اللهم صل و سلم و بارك على سيدنا محمد🤍
البنات ف اللمسات الاخيرة و يجهزو
رن تلفون راية
راية: الوو وصلتو؟؟
انسام بنت خالتها: ايواا اي افتحي الباب
راية: من جابكم؟؟
انسام: جهاد
راية: هيا هي😈
راية: جنو بنات خالاتي وصلو بالله افتحيلهم الباب ميمي ف حوش جدو و اللفعة اكيد طلعت قالت بتمشي حوش عيالها 😈😈
جنة: تمام هي اصلا كملت اني و نزلت
جنة فتحت الباب لقت البنات بدت تسلم عليهم والي تسلم تخش كملت سلام و تتفاجئ بالي واقف جنب السيارة و يتفرج عليها😳😳
جهاد و عيونه قلوب قلوب😍
جنة كانت لابسة قفطان لونه بينك هااادي طوله حاير كم طويل مفصل الجسم و رقبته V لعند بداية الصدر مع كعب ابيض و شعر مفتوح🌸
جت عينها في عين جهاد من الصدمه قربعت الباب بقوة😂
جهاد: تي خيرها هادي🤦🏻♂️ لاكن والله الا طرف مغبر البنت🤤 يا ربي اكتبها من نصيبي❤️
جنة ف خاطرها: يا ربيييي ووه محلاه😭❤️
اتصل جهاد ب راية و نزلتله عيد عليها و عطاها هديتها🤍
راية: شنو الهدية😍🔥؟؟
جهاد: افتحي و شوفي و بعدين قولي خالي ميحبنيش حتى مرتي مش حندلعها زيك😎
راية: اييي على اساس تو نشوفو دلعك ل جنة كان منعرفكش حتى الكنس مش حتخليها تكنس😏
جهاد: تي غر توصل عندي بسس والله ما نخليها تمس حاجة ❤️
راية: تعرف لو يجيني شعور 1% انه اهتمامك ينقص اتجاهي والله نطلقكم☹️💔
جهاد حضنها: 😂لالا متخافيش انتي بنيت خالك ره
راية: اممم صححح😌🤍 هي اقلب وجهك الضيوف قريب يجو🙂
جهاد شدها من ودنها: شن قتلك على طول لسانك اني؟؟😠
راية: اااي ااي خلاص نبصر🥲🥲
جهاد: حيوانه المره هادي بنفوتها عخاطر عيد ميلادك بس و طلع روح
طلعو البنات و مشو للصاله لقوها جاهزة كلها و الشركة منضمه كل شي راية مشت ل حوش جدها لقت جدها و جدتها و نساوين عمامها
راية اول ما خشت : حناااي
الحاجة حليمة: مشاء الله على بنتي مشاء الله عقبال ما نشوفك لابسه ابيض و انتي عروسة😍
راية و هيا تلف و توري فيها ف القفطان: ان شااااااء الله يااااا رب😍❤️
كلهم ضحكو🤣
الحاج ابراهيم: تحشمي يا بنت شن قالقه منا ولا شنو😒
راية: تبي الحق يا حااج والله قالقة منكم😝 و هربت
الحاج ابراهيم : اهربي توا سيورك تحصلي و نوريك عليه كلامك😠
بدت الحفلة 🔥و جو صاحباتها كلهم كان التنسيق حلو و كيف ما تبي راية❤️
حنين: شن رايك في ذوقي بس😎🔥
راية: ابدعتي يا كلبه كللل شي حلو 😍❤️
رن تلفون راية: اففف😤
حنين: منو؟؟
راية: منعرفش رقم من بكري يتصل زبل امها و لما نرد محد يتكلم
حنين: فوتيه و حطي ف الحظر
راية: اي هكي بندير و فتحت تلفونها بتحط حظر نادت عليها ايات سكرت التلفون و مشتلها
جابو الكيكة و غنولها❤️ دعت ربي و طفت الشمعة و قصت الكيكة 🎂
