للَـ لـَيثِ رؤيا

" كُلشي چذب "

فتَنتني بــ وعودُها...خَدعتني بــ برائتُها
الشيء الوَحيد الَذي كانَ حقيقياً فيها
هوا جَمالُها.

چــآن كُلشي چذب مَن ذيچ الليله الَحد هــذا الشَهر

شباط...

ردت أفتهم ليش؟
بَــس شلون اعرف إذا كانت راح تگول الصدگ بَعد كُل هــذآ الچذب الحچته!

وصلت للبيت وشايل بــ گلبي نار السَعير..

بديت وگلت !

_مَوجوده؟

چنت أعرف ما لازم ادز هاي الرساله لأن گايلتلي
"لا ادز رساله مو جهازي هــذآ ألــه أنــي ادزلك "

كسرت القواعد ودزيت...

گعدت وافكر وادور لكُل چذبه عذر
مالگيت!

انتظرت رساله منها ....

بَعد ربع ساعه...

روان :: ليو تحجي صدگ شون ادز رساله لو شايفتها خالتي هسة

انتفضت مَن مكاني على صوت الاشعار
عصرت گلبي أخرتني وخنگت صدري وگفتني وصوت بداخلي گلي
اتشجع !

لزمت جهازي وفتحت الرساله

_رؤيا

شافت الرساله ، صفنت شوي قبل لا ترد

_منو رؤيا؟
_انتِ!
_شنو اني
_رؤيا عرفت كلشي كافي تنكرين.

_ليث اهدء بس خل احجي تمام
_ليش سويتي هيــچ؟
_راح افهمك كلشي بس اصبر والله افهمك كلشي
_كرهتچ
_ليو لا تحجي هيــچ والله راح تعذرني من تدري والله

_شعذرج رؤيا؟ لو آيه تنزل بيج ما اعذرج شعذرج؟
على ياهي اعذرج؟
ولچ امي ميته وانتِ تأذين بـيــة شعذرج؟ شسويتلج أنــي حتى هيــچ سوين بـيــة ؟

_ليث بَــس اهدء والله راح اسولفلك على كلشي وتعذرني والله

_ماريد تسولفين خلص هنا وينتهي كلشي ماريد اشوفج بعد
_لا ليو والله ماكدر والله سويت كل هــذآ أنــي على مودك ماكدر اعوفك ماخليك تروح