⚫_آســـــــــيــــــر لـــــعــــــــاهــــــــــرة _⚫

✨الجزء 7✨

🔥__آســـــــــيــــــر لـــــعــــــــاهــــــــــرة__🔥

تأليف : مميزة ليال & سمسم

🌹الجزء 7🌹

اهمالك لي لا يعني لي شيئا ، ف أنأ قوية معك ومن دونك...

بعدات عليها و تقدمات لعند لباب دارت جوج دقات... تواني فتحت لباب بنت ذات شعر أسود و مكياج مثير لدرجة ان ملامحها ختفاو...

بلقيس : "شافت فيها شوفة عادية و دخلات"  فين سارة ؟ كاينة؟

رتاج : اه كاينة فبيتها... أااه هديل تكلمي لخديجة بغاتك...

هديل تقدمات بخطوات و دارت حركة لبلقيس.. طلعات بخطوات متعبة لطاج الثانية... بلا مطرق فلباب فتحتو و دخلات....

لاحضات 5 د لبنات جالسين وسط  البيت و كيتعلمو حركات مثيرة باش يجدبو بهم زبون و كل وحدة  كتوري لي عندها.... شافت فيهم بطريقة عادية و تقدمات لبيت دقات دقيقات خفاف سمعت الإذن بدخول...

هديل : احم حم خديجة طلبتيني...

تلفتات عندها إمرأة أربعينية...شعرها أشقر و أعنيها بنية واضح انها كانت مطيحة كاع رجال في زمنها... شافت فيها بنضرة شرسة على أنها كتواعد لها بشر..

خديجة : عندك حفلة  فمطعم لويس بغيت 5000 درهم تكون عندي...

هديل : "بصدمة" كيفاش 5000 درهم. مكتخليش ليا باش نشري حوايج جداد قلنا هانية مكتخليش ليا باش نتقاد لناس قلنا هانية عكس كاع لبنت لي كتقسمي معاهم خلصتهم... و زايدون انا عيانة عطا الله لبنات حسن مني....

خديجة : احم اولا اتحطي لخلاص د لحفلة لي فين كنتي تانيا اتمشي لهاد لحفلة ضروري و منعودش الهضرة ثالثا 5000 درهم تكون عندي...

شافت فيها شوفة إحتقار و خرجات من بيتها  كتحس براسها كيضور عليها... كيفاش اتحضر و تشطح فلحفلة و هيا كاع عدامها مدكدكين... هزات راسها بملل و توجهات لباب رئيسي... معندهاش حق ترفض...

عند خديجة...

خديجة : دبا مزيان هاد شي لي بغيتي....

____ :"خرج من الحمام المتواجد داخل الغرفة" مزال مشبعتش و مزال انزيد نعذبها و تا نتي راكي مممقصراش... وراكي عارفة لمجابتش لفلوس كيفاش تعاملي معاها.... "توجه باش يخرج" فلوسك اتلقهم فبنكة...