ايمن: اااااخخخخ معقوله بعد هالعمر تجي فرخه اصغر من ب 11 السنة تلخبطني ف يومين؟❤️
ولع دخانه قعد يدخن و يفكر ف راية❤️
يوم جديد⛅️⛅️
عند الحاج ابراهيم و الحاجة حليمة مقعمزين يفطرو ف الحديقة
الحاج ابراهيم: وتي الحوش اليوم في ضيوف بيجو
الجدة حليمة: العفو ضيوف منو علاش ما قلش قبلها؟
الحاج أبراهيم: ولدك خالد...سالم قطع عليه
سالم: صباح الخير امي صباح الخير بوي و باس راسهم🤍
الجدة حليمة: صباح النور وليدي فطرت؟
سالم: اي فطرت صحتين انتو.. شنو منو بوي شن صار ف اليوم؟؟
الحاج ابراهيم: كيف بنقول ل امك
عند بطلتنا كانت راقده ف سااابع حلمه خشت عليها الشغاله تنوضها
الشغاله ميمي: راية قوم بابا يبيك تحت قووم
راية ولا تندري ع الدنيا منوين زارقه🤣
ميمي: اووف راية قوم يلا شنو هدا كلا نوم نوم نوم ما يشبع انتي؟😃و قعدت تهز فيها من كتفها
راية: يا عنبوك يا ميمي كان متطلعيش توا تقلبي وجهك بنوض نعجنك😡شن هالناس الي عايشه معاهم ميخلوش حد يرقد😡😡
ميمي: بابا يبيك تحت قالي روح قوم راية انا شنو دخل😒
راية: بريله بوك قوليله راية بترقدددد يعطيكم مرقد ان شاء الله😡 و غطت وجها ب الورغان و ولت رقدت🤣
ميمي نزلت ل خالد: بابا راية مافي يقوم
خالد: الصبر يا ربي به خلاص بري ل شغلك
و ركب ل غرفة راية طق الباب
راية: ميمي وحق ربي بنجي نقتلك 😡
خالد فتح البابا و خش: نوضي ياسرك من النوم
راية حولت الورغان من على وجها: قصدي كاني شبعت نوم راني نوضت بروحي ف لو سمحت ممكن تخليني نرقد و لما نشبع نوم تو انوض🙂
خالد: لا نوضي توا نبيك ف موضوع
راية: يا ودي ما نبيش نعرف شي خليني نرقد
خالد تعصب: قلت نوضي اني😡
راية ناضت و هيا معصبة: اوففف اوفف اووووف
خالد: على من تنفخي انتي😡؟
راية ماردتش عليه و خشت للحمام
خالد: الصبر يا ربي لمن طالعه هالفرخه حتى امها مش هكي🤦🏻♂️و نزل للصالة
طلعت راية من الحمام بدلت حوايجها و لبست هودي بينك من نايك و سروال لاصق لونه ابيض من نايك رفعت شعرها ديل حصان و كان شعرها ل نص ضهرها و دارت مرطب شفايف و بخت من العطر و نزلت للصالة
راية: يالله صباااح الخير متخلوش حد يرقد😒
خالد: صباح النور🙂 قعمزي افطري
قعمزت راية ع كرسيها و بدت تاكل
راية و فمها معبي: اي شنو الموضوع الخطير الي منوضني ع خاطره🙂
خالد حط فنجان القهوة و شافلها
خالد: انتي عارفه نظام شغلي و عارفه انه كل شويه نسافر فتره هني و فتره ف تونس و فتره في دبي و فتره في المانيا يعني مش تابت ف مكان واحد
راية: به ربي يعاون شن دخلي اني😃
خالد: الموضوع انه اني بروحي و محد معاي مافيش من يضم و يرتبلي حاجاتي و اني مسافر بالمختصر مافيش من يونسني
راية: ارفع ميمي معاك تو اضملك و تنضملك و منها تفكني منها😃
خالد:🤦🏻♂️🤦🏻♂️🤦🏻♂️مش هكي قصدي
راية: مالا شنوو
خالد: اني بنتزوج
راية كأنه من صب عليها مية مغلية قعدت تشوفله ب صدمة
خالد كان يستنى في ردت فعل منها غير الصمت
راية ب ثبات: تو منوضني من احلا نومه باش تقولي بنتزوج شن تبيني نديرلك مثلا؟؟🙂
خالد مصدوم من ردها: لا غر قلت نعطيك علم بس
راية: به🙂
خالد: اليوم الفاتحة و بنجيبها مره وحدة
راية: كان زدت خليت و ماقتليش لين قريت فاتحتك و بعدين تقولي زي البرانية مش خير🙂؟؟؟
خالد توتر من اسلوبها و نظراتها الباردة: والله كله جي بسرعه بسرعه
راية وقفت: به به اني بنمشي ل جداي اكيد تستنى فيا و طلعت من غير ما تستناه يرد
خالد: وووك و خلاص البنت هادي حرفه والله ماهي مريحه المرا اني نعرفها😃💔و ناض ينضم اموره العريس🤣🤣🤣
