للَـ لـَيثِ رؤيا

البداية

مرحبا اني ليث ؏ُــمـري ١٩ سنه طالب سادس اعدادي ساكن بــ البصره وتحديداً بــ ام قصر

؏ــنـدي خوات ثنين واني الوسطاني

وحده بنين و وحده زهراء
وعندي أحــسن ابو وأم بــ الدنيا

اساعه بــ ١١ صبح

امي: ليث كوم النتائج انشرت

_صدك ( بــ صدمه ) طلعتو اسمي لو بعدكم

_ لا بعدنه النت ضعيف ما دا تفتح

_ خوش صبري خل اغسل وجهي لحد يطلع الشهاده أنــي اريد اطلعها صبرو

گمت سريع وغسلت وجهي واحس صاير سباق ابين گلبي و انفاسي
رحت وكعدت يمهم

امي وابوي و خواتي الثنين دا يحاولون يطلعون الشهاده مالتي ومن رابط الرابط

آخر شي كدرت اطلعهن

وبصرخه فرح نهيت الحرب بيني وبين سادس واعلنت بي انتصاري علي

الفرحه بذاك أليــوم  تخيلتها اكبر فرحه بحياتي قبل لا تدخل فصعونتي بــ حياتي.

دخلت للحمام سبحت واني كُلي فرح اتخيل واني اسبح الـ مي دا يغسل كُل تعب بجسمي صار بسبب هاي المرحله

طلعت وبدلت وطلعت وي اصدقائي والفرحه تارسه هــذآ أليــوم
ورا تعب هواي رجعت للبيت وصليت وطلعت بالحديقه

متمدد بــ الحديقه وصافن على النجوم أنــي و افكاري وأتخيل السماء عباره ؏َــن مُحيط وأني قُبطان أليــوم وسفينتي هيَ القمر

والنجمه القريبه من القمر هيَ المناره إلـي ادليني على الطريق

بنص هاي التخيُلات اجاني اشعار رساله
حسيت أنو موجه عاليه غرگتني أنــي وسفينتي

لزمت جهازي وباوعت
اشعار من برنامج التليغرام

جان مضمون الرسائل
__________________
مَن جانب أخر...

الـ مجهولة : هــآا بــآبـا جايه اصبر

الآب : سريع لا طولين

_ ها بابا كول

_ روان ما فكرتي بالموضوع إلـي حجينا امس؟

_بــآبـا ما يحتاج حتى أفكر كلتلك أنــي زواج ما اتزوج هسة ماريد والولد حتى ما أحــبه وهسة صرت سادس هاي سنه لازم ابتعد ؏َــن هاي الأشياء افهمني بابا فدوا

_ لعد اني انطيتهم حچايه وكلتلهم خلص روان الكم شنو تردين تفشليني وي اصدقائي ؟ ( بــ صياحه )

_ يعني هسة اصدقائك أحــسن من بنتك صارو؟ ؏ــادي ادمر مستقبل بنتك ؏ــلى مود ترضي اصدقائك؟

_ روان هــذآ ألمــوضـو؏ سولفنه بي هواي ولازم نحطله حد زواجج من محمد راح يصير يعني راح يصير

سكتت والدموع سولفن بمكانها
صعدت الغرفتها وسدت الباب و وي أحزانها صفنت
تفكر بــ مستقبلها شلون راح يضيع إذا زوجت محمد

"محمد : شخص ينتمي إلى طائفه مُحدده بالعراق متعصبه دينياً و ما عدهم بنات يشتغلن ويدرسن والبنت عدهم عباره ؏َــن اداة لتفريغ الشهوة و عمل البيت "

رجف گلبها ورادت بَــس تسولف وتشكي حزنها
فتحت الجهاز وشافت حساب " ليث أبن ثائر " گدامها

طبت ؏ــلى التليغرام ودزت رسالتها

" أحمني "

گعدت وبديت اقرا بــ رسالتها ، وكُل إلـي جان بالي بنيه عاديه مثل أي مُتابعه تراسلني

بديت اقرا بــ رسالتها چــآن وضعها ب الرساله مَثل

الـ طير ألي نكسر جناحه وماگدر يهاجر وذا يشوف باقي افراد السرب يطير ويبتعد عنه
ودا يشوف الشته بده يجي !

چان هناك آمل واحد أنــو ينقذه هوا أنــو احد الناس يساعده
بَــس كُلها چــآنت وجوه عابره من يَمه
محد هتم الجرحه وداوا!

الحد ما أستقر هــذآ الطائر بــ حظني و گلي برساله اسطرها ترتجف فاضحه كميه تَعب الكاتبتها

أحمني !

رديت عليها وحاولت اطبطب بــ أحرفي البسيطه على گلبها عسى ان يخف رجفت معصمها
عسى أن اروي حديقة گلبها
عسى أن تسترجع الألوان بحياتها

الحد ما هدئت البنيه !
وبديت احاول افهم
منو هاي؟

ليث : شنو اسمج؟

هيَ : روان

_شگد عمرچ روان

_ توا دخلت ١٨

_ اكدر اسئل سؤال ولو راح ادخل بحياتج؟

_ اسئل عادي

_ ليش هيــچ تعبانه شصاير ويــآچ؟

ومثل سَد قديم ومحد فاتحه مُنذ زمن طويل منتظر شخص يحرك بوابته حتى يدفع كُل الوحل إلـي ساجن الماء العذب إلـي بداخله

اندفعت بالكلام

_قبل ٣ سنوات مَن هاي الحضه ليث چــآنت حياتنه اجمل حياة وجان والدي افضل ابو بالدنيا
وجان هواي مدللني واني البنت الوحيده ألــه ما جان يرفضلي طلب جان فعلاً محسسني بــ مقوله " الابو هوا الحبيب الأول ل أبنته "

بَــس ليث شوي شوي بده يتغير من صادق ناس منتمين لـ احد احزاب العراق وبدو يقرون بــ راسه ويخلونه يتغير علينه
و والدي ياخذ بــ كلامهم و واحد من عدهم بده يقنع ابوي حتى ينطيني ل ابنه

ومن عدها و ابوي تغير كلش بــحيث ضليت اشوفه مو والدي ابعض المواقف
وهواي مرات ضل يگلي انتِ اجيتي للدنيا خطأ ويستنكف لان عنده بنيه !

يتبع...