ايمن: اسكت النم تي من وين الصوت يطلع؟؟
محمد: منعرفش و مانبيش نعرف و خلينا نولو جعله ماعاد جي الضي😰
شويه يسمعو عيطه قويه زي هاديكه متع افلام الرعب
محمد: واااااكككك😱💔 لا الاه الا الله لا الاه الا الله
ايمن حس بالخوف شويه لاكن يحاول يهدي روحه و يقرا ف قران : خلاص خلينا نولو😳
محمد مخلاش ايمن يكمل كلامه و شدها شياط ما خلا كان غبرته وراه🏃🤣💔
ايمن: يا عنبوك يا محمد😃💔
عند النساوين لما راية مشت تجيب ف لامبة الشحن
حتى هما فجأة بدو يسمعو ف اصوات غريبة
راية: يا ماما و بدت تبكي💔😭
جنة و البنات بدو يعيطو من الخوف
الحاجه حليمة: لا الاه الا الله اعوذ بالله من الشيطان الرجيم😰 ياا ايمن يا هماامم و بدت تنادي ف الولاد و تسكت ف البنات: اسكتي انتي وياه و اقرو قران
راية بدت تعيط بصوت عالي من الخوف معش قدرت تتحرك من مكانها
راية: يا مامااااااا😭 تعالولييييي
الولاد يسمعو ف العياط ف حوش العيلة مشولهم يجرو شافو محمد جاي يجري
همام: خيرك تجري؟😃
محمد و هوا مطبس و داهش: يا ولاد اخخ لما لما مشينا نفتحو المولد سمعنا صوت غريب و بعدين اخخ نفسي المهم سمعنا عيطه قوية رعشتنا النم و قعد يتنفس بقوه
جهاد: يا ودي غر لحقو خيرهم نساوينكم يعيطو
جي ايمن: شن فيه شن العياط هدا
جهاد: مش عارفين فجأة سمعنا نساوينكم يتعايطو
مشو الولاد للحوش خشولهو
ايمن: تي خير بلاكم تتعايطو شن فيه😠
الجدة حليمة: يا ولدي والله ما عارفين فجأة الضي هرب و بعدين سمعنا صوت غريب و عياط و الحق خفنا و البنات بدو يبكو😰
محمد يكلم ف البنات: ياسر انتي وياه اسكتو
سكتو البنات و بان عليهم صوت راية و هيا تبكي و تنادي فيهم
ايمن: تي منو هادي الي تبكي
الجدة حليمة: حي عليا هادي راية ركبت بتجيب لامبة الشحن لحق عليها يا ولدي💔
ايمن فتح فلاش تلفونه و ركب يجري
ايمن: راية وين انتي
راية: يا مامااااا😭
ايمن سمع صوتها و مشالها وجه الفلاش عليها لقاها مقعمزه ع الارض و لامة رجليها لحضنها و تبكي💔
راية شافت ايمن وقفت تجري و حضناته
ايمن لف يديه عليها وزاد حضنها: اششش خلاص اهدي مافي شي
راية و هيا دافنه وجهها ف صدره و تتكلم بتقطع من البكي: اا اني ك كنت بب بنجيب لامبة الش الشحن وو و سسمعت صص صوت يخوفف و بدت تبكي من جديد😭😭💔
ايمن يمسح ع راسها: خلاص اهدي متخافيش اما فيه شي اني معاك و زاد حضنها اكتر لين هدت و بعدين بعدها عليه شويه و شد وجها بين يديه قعد يمسح لها ف دموعها ب صوابعه
ايمن: تمام توا هديتي؟
راية هزت راسها ب اي
ايمن قرص خدها: شطوره هي تعالي ننزلو
راية: خليك جنبي نخاف🥺💔
ايمن: متخافيش دامه اني معاك ما نبيكش تخافي❤️
راية كبشت ف يده: تت تمام
نزلو هما الزوز و راية طول الوقت مكبشة فيه و خايفة
جهاد اول ما شافها مشالها بسرعة و حضنها: شن صار راية
راية حضنت جهاد: سمعت صوت يخوف
ايمن: شن قصته الصوت هدا حتى اني و محمد سمعناه جنب المولد🤨
همام يوشوش ل عبدو: يا راجل العيلة كلها تكركبت ف بعضها 🤣💔
عبدو بصوت واطي: اي لنم🤣كان تسمع بينا راية قلبنا عليها المقلب و رعشناها حتى هيا تقتلنا🤣
ايمن: شن توشوش انت وياه؟🤨
همام: شييي😃
عبدو شاف ل منذر لقاه يضحك هوا و معاد حتى هو زراته الضحكه و قعد شادها بالسيف
