صلو على الحبيب🤍
تاني يوم الصبح الساعة 10🤍:
تلفون راية يرن
راية: ايوا😴
حسناء خالت راية: اهلين ريوه كيف حالك🤍
راية: اممم منو😴
حسناء: تي نووضي يا همي الاحرف تردي و متعرفيش منو المتصل🤦🏻♀️
راية: 😴😴😴
حسناء: الوووووو😡
راية: همم همم نسمع😴
حسناء: علاش ما قلتيش بوك تزوج
راية: تو يا خويلة منوضتيني باش تقوليلي علاش ما قتلكش🤦🏻♀️💔
حسناء: اييي قوليلي توا كانها مش كويسه نجي ناخدك تقعدي عندي انتي و مصعب
راية: هيهيهيهييييي انيييي نطلع من حوش بوي و نسيبه للكلبه تسرح و تمرح فيه بروحهاااا تي ما يكتبها عليا التاريخ
حسناء: من كلمة كلبة واضح انها مجرمة ولا؟؟
راية: لعند توا اي تلقح و تشقلب ف عيونها امس ما سكرتش يوم ف الحوازه و تتأمر ما تبيش ميمي تمشي اجازه
حسناء: طيح سعدها اسمعي نوضي اني جاياتك و منها ناخدك معاي بنمشو اني و خالاتك ل حوش جدك بنباتو غادي
راية: لا ما تجيش توا لانه بنطلع بنمشي للجامعة عندي امتحان الساعة 12 تعالي العشية مع خالو جهاد
حسناء: تمام ديري بالك ع روحك انتي و مصعب و كان دارتلكم حاجة كلميني بس والله نجي نغبرر ايامها🔥
راية:🤣🤣🤣🤣 اقوا خويلة اقوااا
حسناء: هي باي
راية: باي
ناضت راية خشت الحمام دوشت و طلعت بدلت حوايجها رن تلفونها
راية: ايوا
حنين: شن صاير ف الدنيا نايضه بكري😃
راية: اتصلت بيا خالتي هدرزت لقيت روحي مصحصحه نضت بدلت و بنقعمز نراجع توا
حنين: تمام حتى اني بنراجع نص ساعه و نطلعو فؤاد يستنى برا
راية: تم هي تشاو
سكرو و رايه تفكرت ل ايمن امس انه بعتلها خشت قرت المسجات و ماردتش عليه و كملت مراجعة
عند البطل:
كان مقعمز ف مكتبه لابس لبسة الدكاترة و يخدم على الاب كان كل شويه يفتح تلفونه يشوف هل راية شافت مسجاته او لا ..شد تلفون لقاها شافت المسجات على طول اتصل بيها
راية شافت تلفونها لقاته ايمن مابتش ترد
عاود اتصل بيها مره تانيه و هني راية ردت ف اللحظه الاخيرة
ايمن: حبيبي❤️
راية: شن تبي
ايمن: كيف حالك حبي❤️
راية: من ربي تمام
ايمن: حبيبتي قاعدة زعلانه مني عخاطر لقطة امس؟
راية: و خيرني ما نزعلش🤨نكلم فيك و ننشد عليك و انت ترد من راس خشمك😒
ايمن: عارف و عند الحق تزعلي لاكن اني تصرفت هكي بس عخاطر مانبيكش توقفي جنبهم لانه كان بنكترو كلام بتعطلي ف الوقوف جنبهم و اني تعرفيني منحبش توقفي جنبهم😔❤️
راية: واللهي؟؟؟🙂 خيرك يا بابا نسيت انه اني عايشه معاهم و متربيه معاهم و نعرفهم اكتر منك🙂يكون ل معلومك هادم خوووتي لا اني ولا هما نفكرو نفس تفكيرك
ايمن: علاش خيره تفكيري🤨
راية: انت ادرى بتفكيرك🙂المهم هما خوتي زي ما اني اختهم ف ياريت ما تبالغش ف الموضوع هلبا
ايمن: به تمام.. ناقصك شي؟ بنسكر اني
راية: سلامتك🙂
سكر ايمن و هوا مضايق من كلامها
ناضت راية لبست شوزها و نزلت لقت ميمي مطلعه شنطتها
راية مشت ل ميمي و تكلم فيها ب صوت واطي
راية: زي ما تفقنا اسبوع و بعدين ارجعي😈
ميمي: تمام🤭
