للَـ لـَيثِ رؤيا

"ألـ وَعد "

بَعد الكلام الـ قصير مَع مُرتضى والتَفكير الطويل الذي تلاه قَررت أن أمــشي في الطَريق الذي يَرسمه قلمُ قلبي ...

روان : لَيث موجود؟
ليث: اي گولي ؟
روان : حاچيت ابوي بــ خصوص مُرتضى والسالفه
_ ي وشصار؟
_ تگدر تجي اتصال يكون افضل ؟
_دقيقــة انتظري

أنتبهت لـ نفسي لـ هسة واگف بــ الباب
دَفعت بــ نفسي ودخلت للبيت بَعد ما بَدلت ملابسي و غَسلت اجيتها

_تمام گدرين تتصلين

اتصال...

_هلو لـَيث

كَم كانَت أحُرف أسمي رائع وهيَ تخرج مِن ذالك الشبيهِ بالكرزِ

_هلا روان
_فارغ هَسة؟
_اي سولفي
_تمام اتربع گدامي خَل اسولفلك

كم أضحكتني هَذه الجُمله وكَم جعلتني أتخيَل أني مَعها في غُرفه صَغيره

الحَديث الي صار على لسان روان...

روان: اللّٰـه يساعدك بــآبـا
سَعد: هــلا بيج بابا
_بابا اريد اسولفلك سالفه صارت من انت جنت بــ الشغل
_تمام كولي
_بس اوعدني ما تسويلي شي لان معلي اني والله
_شنو بــآبـا شصار؟

سبقت أدموعها الگلام وبَدت تحجي

_بابا من جنت انت بالشغل اندك الباب وطلعت صحت منو ورد عليه مرتضى فتحتله الباب و ورا ما دره انت ما موجود هنا بالشغل دفعني گبل ودخلني جوا وحط ايده على حلكي ودفعني على الحايط و وخر ايده وباسني من حلكي وعافني ابجي بالكاع وطلع

_روان شدتحجين انت!
_والله بابا وداعت امي هــذآ إلـي صار

كَملت روان وگالت...

عاف ابوي الغرفه وطلع كبل وعيونه يجدحن نار و ورا ساعتين يلا رجع للبيت وهوا كله عصبيه ورا ما سئلته وين رحت جاوبني

_رحت لبيت عمج ابو مرتضى
_ليش شصار
_معليج بس مرتضى بعد ما يوصلج
_شصار بابا
_تعاركت وي عمج و ضربت ابنه وضل يصيح اني اريدها واحبها وراح اخذها غصب " وعد "
رديت علي شدتحجي انت وضربته وعمج هم صيح على ابنه

بس مرت عمج الكلبه وكفت وي ابنها وضلت تصيح وتحجي وكلت لـ عمج إذا ما تخليلها حد أنــي اخليلها وبده عمج يصيح علي

_بابا اسفه
_معليج انت هذا ابن عمج العار مأمنج يمهم وتالي هيج يصير بس ما راح نبقى هنا مو أمان
_شنو قصدك بابا شنو يعني ما نبقى هنا
_يعني انشيل لغير بيت
_وين غــير بيت هذا بيت امي كل ذكرياتي بي
_امج راحت ماتت روان خلص الذكريات ما راح ترجعها الج
_بابا شدتحجي شبيك؟
_روان يا أما انشيل يا اما بــ اسرع وقت تزوجين محمد ما اتحملج اني بعد
_شنو!
_مثل ما سمعتي من رحت هناك بالشغل فكرت بــ كلامج زين وكلت راح ارحمج من سالفه الزواج بس بعد الي صار هسة يا أما تزوجين يا أما تعوفين هاي الذكريات ونروح الغير بيت