صلو على الحبيب🤍
راية طلعت من حوش عمها سالم لقت محمد و احمد و ضياء مقعمزين جنب الحوض و يتكلمو ف التلفون
محمد: تي والله كان تشوفها لحظتها الشر يتطاير من عيونهااا🤣🤣
راية جتهم: سااويكم شجو شباب
محمد وجه التلفون علي راية: اهو جت اذكر القط يجيك ينط
راية: كنتو تقرمو فيا يلي ما تتحشموش🙂
شافت ايمن ف التلفون: اوو شجو ايمن الحمد لله على السلامه
ايمن عاقد حواجبه و يجامل: الله يسلمك
راية حست فيه شي غلط بس ما بتش تركز: شن جو ألمانيا
ايمن يحاول ما يكترش دوه: حالها باهي.. محمد مشيت ل جهاد؟
راية وجعتها كيف يتجاهل فيها و هني تاكدت انه في شي صاير لفت و مشت ل حوشهم و هيا تفكر ف ايمن زعما خيره 💔
وصلت للحوش خشت ما لقت حد خشت للمطبخ حطت غذاء مصعب و ركبت ل داره تنوض فيه
راية: مصعب مصعب نوض كان بتتغدا اونه الغدي حطيته ف الكوشه ركزت ف ودنه لقتها مخبشه و دم جاف
راية هزاته بقوه: مصعببب نوض يا دره
مصعب: تي خيرك النم متخليش من يرقدد
راية: خيره ودنك دم من شنو دارتلك حاجه بنت الكلب ؟؟
مصعب: تي غر نشوفها اني حتى شكلها ما نعرفاش قاعد🤣
راية: مالا من شنو
مصعب: درنا عركة اني و مراد مع ولد ف المدرسة
راية: يا متع المشاكل شن صار الولد
مصعب: بسيطه تلاته بونتو ف جبهته بس
راية: 🙂🙂🙂 و بسيطه فوقها
مصعب: تي كان ما حزوناش ره مات مسكين مراد حصل مرشه قريب رشقها ف راسه🤣
راية: و تضحك يا معفن حي عليك حي من جدي
مصعب خاف: اسسسكتي ما تقولي ل حد و وو و
راية: و شنوو قول
مصعب: عطونا ملفاتنا المدرسه و قالولنا معش تجو🥲
راية: حي عليك حييي السنه هادي للمره التانيه يحولوكم من مدرسه ل مدرسه شنو ما تشعفوش انتوووو
مصعب: كله من الولد هوا الي ناشب و بدي ف الضرب
راية: كدااب انتو الي تناشبو تحسابني ما نعرفكش مجرم من تحت لتحت انت و مراد
مصعب: به فكيني من النصائح توا و دبريلي ف حل🥲
راية: غدوا عندي امتحان تو نمشي للمدرسه و ندبر كيف نحلها ادعي غير ما يعرف جدي
مصعب : اي بالله عليك
رايه: خلاص خليها عليا و توا انزل تغدا الصونيه ف الكوشه و اني بنمشي ل حوش جدي
مصعب : تمام
نزلت راية و مشت ل حوش جدها
الكاتبة 🔥RASO K🔥
راية: السلام عليكم
الحاجه حليمة: اهلا اهلا بالغاليه اهلا ب بنتي توا نور الحوش😍
راية ابتسمت و مشت حضنتها: كيف حالك حلومة❤️❤️❤️
الحاجه حليمة: توا ولا حالي باهي بشوفتك😍
الحاج ابراهيم: شنو بنيت جدها ما تبيش تسلم عليا ولا كيف
راية مشتله: لاااا عيب عاد و باست راسه و حضناته
الحاج ابراهيم: سلمها بنتي الغالية❤️
خالد يشوفلها و مبتسم هوا عارف روحه مقصر مع صغاره والي عارفه اكتر و مريحه انه امه و بوه يحبو صغاره اكتر وحدين و مهتمين ب ادق تفاصيلهم فكان مطمن عليهم لما يسافر❤️ لاكن للأسف مش هدا الشي الي كانو محتاجينه راية و مصعب💔
