🔥__آســـــــــيــــــر لـــــعــــــــاهــــــــــرة__🔥
تأليف : مميزة ليال & سمسم
🌹الجزء 15🌹
سمع صرخات أنثوية جايا من الطابق السفلي قطب حجبانو باستغراب وخرج بهدوء يشوف أش واقع ،
بانت ليه ليزا بنت فأوائل العشرينات بجمال كندي أشقر وعيون فاتحة وصديقة الطفولة ... طالعة فوق مجر ولاسقة مع الحيط وملامحها كلها ذعر ، بان ليه فالجهة الأخرى الكلب ديالو "بلاك" واقف كاينبح فوجها غير شاف كايدن وهو يتهدن ، دار ليه إشارة بيديه وهو يجري لجيهة الباب
كايدن : "هز فيها عينيه" خلعتيه
ليزا : "حاطة يديها على قلبها وكاتنهج بسرعة" خلعتو ؟ ماشتيهش كان غاياكلني
كاين : غاتلقاي معلقة فالحيط ؟
ليزا : مع الخلعة ماعرفتش راسي كي درت تا طلعت عاوني نهبط
مد يديه الرجولية فاتحها قدامها وهي تجاهلات يديه ونقزات عندو مضورة يديها على عنقو بقا واقف جامد فبلاصتو فهمات راسها وهبطات يديها ، معوجة فمها بقلق
ليزا : "نطقات بنبرة حزينة" بغيتي ترجع ياك ؟
كايدن : فين غانرجع ؟
ليزا : المغرب
كايدن : داكشي قالو
ليزا : "شداتو من كول قاميجتو" كيفاش داكشي قالو بغيت غير شي نهار تعلمني او نعرف اش تحت راسك
كايدن : "بعدم اهتمام" فطرتي ولا باقي
ليزا : "تغرغرو عينيها" أنا بغيت نمشي معاك
كايدن : راك كبيرة وبعقلك ومسؤولة على راسك سو نتي لي غاتقرري واش غاتمشي ولا لا
ليزا : ما كاتقتلني ما كاتحييني حرام عليك
ترسمات على شفايفو بتسامة باردة دغيا جمعها ورجع أدراجو كايحل فصدايف قاميجتو وهي تابعاه ساهية فكتافو العراض ولباسو الأنيق ... دخل للكوزينة يوجد ليهم الفطور بجوج ، ليزا جرات الكرسي وجلسات بتعب حيدات كتبها العالي وربعات يديها فوق الطابلة مراقباه
ليزا : "بدلع" كايدي نعاونك ؟
كايدن : "بدون آي ملامح" لا..
لبطل ديالنا باان 🌚
أنت تقرأ
⚫_آســـــــــيــــــر لـــــعــــــــاهــــــــــرة _⚫
Action💎❤القصص المغربية بالدارجة💎❤️ ⚫_آســـــــــيــــــر لـــــعــــــــاهــــــــــرة _⚫ ▪(ليسَ في الحبِ مسافات ؛ فالمُتحابان مجتمعانِ دائمًا في فكرة ، وإن كان أحدهما في المشرق و الآخر في المغرب 💗) ▪ ▪️لا شيء سيبقى للابد: حتى الشمس ستكسر القانون يوما؛...
