"මම සිතන්නෙ........ ට්වායිෂු කියන්නෙ අප මෙතරම් කලක් හොයපු කිරුළ හිමි කුමරුම තමයි ෂින්හී."
"ඔහු...... ඔහු කිරුළ හිමි කුමරු නම් ඇයි අපට කලින් ඒ ගැන නොකිව්වේ."
ෂින්හී හිටියෙ තරහින් වගේම දුකින්. ට්වායිෂු කරපු බොරුව නිසා ඔවුන්ට ගොඩක් දේවල් වලට මුහුණ දෙන්න සිද්ධ වුණා. ඒ සේරමටත් පස්සෙ ඔහු මේ විදිහට සිතියම් කොටස දීලා නැවත වතාවක් පලා ගියා කියලා විතරයි ෂින්හීට තේරුණේ. අනිත් අයටත් එහි වෙනසක් තේරුණේ නැහැ.
"ඔහුට අවශ්‍ය නොවෙන්න ඇති කිරුළ හිමි කුමරු කියලා කියන්න."
"ඔව්..... ඒත් දැන් අපට අවධානය යොමු කරන්න ඊටත් වඩා වැදගත් දෙයක් තිබෙනවා."
නම්ජුන් කුමරු කියද්දි කතා කරන ගමන් හිටපු ෂින්හී ජංගුක් දෙදෙනාත් ඔහුගේ පැත්තට හැරුණා. ඔවුන් මීලඟට කරන්න ඕන දේ මොකක්ද කියලා මේ වනවිටත් සිතියම අධ්‍යයනය කරපු නම්ජුන් කුමරුන්ට නම් පැහැදිලියි.
"අපට අවශ්‍ය දේ කුමක්ද කියා මම දැන් දන්නවා. අප මේ නිල් මාණික්‍ය ලබාගත යුතුයි. පැරණි කාලයේ පටන් කිරුළ හිමි වෙන්නා හට මේ මාණික්‍ය අයිති වෙලා තියෙනවා. එය කවුරුන් හෝ තමාගේ යටතට ගතහොත් ඔහුට කිරුළ හිමි වෙනවා."
නම්ජුන් කුමරු තමන්ගෙ කතාව නතර කරනවත් එක්කම තමන් දන්න දේවල් සමඟ ඉදිරියට ගියේ ජංගුක්.
"නිල් මාණික්‍ය සඟවා තිබෙන ස්ථානය කිසිවෙකුත් දැන සිටියේ නැහැ. නමුත් අතීතයේදී ඒ පිළිබඳ අධ්‍යයනය කල ශ්‍රේෂ්ඨ නිලධාරියෙක් මාණික්‍ය පිළිබඳ විස්තර සොයාගෙන එයින් සිතියමක් නිර්මාණය කලා."
ජංගුක් කිව්වෙ ජින් දිහා බලාගෙනමයි. පෙනෙන පරිදි මේ සිතියම නිර්මාණය කරපු ශ්‍රේෂ්ඨ නිලධාරියා ඔහුගේ පියාණන්. ජංගුක් සමඟ අහිංසක විදිහට හිනාවුන ජින් තමන්ගෙ ඇස් වලින් වැටුණු කඳුලක් පිහදාගනිද්දි ජංගුක් කතාව දිගටම කරගෙන ගියා.
"මේ සිතියම පමණයි නිල් මාණික්‍ය වෙත යන්න තිබෙන මාරාන්තික උමං මාර්ගය ගැන නිවැරදිවම විස්තර කරන එකම සිතියම. ඒ නිසා හනොක් වරු සිටියේ අපේ රාජධානිය පිළිබඳ විශාල තරහකින්. නමුත් ඔවුන් සිතුවේ කලින් මාලිගාව ගිනිගත් මොහොතේ සිතියම විනාශ වුණා කියලා.
YOU ARE READING
BROKEN HEIR || ✓
Fanfiction"ඔබ වැනි අධම නීච කෲර මසුරු පාලකයෙකු හට එය මහ දෙයක් නොවන්නට ඇති. ඔබගේ අතින් ඇයට සීරිමක් හෝ සිදු වී තිබුණහොත් ඔබගේ මාලිගාවටම පැමිණ ඔබගේ දිවා භෝජනයට නියඟලා යුෂ දමා යන බව දිව්රා පොරොන්දු වෙමි. පරිස්සමින් සිටිනු." ~ Broken Heir ~
