မုန့်စားဆောင်
ခဏခဏအောင့်အောင့်နေသော ဗိုက်အခြေအနေကြောင့် ထမင်းမစားဘဲထိုင်နေသော Jinအား အကြောင်းအရင်းမသိသေးသော Soobinသည် ထမင်းအတင်းကျွေးနေ၏။
ရိုးရိုးအောင့်နေရာက အခုဆို ဝမ်းဗိုက်ထဲတွင် ကြိုးထုံးကြီး တစ်ခုရှိနေပြီး ထိုကြိုးထုံးကို လူနှစ်ယောက်က အားဖြင့်အပြန်အလှန်ဆွဲနေကြသည့်ပုံစံမျိုးဖြစ်လာသည်။
ထိုသို့ပြိုင်ဆွဲကြသည့်အခါ ကြိုးထုံးက ရင်ခေါင်းအထိ ရုန်းကုန်လုံးတက်လာဟန်ဖြစ်သဖြင့် ပျို့အန်ချင်လာသည်အထိ နာကျင်ရသည်။
အထူးသဖြင့် Jungkookနှင့် အသွင်ပြောင်းလေ့ကျင့်ချိန်ရောက်လျှင် နာကျင်မှုက ပိုပြင်းထန်လာသလို အကြိမ်ရေလည်း စိပ်လာသည်။
ထိုအချိန်မျိုးရောက်လာလျင် သူ့မျက်စိအရှေ့က Jungkookကို.....
Soobin:"ဟေ့ရောင်..မင်းမစားသေးဘူးလား.."
Jin:"အေး..မစားချင်ဘူး.."
ထမင်းပန်းကန်လုံးကို တစ်လှည့် Jinကို တစ်လှည့်ကြည့်ရင်း နှုတ်မှအသံမထွက်စေဘဲ
ငါ Antonကို ဘယ်လိုအကြောင်းပြန်ရမလဲ~~
ငူငူငိုင်ငိုင်ဖြစ်နေဆဲ Jinကို
"ညဘက် ငါတို့အပြင်ခိုးထွက်ကြမလို့ မင်းလိုက်ဦးမလား.."
ခေါင်းခါပြကာ လွယ်အိတ်ထဲစာအုပ်များကောက်ထည့်လိုက်ပြီး
"ညကျ စည်းကမ်းကြီးကြပ်ရေးမှူးLeoကိုယ်တိုင် ကင်းလှည့်မယ်ပြောတယ်.."
"ဟင်..မင်းဘယ်လိုလုပ်သိလဲ...."
Jungkookနှင့်Jinတို့ လေ့ကျင့်ရေးရှိသည့်ညတိုင်း အပြင်လူမတွေ့ရှိရအောင် Taehyungကိုယ်တိုင် ကင်းလှည့်လေ့ရှိသည်။
စားလက်စများပစ်ချထားခဲ့ကာ
:"ဟိုကောင်တွေကို အစီအစဉ်ဖျက်ဖို့ သွားပြောလိုက်ဦးမယ်.."ဟုဆိုကာ သုတ်ခြေတင်ပြေးလေတော့သည်။
Apoloကိုကြည့်ကာ စိတ်ပျက်လက်ပျက်ဖြင့် ခေါင်းခါလိုက်ကာ
"မင်းတို့လို လူတွေကြောင့် ငါတို့ဝံပုလွေမျိုးစိတ်ကြီးတစ်ခုလုံး အခုအထိပုန်းလျှိုးကွယ်လျှိုးနေနေရတာ..."
ထိုနောက်သက်ပြင်းချကာ နောက်တစ်ချိန်အတန်းရှိရာကို ထွက်ခဲ့တော့သည်။
💚💚💚💚💚💚💚💚💚💚💚💚💚💚💚💚💚💚💚💚💚💚💚💚
မျိုးပွားခြင်းဆိုင်ရာ သင်တန်းချိန်
