اللهم صل و سلم و بارك على سيدنا محمد🤍
حنين دايخة و صوتها ضعيف بكل: همم
خش احمد للدار و طول قدم ل حنين
احمد يطبطب و يمسح على شعرها: حنين حنين شوفيلي حنين💔
حنين قعدت اطلع من فمها رغوة بيضاء
راية بخوف: شن هدا الي ف فمها حي عليا حي احمد راسها يغلي حرارة انهضها خلي نرفعوها للمستشفى💔💔
ايات: خلي نمشي نقول للعيلة
احمد : طلعيلها عباية بسرعة
جنة: هيا هي مشت تجري طلعتلها عباية و لبستها ل حنين
احمد رفع حنين بين يديه و نزل بيها و راية و جنة وراه
عند ايات خشت تجري للمربوعه
ايات و هيا داهشة و تتنفس بقوة: عميييي عمااااد عمييي بسرعة بسرعة
عماد: خيرك شن فيه؟؟
محمد: اهدي بشوية خيرك شن صاير
ايات خايفة و متوترة: بسرعة يا عمي حنين مريضه و حرارتها مرتفعه هلبا و شبه فاقده الوعي😭
عماد: شنوو و طلع يجري و هوا خايف على بنته الوحيده💔
طلعو ولاد عماد كلهم لحقو بوهم
احمد و هوا ماشي ل سيارته لاقى عمه
عماد بخوف: شن صااار خيرهاا💔
احمد: بعدين يا عمي توا طلع المفتاح ف جيبي و ولع السيارة
عماد ولع السيارة و احمد حط حنين ف الكرسي الخلفي و ركب جنبها ضياء و محمد.. و احمد و عماد من قدام و شدها احمد شياط للمستشفى
راية: عبدو ولع سيارتك نلبس عبايتي و نجي💔
عبدو : تمام بسرعه
مشت راية لبست عباية و جت لقت هدى ام حنين مقعمزة ف السيارة و تبكي
ركبت راية ف الكرسي الخلفي: امشي بسرعة💔
طلع عبدو بسيارة بسرعة
هدى: راية قوليلي خيرها بنتي شن صار😭💔
راية: يا عميمة والله ما نندري مقعمزه اني و البنات نستنو فيها..... و حكتلها الي صار
عند احمد وصلو المستشفى و نزلو و كان محمد رافع حنين بين يديه خشو للمستشفى و استلموها منهم
عماد و احمد و محمد و ضياء كانو واقفين قدام الغرفة يستنو ف الدكتور
احمد كان وجهة اصفر و قلبة يدق بسرعة من كتر خوفه على حنين 💔
محمد: شن الي صار يا احمد؟؟
احمد: والله علمي علمك يا محمد كنت طالع من حوشنا بنجيكم لقيت البنات طالعين يجرو سألتهم قالولي حنين مريضة و مش عارف شنو مشيت معاهم قالولي نزلها لازم نرفعوها المستشفى و نزلتها و الباقي صار قدامكم💔
عماد: لا حول ولا قوة الا بالله يا رب نوضها بالسلامة😢
ضياء مسح على وجهة: تي خيرهم عطلو داخل😠
محمد: خلاص اهدا هادي خدمتهم تو امتى ما يكملو يطلعو
احمد بعد عليهم و مسح على شعره و يديه يرعشو و شعور انه هوا السبب فالي صار ل حنين تمكن منه💔
وصلو راية و هدى
هدى مشت ل عماد و هيا تبكي: شن صار ف بنتي يا عماد راهي راس بنية يا عماد معنديش غيرها💔😭😭
عماد: قلتي الكلام هدا قبل ما تغصبيها على ولد اختك و تبكيها 😠توا جاية تقولي راس بنية و مش عارف شنو و انتي عارفة بنتك لما تضايق تفتح المكيف تبي تجلطيها ولا شنو😠 تي هناك حد يفتح المكيف في عز الشتي😠 لاكن ع الي صار ورب العباد ماهو واخدها ولد اختك بش مرة تانية متدخليش فيها و في قرارها😠
هدى : شعور الندم سيطر عليها و بدت تبكي اكتر و ولادها يهدو فيها
اما احمد و راية كانو يسمعو ف كلام عمهم و مصدومين😳😳
احمد ف خاطره: يعني هيا متبيش ليث يعني امها تكدب عليا وقت قتلي ولد خالتها يبيها و هيا وافقت💔 و على طول جي في باله كلام حنين قبل ما تطلع من الكوخ (صدقني يا احمد حتندم ع كل كلمة قلتها و وقتها اني مش حنعطيك فرصه زي ما انت توا معطيتنيش فرصة). ااااخ يا احمد شن درت ف روحك🤦🏻💔
