للَـ لـَيثِ رؤيا

الـ مُميزه

بدء ضلام الليل يَنجلي لـ يُعلن يوم جديد من أيام شهر تشرين الأول
وما زالَ ليث يتبادل الحديث مَع روان

ليث : زين والدتج شنو موقعها بهذا إلـي دا يصير كُله؟
روان : والدتي متوفيه

_ اسف اللّٰـه يرحمها
_ لا عادي

_ زين ما عندج اخوان لو خوات؟
_لا أنــي الوحيده لـ ابوي لذلك لاعب بيه طوبه (بضحكه خفيفه)

واكملت كلامها ..

_و أنــي عمري ٩ سنوات والدتي توفت بــ سرطان بــ الدم من عدها وصار ابوي كلشي بالنسبه الي وهوا عوضني عن فقدان امي وحاول ما يحسسني بــ عدم وجودها بــ حياتي وهم ما تزوج وراها لان جان زواجهم على حب
وجان يوفرلي كُلشي اريده

_زيــن روان اكدر اسئل والدج شنو يشتغل ؟

_والدي عنده مولدات ثنين و عمارتين سكنيه و يشتغل بــ الجيش كذلك دائمــاً يروح عني اسبوع ويرجع اسبوع

_زيــن وقت إلـي يروح عنج اسبوع تبقين وحدج بالبيت لو يجي شخص يمج؟

_ على الأكثر ابقى وحدي دائما بَــس مرات تجي يــمي خالتي"  صفا "
او بنت خالتي " هاجر" ومرات اني أروح يمهم بالبيت
والاكل مرات اطلب لو مرات يجيبلي ابن عمي مرتضى

_ يعني زيــن ماشيه امورج من والدج ما موجود

سكتت شوي وتذكرت سؤال ..

_ زيــن روان ما سألتج انتِ وين عايشه؟

_ اي صح ما كلتلك ، أنــي من بغداد تحديداً حي الجامعه

_ اممم ما اندل هــذآ المكان بس هوا مكان أمن مو؟

_ اي هواي أمن هنا ماكو شي

_ تمام الحمدالله لعد

_ ليث تكدر تجي اتصال ؟

سكتت شوي ...
اني مو من النوع الي يحب يصعد اتصالات بس فكرت انو حالتها تعبانه ومحتاجه شخص يوكف يمها لذلك ما ردت ارفض ألها اول طلب تطلبه مني
واعتقدت أنــو الطلب الأخير لأن كُل إلـي بالي مُجرد بنت عابره بحياتي

_الو

_الو هلا ( بصوت يرجف )

_ لسه تبچين؟
_ لا مابيه شي عادي

توا اريد احجي بس أتسرب المسمعي صوت اشعار اجاني
وخرت الجهاز وباوعت ، صديقي احمد اتصل

_ روان بس استأذن منج احمد يريدني

_ تمام عادي مو مشكله

سديت الجهاز ورديت على صديقي وچان مُختصر الكلامه انو يريد نطلع نفتر وبقانون الأصدقاء
"الطلعه ما يعلى عليها شي"

لذلك ما گلت لا وگبل كلتله تمام جايك

بدلت وطلعت ولاكيته واكف يم بابهم هوا و الجكساره مالته " الستوته "
صعدنه ونطلقنه