همام: لا حول ولا قوة الا بالله يا عيلة كان ما تطلع الحوازه مسكونة ولا فيها سحر
الجدة حليمة: ووووك عليا فمك رايح خراره بعيد السوء فال الله ولا فالك😰😰
معاد: صح مرات مسكونة الحوازه كنهاده شن الاصوات هادم منين بيطلعو كان من الجنون
رانيا ام معاد: سلم ولدي هنينا بسكوتك مترعشناش تربح😰
معاد: متخافيش يالحنونه اي جن يقرب عليك نمحيه من على وجه الارض
رانيا: اي زي الحق هوا الجن كان وقف قدامك بالغلط نلقاك شاخ تحتك🙂
عبدو و ادهم و همام و منذر و جهاد و مصعب ماتو من الضحك🤣🤣
ايمن : خلاص انت وياه و منذر و همام برو افتحو المولد
همام: لا واللهي باش يطلعلنا الجن؟؟😃
عبدو ضحك و حط يده ع فمه باش ما يشوفه حد🤣
منذر شاف ل عبدو و غمزله
راية شافت منذر غمز ل عبدو: استنو استنو استنووووو
ايمن: 🤨🤨🤨
و قربت من عبدو و معاد و منذر: انتو من بكري تضحكو شن فيه🙂
عبدو: لا شيي🙂
راية: 😳 ياااا كلاااب و بدت تضرب فيهم و هما انفلقو ضحك
ايمن شد راية من يدها: تي خيركم هبلتو ولا شنو😡
راية: الكلاب هادم هما الي يديرو ف الصوت مدايرين فينا مقلب😭
ايمن شافلهم و عروق رقبته بانو لين منضره بدي يخوف: الي تقول فيه راية صح؟😡😡
معاد: يا ولد عمي يا حبيبي انت خوي الكبير اسمعنا بس😅😅💔
عبدو: غر خلينا نشرحولك بس🥲🥲
ايمن: بنعد ل التلاته كان متقلبش وجهك انت وياه من قدامي و تمشو تفتحو الضي وربييي العزة...
مخلوشي يكمل كلامه الا و هما يتجارو باش يفتحو الضي🤣🤣🤣الخوف باهي
الجدة حليمة: سعدهم الطايح الكلاب والله قلت جريدة خضرا ع ضهورهم رعشونا رعش عضامهم😠
ايمن: خلاص يا ولاد اطلعو
على خشت خشت الحاج ابراهيم و ولاده
الحاج ابراهيم: خيركم شن فيه؟
الحاجه حليمة: جيت و جابك ربي يا حاج فيه عندك كم حفيد يبو ربايه من جديد😠
و حكتله الي صار
ايمن: خلاص الي صار صار توا و يبصرو هما
الحاج ابراهيم: هادي بصاره يرعشو العيلة كلها؟؟😡
ايمن: شن تعلي ف صوتك عليا شن دخلي اني😡
الحاج ابراهيم: مالا مدافعش عليهم لانه بتزيد تفسدهم😡😡
ايمن عصب ع الاخر و بدي يتكلم بصوت عالي: شن هياااا تزيد تفسدهم اهيا شن تحسابني زي هادوكه الناس صحابك😡😡😡😡
هاني اب ايمن عرف انه ولده عصب و بيفتح الموضوع من جديد و بتصير مشكله
هاني: خلاص سلم ولدي اهدا عيب هدا جدك متعليش صوتك قدامه
ايمن: ربي قال رضى الولدين مش رضى الاجداد و اني مغلطش ولا الواحد كان دافع على روحه معناها ميصلحش؟؟😡
الحاج ابراهيم: مصح وجهك تعلي ف صوتك علي جدك و تقول مغلطش😡😡
الجدة حليمة: خلاص حاج صلي عالنبي مانبوش نرجعو للمشاكل يا حاج😔
ايمن: هدا هوا انتو خايفين من كلام الحق لاكن ورب العزه ما ناسي حاجه و كل شي ف وقته حلو و كل حد ياخد حصته اصبرو عليا بس😡🤌🏻
و طلع و خلاهم كلهم حايرين ف كسبره
الحاج ابراهيم: يا قليل الادب والله انت الي ناقصاتك رباية تهدد يالي ما تتحشمش تو نوريك😡😡
و قعمز و هوا داهش و وجهه احمر
حليمة: بنات جيبو مية ل جدكم... صلي عالنبي يا حاج متعصبش روحك ضغطك يرقى بعدين😢
الحاج ابراهيم شرب اميه و شاف ل هاني: ولدك هدا تربيه ولا نربيه لك اني؟😡
هاني: اهدا يا بوي و وحد الله اني تو نتفاهم معاه
