للَـ لـَيثِ رؤيا

" رؤيا "

بعد مرور ثلاث أيام الفاتحه ....

دخلت للبيت فتحت باب الهول وباوعت على زاويه الچانت تگعد بيهــآ أمي
بَعده فراشها ممدود مَحد شايله

تقربتله وجدامي كوه يمشن كعدت بمكانها
لَسه ريحتها بيهــآ

اهخ
بَحسره حجيت

-وتاليتها صرت يتيم يلويث وأمك ماتت لاعندك ام بعَد ولا عندك إلـي تحط راسك بحضنها وتشكيلها بَعد

دموعي خَلصن وحَزني بَعده
تركت بداخلي جرح ماعرف شون اضمدنه
مَثل طير وبنص بحر طايح
لا يكدر يطير ولا طيور يساعدنه

بنص حزن أجه حزني الثاني

اجت روان بَعد غياب ٣ ايام....

_ليو موجود

اوف شكد اتمنيت بذيج الحضه اختل بــ حضنها
بَــس هيَ محتاجة سند أصلا

_ليو؟

-هــآا روان

_شونك
-بخير عايش لسه انت شونج
_عوفك مني شون صار وضعك
-شون يريد يصير يعني امي وراحت مني
_افتهمك أعـرف شعورك شنو
_هف المهم انت شونج
_والله ليو زفت كلش
_شصار؟
_شون اكلك وانت بهاي الحاله أصلا
_أحــچي هوا شضل بـيــة بعد أحــچي
_ابوي بعد اسبوعين يكول نسوي الخطوبه
_يا خطوبه؟
_خطوبتي اني ومرتضى
_يعني راح تزوجين!
_ليو ماريد والله
_شنو ماتردين روان شنو خطوبه شصار واني ماكو!

_بيــك حيل تسمعني؟
_سولفي

على لسان روان بدت تسولفلي....

ابوي كلتلك ورا ما تعارك وياهم رجع كال لازم تزوجينه بعد لان هوا إلـي كشف عليج ماريد باجر عكبه يعيروني بيج

وكعد يحجي هواي حجي
وخالتي صفا بالبدايه وياي طابكه وراها طبگت ويا وگال
هوا ابوج و اعرف بــ مصلحتج شنو ما اكدر اسوي شي أنــي

_زيــن شنو يعني هسة!
_مادري راح اسوي شي حتى بَــس هاي سالفه تنسد ماريد غيرك ليث والله

_زيــن اشتكي علي بالمركز شنو هاي يريد يزوجج غصب!

_ليث ابوي بالجيش وعنده واسطات هواي حتى إذا دخل للسجن ثاني يوم يطلع واذا يطلع يدمرني

_ويعني شنو
_ماعرف
_روان والله البيه مكفيني تعبت كلش تعبت ماريد اخسر شي بعد خساره امي ما تتعوض ماريد نوب انت هم ترحين مني هسة

_ماروح والله أنــي الك وماخليك تروح الغيري بَــس خل أشــوف اسوي اي شي على مود هــاي الشـغلــه ما تكمل

_اوف تمام أنــي رايح هسة تعبان اريد أنــآم
_تمام احبك ليو
_واني هم احبج واني هم