ෂින්හීගෙ වැඩ කටයුතු දිගින් දිගටම සිදු වෙද්දි මින් අධි රජතුමා ඇය ගැන වැඩි අවධානයක් දුන්නා. ඇය ගැනම පමණක් නෙවෙයි. මාලිගාවේ සේවය කරන සියලුම සේවක සේවිකාවන් ගැන විශේෂ අවධානයකින් හිටපු මින් අධිරාජ්‍යයාට ලොකු අරමුණක් තිබුණා. ඒ සඳහා දිනෙන් දින වෙනස් සේවක සේවිකාවන් තමන් ලඟ සේවයට කැඳවන්න ඔහු තීරණය කලා.
සේවිකාවන් ගෙන් බොහෝ දෙනෙක් උත්සාහ කලේ මින් අධිරාජ්‍යයාගේ සිත දිනාගන්න වුනත් ෂින්හී ඔහු බලාපොරොත්තු වුනා වගේම විශ්වාසවන්ත සේවිකාවක් වුණා.
"අධි රජතුමනි! තව දින තුනක් ඇතුළත ෂින් රාජධානියේ සෙබළුන් මෙහි ළඟා වේවි."
"හ්ම්...... අපේ සෙබළුන්ව ප්‍රධාන දොරටුව අසල ස්ථානගත කරන්න. කිසිසේත්ම කුමරුන්ට අනතුරක් විය නොහැකියි."
"එහෙමයි රජතුමනි. කුමරුන්ගේ ආරක්ෂාවට සියල්ලම සූදානම්."
මින් අධිරජ තුමා හිටියෙ ලඟ ලඟම එන ආක්‍රමණයකට සූදානම් වෙන ගමන්. විශාල කාලයක සිට ඔවුන්ගේ සතුරු රාජධානියක් වුන ෂින් රාජධානිය සිය රාජධානිය ආක්‍රමණය කරන්නට සූදානම් වෙන බව දැනගෙන සිටියත් බලය අතින් සාමාන්‍යයෙන් පසුබැසීමට ලක් වෙලා හිටපු මින්හ්යොන් රාජධානියට තත්වය පහසු වුනේ නැහැ. තමන්ගෙ රාජ්‍යය කෙසේ වෙතත් මුළු මින්හ්යොන් රාජධානියටම අවශ්‍ය වුණේ එකම දෙයයි. ඒ කිරුළ හිමි කුමරුන්ව ආරක්ෂා කිරීම.
කිරුළ හිමි කුමරු ගැන කිසිවෙකුත් වැඩි විස්තරයක් දැනගෙන හිටියෙ නැහැ. අධිරජ මින් දිගින් දිගටම ඔහුව රහසිගතව තබාගන්න උත්සාහ කලෙත් ඔහුගේ යහපත වෙනුවෙන්මයි. ඒ නිසාම කිසි කෙනෙක් කිරුළ හිමි කුමරුගේ නමවත් ඔහුගේ රූපයවත් දැක තිබුණේ නැහැ.
අධිරජු ආක්‍රමණයට සුදානම් වෙමින් සිටියත් එක්වරම සෙබළෙකු කුටිය තුළට කඩාගෙන පැන්නෙ ලොකු කලබලේකින්.
"අධිරජුනි....... අධිරජුනි...... ඔවුන්.... ඔවුන් බටහිර දොරටුවෙන් ඇතුල් වෙලා."
"කුමක්ද? ඔවුන් අපිට පිටුපසින් පහර දෙන්න පටන් අරන්ද?"
අධිරජ මින් සිය ආසනයෙන් නැගිට අත් මිට මොලවා ගත්තා. පිටුපසින් පහර දෙන්නට තරම් ෂින් රාජධානිය නීච වේවි කියලා ඔහු කීයටවත් සිතුවේ නැහැ. නමුත් මේ වෙලාවෙ හැටියට ඔවුන්ට මුහුණ දෙනවා හැර වෙන කරන්න දෙයක් තිබුණෙ නැහැ.
YOU ARE READING
BROKEN HEIR || ✓
Fiksi Penggemar"ඔබ වැනි අධම නීච කෲර මසුරු පාලකයෙකු හට එය මහ දෙයක් නොවන්නට ඇති. ඔබගේ අතින් ඇයට සීරිමක් හෝ සිදු වී තිබුණහොත් ඔබගේ මාලිගාවටම පැමිණ ඔබගේ දිවා භෝජනයට නියඟලා යුෂ දමා යන බව දිව්රා පොරොන්දු වෙමි. පරිස්සමින් සිටිනු." ~ Broken Heir ~