عائشه كانت تشوفلها و منصدمه كيف يحبوها لدرجة انه لما خشو حنين و جنة و حلا و الولاد ما رحبوش بيهم بالطريقه هادي الي الحاجة حليمه كان تلقى تزغرط لما تخش عليها راية❤️
مشت راية سلمت على سعاد و هدى و هما برضو واضح الحب ل راية ف عيونهم
وصلت و عائشة
راية تخطتها: سلمنا امبكريا يا مرت بوي🤣😏
عائشه انصدمت و طارتلها لاكن ماتبيش تبين: اهههه اي😅
هدى و سعاد شافو ل بعضهم و حليمة ضحكت على جنب🤣
راية سلمت على سميرة: كيف حالك عمتي🙂
سميرة: الحمد لله🙂
راية شافت ل سعاد وين البنات؟
سعاد : ف الكوجينا
مشتلهم راية: شنج يا بنات
حنين: طيب فيك الي جيتي قرمتي الكوكب كله انتي و ايات🙂
راية: 🤣🤣🤣 والله قرمنا الناس كلها حتى انتم🤣🤣
جنة: معفنات🤣
حنين: شنو مرت بوك واضح بومة
راية: ايييي واضح عليها اصلا اليوم استقبلتها احلا استقبال🤣🤣
جنة: اييي سمعنا بيك يا كلبه مارتحتيش لين فسدتي عليهم🤣🤣🤣
راية: يا وخيتي شن هالعائلة الي الاخبار فيها تنتشر بسرعة البرق😃
جنة: اني احمد قالي قاله محمد🤣🤣🤣
راية: اي محمد حضر الموقف🤣 زبطني اني مدايره كل شي
حنين: للكن من توا ديري بالك منها واضح سوس و ساهل تجبد بوك ليها
راية: تجبد ولا تزمر ما عندي ما ندير بيه المهم كان قربت عليا ولا على مصعب حتشووف الويييل و اندمها ع اليوم الي وافقت فيه ع بابا😈
جنة و حنين: حني معاك😈
طلعو برا قعمزو معاهم و طول الوقت و هما يلقحو و يضحكو يغيضو ف عائشه و سميرة و عائشه و سميره ناقرين روسهم و يهدرزو بشويه طايرتلهم من البنات🤣🤣🤣 جت الساعة 12 و كل واحد بيروح لحوشه
راية و خالد و عائشه مروحين مع بعضهم و هما ف الطريق يتمشو
راية: بابا ميمي بتمشي اجازة يومين
عائشة نطت: علاش
خالد: علاش خيرها
راية: مريضه بتعاين عند الدكتور
عائشة: مش لازمها تو تاخد دواء يولي حالها باهي غر دلع زايد
راية: و انتي شن دخلك فيها تاخد دواء ولا تدلع🤨
خالد: عيب راية تكلمي ب احترام
راية: علاش شن قلت اني نهدرز عادي قتلها شن دخلها لانه فعلا ما دخلهاش فيها ان شاء الله تقعد اسبوع ولا شهر ميمي جايبها جديييي لياااا انيييي باش تساعدني ف الحوش 😏
عائشة طارتلها: وكنهاده مدامه قاعده معانا ف الحوش بتساعدنا كلنا
راية: بأمر مني طبعا😏 و سبقتهم و خشت للحوش
عائشة: خالدد بنتك لسانها طويل لو سمحت حطلها حد لانه ما يمشيش معاي الجو هدا😡😡😡
خالد: يصير خير
الساعة 4 الفجر:
وصلت رساله ل راية ع المسنجر شافتها لقاته ايمن
( رايتي كيف حالك❤️)
راية تفكرت امبكري كيف تجاهلها قبلت المحادثة و خلاته سين و رقدت
ايمن شاف انه سين استناها قريب نص ساعه ماردتش عليه بعت رساله تاني
(حبيبي عارفك زعلانه مني عخاطر امبكري...ردي عليا باش نفهمك)
استناها عشرة دقايق ما ردتش بعتلها (نحبك❤️) و رقد حتى هوا
سامحوني عطلت عليكم انتو عارفين الامتحانات و تعبهم🥲
المهم ان شاء الله معش نتأخر عليكم🫶🏻🫶🏻