تم العيد ميلاد و كلهم روحو و قعدو بنات العيلة قعمزو ف طاوله وحده و بدو يقرمو🔥
رن تلفون راية🔥
راية تعصبت و وقفت و طلعت برا: ايوااااااا😡
مجهول: كيف حالك راية
راية: حالي زفتتتت من بديت تتصل😡 منوو انت
مجهول: كل سنة و انتي طيبة عقبال 100 شمعة❤️
راية: منو انت و كيف تعرف يوم ميلادي و منين جبت رقمي😡
مجهول: مستاحش صوتك ليا تلاته سنين مش قادر ننسى ضحكتك و ملامحك😔❤️
راية: شلاااال عليك معش تتصل فاهممم و سكرت عليه بعتلها رساله( عصبيتك على قلبي زي العسل❤️)
راية قرتها و مردتش عليه و تفكر منو يكون زعما 🤔
رجعت للبنات سألوها خيرها ناضت قتلهم ما في شي
حنين:🤨
راية:👍🏻
حنين:👍🏻
خشت رانيا مرت عمهم: هي نوضو يا بنات خلي يجو العاملات ينضفو و انتو برو بدلو حوايجكم
ناضو البنات و راية قعدت تلم ف الهداية و ساعدتها جنة لانه كانو هلبا و طلعو من الصاله متجهين ل حوش راية
رن تلفون حنين و المتصل احمد❤️
حنين: امشو يا بنات تو نلحقكم نرد ع التلفون
ايات: حتى اني بنخش حوش جدي ناخد تلفوني حطيته ف الشحن و نبدل و نجي
راية و جنة: تمام
عند حنين....❤️
حنين: الو
احمد: تواااا تواااااا تجي للكوخ😡
حنين: خخ خيرك شن فيه😨
احمد: منبيش نعاود كلامي قتلك توااااااا😡
حنين: بب به ججاية😨
حنين من الخلعه طول مشتله لا لبست وشاح لا شي نست حتى انه فيه غفير
وصلت حنين للكوخ و طقت ع الباب
احمد فتح الباب و عيونه حمررررر و عروق رقبته بارزه🔥اول مره تشوفه معصب لدرجة هادي
حنين اول ما شافت شكله خاافت😰
احمد: خشييي😡
خشت حنين و هيا ترعش و مش فاهمة شي💔
احمد قربع الباب و شافلها😡
حنين ترعش: ااا احح احمد خخيرك شن صص صاير؟؟😰
احمد: من يومين بسس معترفلك و قتلك اني نحبك و رايدك و قتلك خليني نكلم بوك نطلبك منه ولااا😡؟
حنين: ااا اي😰
احمد: و انتي شن قلتيلي؟😡🔥
حنين من كتر ما مرعوبه من شكله مش قادره تتكلم💔
احمد: انتي شن رديتي علياااا؟؟😡
حنين: ششش شن😰؟؟
احمد: نطيتي فيا قلتي لا يا احمد بابا بيرفض و بيقولك بنتي صغيره و استنى لين نكمل السمستر و بعدين كلمه و مش عارف شنو😡 هكي قلتي ولااا؟؟؟😡😡
حنين: ااا ايي😰
احمد: كيف حال ليث ولد خالتك؟؟
حنين: هااا؟؟
احمد بعياط: ليثثث ليث ال@$&@ ولد خالتك كيف حاله؟؟🤬🤬🤬
حنين: عع علاش شن دخل لل ليث ف الموضوع😳؟؟
احمد: تستعبطي؟؟
حنين دموعها بدو ينزلو: اا احمد اني والله مش فاهمة حاجة و مش عارفه انت ع شن تدوي و شن صاير و على شن معصب😭💔
احمد: معش تبكي لانه مش حيفوت عليا لاني عرفت كل شي
احمد: ........
عارفه قصيرة لاكن قلت انزل الي كتبته ع الاقل نصبركم بيه خير ما تقعدو تستنو هلبا🥲💔
المهم ادعولي عندي امتحنات الاسبوعين هدو😔
