ايمن: فتح عيونه متنرفز من صوت المنبه سكر المنبه و رجع رقد... بعد نص ساعه
تقربع باب داره بقوه و خش يزغرط🤣جهاد:ليليليلوولوليي نووووض هياا وقت ع الطياره
ايمن عين مسكره و عين مفتوحه: تعرف يا جهاد يا ولد&&& كان متطلعش و تسكر الباب بنوض نفصل فيك🤬
جهاد: تي نوض يا راجل وقت ع الطيارة😃
ايمن: يا نم خلاص معش نبي نسافر اطلع اقلب وجهك خليني نرقد
جهاد: ما إستحشت عيلتك؟؟ راك 7 سنين مشفتهمش😃 تي اني تلاته سنين بس و قريب نهبل باش نروح ليبيا
ايمن: يا&&&& برا روح من شادك يا راجل خليني نرقد عنبو اليوم الاسود الي صاحبتك فيه من يوم عرفتك معش رقدت رقده زي الناس
جهاد:🤣🤣🤣 والله يوم ما ننساه🤣 ايام زمان ايام حلوه والله. ليت الزمان يعود يوماً🥰
ايمن شافله بنص عين: تعرف تنوض يا ام كلثوم من جنبي خير ما انوضلك نعجنك في بعضك؟
محمد خاش يصفرر: ها قد اتى اليوم المووعود واتين يا ولاد😍؟؟
ايمن: زمرييييي اهو جي المختش التاني🤦🏻♂️
جهاد: العيل هدا ما يبيش ينوض
محمد : خيرك يموني ماتبيش تنوض🤭😉🔥 و طلع يجري من الدار🤣
ايمن: يموني حناك العوره يا&&& و ناض يجري وراه و شده
محمد: نبصر نبصر والله نبصر خلاص اخر مره ايمن حني خوت نبصرو ع بعضنا😭💔
ايمن: مليون مره قتلك معدش تقولها ولااا؟😡
محمد: عادي ندلع فيك وخيي انت لازم ندلعك🤣
ايمن: دلع فيتك مانبيشي
محمد : حااضر حاضر اطلقني بس🥲💔
سيبه و خش للحمام
جهاد جي يجري ل محمد والله انك مجرم 🤣🤣🔥كيف مفكرتش فيها اني🤣🤣
محمد: تبيلها ناس مخها كبير😎 مش زيك راسك مربع فيه حمار🙂
جهاد ضرب محمد تيرو: حيوان و اني الي نشكر فيك تفوووو
محمد حس الضربه: اااه😣 من غير ما تشكرني يا حبي نعرف روحي شنو يا سطل😝🤣🤣🤣 و هرب ل داره
بعد طلع ايمن من الحمام بدل حوايجه لبس توته اديداس سوده و طلع شنطته و طلع من الدار لقاهم يستنو فيه شافلهم هما الزوز😒 خيركم لابسين اسود
جهاد: و خيرك انت لابس اسود😃
محمد : اطلعو اطلعو و حني منضرنا زي السكريات🤣💔
وصلو النطار و ركبو الطياره و طول الطريق محمد و جهاد ما بطلوش عراك ديما و هما يتعاركو تقول ضراير🤣🤣
وصلو تونس و بعدين من تونس ل ليبيا...
🔥الكاتبة RASO K🔥
ف ليبيا مزرعه كبيره فيها 5 بيوت .. بيت ل جدهم كبير العيله كان بيته كأنه قصر كبير و ناير ضي في كل مكان و جنبه اربعه ڤيلات ل اولاده
كان حوش العيله زحمه العيله كلها ملتمه فرحانين و دايرين عزومه كبيره ع خاطر اولادهم رجعو بعد سنين من الغربه🤍
نرجعو للشباب بعد نزلت طيارتهم لأرض الوطن اخيرا كملو اجراءتهم طلعو قدام المطار لقو ولاد العيله يستنو فيهم و جايبيلهم نوبه اول ما طلعو من الباب بدت النوبه تضرب محمد وين شافهم طار يجري و بدي فيها رقيص و هبال هوا و الولاد و لحقه جهاد و قعد ايمن يشبحلهم و يضحك عليهم🤣
جي احمد خو ايمن اصغر منه ب سنتين
احمد : هلاااا هلاااا هلا بالغالي هلاااا و خدو بعضهم ب الاحضان ايمن قعد يطبطب ع ظهر خوه الي بكي من الفرحه اخيرا شاف خوه بعد سنييين 🤍
ادم خو ايمن الصغير عمره 25 سنه شافه جي يجري يا خاينيييين خوتي يحضنو ف بعض من غيري😃💔
ضحك ايمن و جاه و حضنه بقوه
ايمن: كبرت يا حيوان🤍
ادم: عيب عليك عاد شن بنقعدو ديما مفرخ🤣
جو باقي شباب العيله سلمو عليهم و هيجو مع النوبه و ركبو السيارات بيروحو
جهاد ل ايمن: اسمع
ايمن: شنو
جهاد: بنروح معاكم ل حوشكم قبل و بعدين بنروح ل حوشنا
ايمن: يا راجل اعتقني حتى ف ليبيا بتلصق فيااا😃💔
جهاد: يا حيوان كلمتني بنت اختي حلفتلي قتلي تبي هي اول وحده تسلم عليا و انت تعرفني منقدرش نرفضلها طلب
ايمن: نتسهوك عليك يا راجل خيرك صدقت😂 اصلا هكي هكي كنا بنروحو بيك معانا تحضر العزومه
و قعد ايمن يرجع ب ذاكرته و يمر قدام عيونه شريط الماضي🔥
وصلو و هشو المزرعه كانو مولعين الجو الشباب كلاكس و العاب ناريه تقول عرس
نزلو الشباب من السيارات و هما عيلتهم الله يبارك الولاد اكتر من البنات.
و نساوين العيلة يزغرطو ..بدت العيله تسلم عليهم
