للَـ لـَيثِ رؤيا

ما قَبل ولادتي

خذيت ملابسي ودخلت للحمام وبواهسي اطفر بــ الحمام واصيح من الفرحه

اخيراً اجه هــذآ أليــوم وگدرت اقنع والدي أنــو يخطبها أليه بـ؏ــد ما چان الرفض سَيد الموقف من طرفه

دخلت للحمام ودخلن وياي كُل الذكريات
وبدن يسحبن بـيــة للماضي...

قبل ٦ سنوات...

چنت گاعد بــ ٢ بالليل

بــ احد ليالي تشرين الأول
متمدد بــ الحديقه وصافن على النجوم أنــي و افكاري وأتخيل السماء عباره ؏َــن مُحيط وأني قُبطان أليــوم وسفينتي هيَ القمر

والنجمه القريبه من القمر هيَ المناره إلـي ادليني على الطريق

بنص هاي التخيُلات اجاني اشعار رساله
حسيت أنو موجه عاليه غرگتني أنــي وسفينتي

لزمت جهازي وباوعت
اشعار من برنامج التليغرام

جان مضمون الرسائل

عَباره عَن بنت تائهة بــ غابه واسعه وضلمه
ما يوصللها النور
وتحاول تلگه لو ضوه بسيط تگدر تحتمي يمه وتحس آمان الها

بـ؏ــد تعب هوااااي لگت هــذآ الضوه وركضت متوجهة ألــه

ومن عدها وقررت تستقر يم الضوه هذا وما تبتعد عنه ابد

رديت على رسائلها وأني حاس بكميه التعب الي بيهن
حاولت اطبطب عليها من خلف الجهاز وكُل الي چان بــآلي

السالفه مُجرد وقت و بنت عابره .

لَيث : شنو أسمج ؟

هَي : اسمي روان

يُتبع...