للَـ لـَيثِ رؤيا

"يَوم كـَ الجحيم"

چنت هواي مخطط الكلام اكوله بــ ذيچ الحضه
جان هواي كلام عتاب خازنه بــ داخلي وبعض المرات جنت اصنع سيناريو بــ خيالي بينها وبيني شلون العتاب راح يكون وشنو راح ترد عليه واني بشنو ارد عليها

جان هوا كلام براسي بَــس راح ...

_مَشتاقتلك
_واني هَم.

تخيلت كَلمة " و أنــي هَم " راح تكون كلمه قويه ورسميه لو حجيتها هيــچ راح تكون كلمه عَتاب
بَــس چنت اجذب ؏ــلى نفسي بذيج الحضه .

_شلونَك؟
_الحمدالله ، المن رجعتي ؟

_صارت وياي ضروف وبتعدت
_اهخ من هاي الضروف الماتخلص
_ليو والله مدا اجذب عليك والله صارت وياي ضروف

_روان ضروف هيــچ ترحين بدون ما تكولين سبب تخليني اضن بيج ضن سوء والخ من الكلام !

_ماصارلي مجال اكلك والله والتهيت بــ كم شغله هاي الايام
_هههه كلامج ما يقنع حتى الغَبي !

جنت أحــچي هيــچ كلام وبداخلي كَم من الحُب بداخلي كم من الاشتياق اريد تحجيلي ولو عذر يقنع نار گلبي ويصير ماي ويطفيها
ردت عَذر مُقنع !

تاليها ورا ما شَفت ماكو عَذر ضليت أنــي اطلع اعذار الها.

_غَبتي لان صارتلج مشكله وي والدج وسحب منج الجهاز بوقتها مو؟
_ها ... اي هــذآ السبب بَــس ما حبيت اكلك.

_تمام عادي إذا هيــچ بَــس شون رجع هسة الجهاز؟
_مراجعه
_لَعد مين دا تراسليني هسة ؟
_مَن جهاز خالتي صفا فتحت الحساب بجهازها ودا اراسلك

_زيــن ليش ما فتحتي بجهاز هاجر بت خالتج ؟

_مو هاجر تدري بيهــآ مخطوبه لذلك خطيبها ما يقبل هيــچ شي وهيَ ما تكسر كلام خطيبها لو تسوي شي من ورا
_اها اوك زيــن وين هسة انت؟
_ابيتنه خالتي و هاجر هنا يــمي
_ابوج وين؟
_ابوي طالع للمنصور اعتقد ما سئلته
_يعني هسة راح ترجعين تراسليني لو خلص بَــس هاي المحادثه وترحين !
_ابقى أرسلك بَــس يمكن اكطع مرات بسبب الجهاز ابوي ساحبه كلتلك يعني من تجي خالتي لو اروحلهم أراسلك من جهازها

_تمام زيــن شصار على سالفه شيلتكم لـ اربيل ؟
_بنهاية هــذآ الشهر يعني بـعـد اسبوع ونشيل

_زيــن إذا بـعــد اسبوع شون راح نتراسل اذا خالتج بيتهم هنا ابغداد وانتم رايحين الاربيل

_لا خالتي وهاجر راح يجن ويانه لان يراد نرتب البيت وهيج فهء ابوي طلب من خالتي تجي ويانه وراح تجي هيَ
_اها اوك

_ليو باوع
_ها كولي
_ إذا دا نحجي و حضرتك لو حذفت المحادثه لو دزيتلك كلمه " لا تدز شي"
هاي هنا يعني اجت خالتي وراح ارجع الجهاز الها

_اظاهر ورانه تعب هواي
_تحملني ليو فدوا كوه لكيت طريقه اراسلك بيهــآ وكوه فتحت الحساب
_هفف تمام متحملج متحملج
_ليو ما كارهني مو؟
_ضايج منج اي بَــس ما اكرهج مستحيل
_ليو لا تكرهني فدوا بس والله صارت وياي ضروف لو بيدي ما ابتعد عنك ابد انت سندتني بيوم ما إلـي سند غــير رب العالمين وانت مستحيل اعوفك هلكد لو ما ضروف شي كلش جبير بداخلي انت