نزلت عائشة من الدرج لابسه قفطان حوش احمر قصير ل الركبة و شبشب تشلفط بيه تسمعي مشيتها من بداية الشارع🤣🤣
عائشة: ميمي خيرك ما ضميتيش الحووش من امس حايس😡
راية: هييييي هيييي بشويه على اعصابك ميمي مريضه و بتمشي تعاين 🤨 و اضنه امس سمعتي انه ميمي جايبها جدي ليا انييي☺️ يعني اني الي نقلها تنضف ولا لا☺️
عائشة: واللهي و الحوسه هادي من بيضمهااا😡
راية: مش عاجباتك الحوسه ضميها☺️
عائشه: انتي لسانك طويل هلبا احترمي نفسك اكبر منك راني😡
راية: علاش شن قتلك🤣 المهم هي ميمي التاكسي يستنى فيك اطلعيله😈
ميمي: تمام و حضنتها باي راية🤍
راية: باي يا قلبي🤍
عائشة: و انتي وين على خير ان شاء الله متسقده من صبح ربي🙂
رن تلفون راية
راية تجاهلت كلامها و ردت على التلفون: ايوا حبي😈
حنين: هي اطلعي اني برا
راية: تم يا حب هي
حنين: حباتك القراده شن جايك اليوم🙂
راية: هيهيهييهههايي تو نقولك 😈و سكرت
عائشه تشوفلها و بتطربق من اسلوبها المستفزز🤣
راية: هي باااي مرت بوي🤣😈و طلعت و خلتها تغلي
راية وصلت ل السياره لقت فؤاد واقف قدا السيارة
راية: صباح الخير عمو فؤاد😊
فؤاد: صباح النور يا بنتي هي اركبي خلي نوصلكم
ركبت رايه و سلمت على حنين
حنين: شن جايك اليوم نايضه بكري و نشيطه شن بيصير ف الدنيا
راية: بيصير كل خير😈🤣
حنين: شنو شفتي اللفعة ولا لا
راية: خليتها تغلي قريب تموت🤣🤣
حنين: 🤣🤣 تهني اقسم بالله
وصلو الجامعة دارو امتحانهم و طلعو لقو فؤاد يستنى فيهم
راية: عمو فؤاد امشي ل مدرسة مصعب
فؤاد : حاضر
حنين: علاش؟
راية: مداير عركه هوا و مراد مع ولد تاني و فتحوله راسه تلاته بونتو🤦🏻♀️
حنين: نهاار حرف خيرهم المهبله هادم ما يشعفووش
راية: مش هني الدوة☺️
حنين: مال شنو
راية: عطوهم ملفاتهم و قالولهم معش تجو☺️💔
حنين: حيييي حييي كان يسمع جدي
راية: المهم توا نبو واحد من الولاد يجي معانا لانه مش حيسمعو كلامنا كان بروحنا
حنين: تو نكلم احمد
راية: شنوو انتي اي شي تستحقيه تكلمي ف احمد😉علاش متكلميش واحد من خوتك
حنين: عادي يعني هكي ع خاطر احمد هادي و متفهم بس و خوتي ضياء بيقولك خليه ف الحوش احسنله🤣 و محمد راقد
راية: هادي و متفهم صار صدقتك تو نمشيها ب مزاجي و نشوفو اخرتك
حنين: راية ما تشليهاش عليا ترا🙂
راية: به به كلميه هيا🙂
اتصلت حنين ب احمد و رد عليها
حنين: اهلا احمد كيف حالك😊
احمد: اهلين توا ولا حالي باهي❤️و انتي
راية شافت ل حنين😉😉😉
حنين توترت: اااا احمد
احمد: عيونه❤️
راية بهمس: لا خشومه😉🤣
حنين: اااا بنقولك عادي تجي مدرسة مصعب و مراد؟
احمد: علاش شن فيه
حنين: لالا ما في شي جينا اني ورايه رايه بتخش للاداره و نبوك معانا
احمد: حاضر هي اهو جاي
حنين: تمام نستنو فيك و سكرت
راية: توا ولا حاله باااهي و عيونه و حاضر وين وين وين و تقولي ما فيه شييييي😉🤣🤣🔥
حنين: والله هوا بروحه هكي يتكلم🙁
راية: شكله يحبك😉❤️ انتي الوحيده الي يتكلم معاك ب الاسلوب هدا
حنين: لالا مستحيل🙁
راية: دقيهالي وشمه هني كان ما طلع يحبك🤣🔥
