموع أهديل ؟ نتي مجرد آلة كايستعملوها أشباه الذكور باش يوصلو لمبتغاهم هادي هي وضيفتك إذن رضاي بيها كيما رضيتي لأي حاجة بدون أدنى اعتراض
حطات يديها على الأرض وكاتعافر باش توقف على رجليها بألم ،حاجة عادية هي لي كاتخيط عذريتها فكل ليلة باش يتقبها رجل جديد ...
* عند بلقيس بعد ساعات طويلة كاتحاول توصل لهديل لي تيليفونها طافي شوشاتها ووصات لي يقلب عليها مايهدا بالها حتى تشوفها ، بصيص أمل وحنان مخبي فقلبها كاتحاول تخبيه ، بعد المرات كاتحط يديها على صدرها وتضحك بخبث وحقارة وتردد سؤال مالقاتش جوابو _ ههه واش أنا عندي قلب ؟
عندها قلب ولكن للأسف عاهرة كايبقا قلبها مجرد آلة كاتضخ الدم مصالح لوالو ... عندها مشاعر ولكن دوماج عاهرة الأحاسيس والمشاعر مكايوكلوش طرف دالخبز ...
تحل لباب ودخل محسن بنشاط معتاد عليه شافها مغوبشة وماهياش على طبيعتها المرحة جر كرسي بخفة وجلس حداها كايشوف فيها لمدة عاد نطق
محسن : "بمزاح" اممممم نتي يا إما غرقو لك الباطوات أولا ماعطاوكش حقك فالفوسفاط ؟
بلقيس : "شافت فيه باستهزاء" كاتحاول ضحكني ولكن الغالب الله مجاتش معاك الفكاهة
محسن : ومالك اختي عاقدة علينا غوباشتك تقول المشاكل دالمغرب كامل واقفين عليك تحليهم
بلقيس : دابا جيني من اللخر أش بغيتي
محسن : زين واقيلا فيه الزهايمر ، جيت عندك زعما موحشك راه بغيت غا نوصلك لآدم
بدون مقدمات ولا زيادة فالهضرة وقفات بسرعة خدات صاكها وكاتنزل فطيات كسوتها الزرقاء ، أنثى متناقضة فأي شيء جامعة لهيب النار فشعرها وبرودة البحر فكسوتها،
بعد ساعات من الطريق وصلها محسن أمام فندق معروف كايعمر فيه آدم توادعات معاه وطلعات فالمصعد كانت الأجواء هادئة وقليل حس بنادم وصلات قدام الشقة ، دقات بخفة ورجعات للوراء واقفة بأناقة حل الباب بسرعة واستقبلها بعناق قوي ، كسر ضلوعها
آدم : "بشوق" توحشتك ربي لي عالم
بلقيس : "بتكبر" اممم ماشي نتا اول واحد أزين
قفل الباب وقفز طاير للكوزينة جاب ليها عصير بارد وعاونها تا حيدات سندالتها اهتمام غريب وتصرفاتو لي كلها حب....
آرااءكم ..... ❤️
أنت تقرأ
⚫_آســـــــــيــــــر لـــــعــــــــاهــــــــــرة _⚫
Action💎❤القصص المغربية بالدارجة💎❤️ ⚫_آســـــــــيــــــر لـــــعــــــــاهــــــــــرة _⚫ ▪(ليسَ في الحبِ مسافات ؛ فالمُتحابان مجتمعانِ دائمًا في فكرة ، وإن كان أحدهما في المشرق و الآخر في المغرب 💗) ▪ ▪️لا شيء سيبقى للابد: حتى الشمس ستكسر القانون يوما؛...
