وصلو قدام الجامعة
راية شافت ل ايمن ب عيون مدمعة: انزل معاي بالله عليك😢
ايمن: حاضر انتي اهدي بس
و نزلو مع بعض و خشو للجامعة و وصلو قدام القاعة
راية شافت ل ايمن: متأخرة قريب ساعة اكيد حيلزني😢
ايمن: متخافيش اني تو نتفاهم معاه انت طقي الباب و خشي
و دارت راية زي مقلها ايمن
الدكتور: بكري هلباا يا راية كان زدتي عطلتي نص ساعة لين تم الامتحان😃
راية: ااا مم ماهو اني اني
ايمن قدم و وقف جنب راية: دكتور ترا نبيك ف موضوع
الدكتور :منو انت؟ مشاء الله يا راية تجيبيلي حتى ف الولاد يدافعو عليك؟😏
ايمن تعصب: قتلك نبيك ف موضوع ولا؟
الدكتور: معنديش مواضيع معاك يلا اقلب وجهك انت وياها و سكر الباب عليهم
راية: انهارت ب البكي: قتلك اني ولااا قتلك مش حيدخلني😭
ايمن: وين مكتب العميد؟
راية: ف الدور التاني 😢
ركبو هما الزوز و مشو للمكتب و طقو الباب:
العميد: تفضل
خشو هما الزوز و طلقو السلام
العميد: تفضلو منو انتو؟
ايمن: اني ايمن إبراهيم صقر
العميد وقف و مد يده يسلم: مرحبتين بيك مرحبتين كيف حال الحاج ابراهيم ان شاء الله بخير؟
ايمن: حاله باهي الحمد لله
جاي نبي نشكي ع دكتور هني ف الجامعة🤨
العميد توتر: منو هو و علاش شن صاير؟
ايمن: منع بنت عمي من الامتحان و على ما اعتقد امتحانات فاينل توا؟
العميد شاف ل راية الي واضح عليها باكيه لاكن هيا ماتبيش تبين روحها ضعيفة قدامه ابتسمت له
العميد: علاش منعها من الامتحان شن السبب؟
ايمن: تأخرت بسبب ظروف و توا جت بتخش قاللها لا🤨
العميد: ان شاء الله خير
خدي ورقة و كتب عليها تصريح تخش للأمتحان و وقع و مدها ل راية
اعطيها للدكتور تو يدخلك
راية فرحت: تمام😊
وقف ايمن: هي تمام و صحيت بارك الله فيك
العميد: خليك ماضيفتكش شي شن تحب تشرب
ايمن: لالا مرة تانية ان شاء الله مستعجل عندي خدمة
و طلعو راية و ايمن و مشو لقاعة الامتحان
ايمن فتح الباب من غير ما يطق و أشر للدكتور ب صبعة انه يجيه
جاهم الدكتور و هوا معصب: شنو متفهموش انتو؟
راية مدت الورقة للدكتور و خشت طول😌🔥
ايمن طبطب ع كتف الدكتور: و مزال ما ريت شي😉
و مشي و سيب الدكتور بيطربق🤣
كملوا امتحان و طلعو راية و حنين
حنين: يا كلبه كيف خشيتي شن صار اني فقدت منك الامل انك تمتحني
راية: حتى اني فقدت الامل تعرفي لاكن ايمن ركب للعميد و خلاه يعطيني ورقه تصريح باش خشيت
حنين: الله حي عالجو ما يطلع منه ايمن🤣🔥
راية: المهم جاوبتي؟ اني جاوبته كله ساهل لنم الامتحان
حنين: اي حتى اني جاوبته كله😍 بابا بيجي يروح بينا اكيد وصل هلي نطلعو
طلعو و لقوه يستنى فيهم ركبو معاه
حنين: عسلامتك بابا و باساته من خده
راية: هااي عمو و باساته من خده
عماد: مرحب مرحب بي بنياتي الشاطرات شنو جاوبتو ف الامتحان؟
راية و حنين: اي جي ساهل بكل
عماد: باه الحمد لله .. مدامه جاوبتو و فرحانات شن رايكم نفوتو العيلة و نهربو اني وياكم نتغدو برا
حنين و راية ب حماس: اي اي والله جيعانين
عماد: تمام هي وين تبو تتغدو😊
و مشو ل مطعم و تغدو و روحو
:::خشت راية ل بيتهم لقت بوها مقعمز ف الصالة شافتله ببرود
راية: الحمد لله على السلامة مقلتش بتروح🙂
خالد: الله يسلمك جت فجأة .. شنو وين كنتي مالا ف الجامعه؟🤨
راية: اي و بعدين رفعنا عمو عماد تغدينا برا🙂
خالد: اممم به
سيباته راية و ركبت ل دار خوها
راية نقزت ع السرير جنب خوها: امتى روح الي لوطه؟
مصعب و هوا شاد التلفون يلعب: منعرفش روحت من المدرسة لقيته ف الحوش
راية: امم
مصعب: ماعنديش ليه خلوق بكل
راية: عيب ف الاخير بوك هدا
مصعب: به به نوضي اطلعي انتي و نصائحك😃
راية حدفت عليه المخدة و هربت و هيا تضحك🤣
مصعب: يا كلبةةةة😠
