ذكري بلون الدم

الفصل الثامن

ميران خرجت من الحمام وبدلت ثيابها ثم سرحت شعرها وتركته مفرود خلف ظهرها ثم امسكت هاتفها وجلست علي السرير واتصلت علي نيره ومازن مكالمه فيديو جماعيه بعد عده ثواني  ردوا

قالت نيره :" هاي قايز وحشتوني "

رد مازن : " وحشناكي اي يا نيره احنا لسه سايبين بعض من شويه "

ردت  نيره: " عادي وحشتوني الساعتين دول "

قاطعت ميران حديثهم الغير مهم وقالت :
" جماعه في خبر عايز اقلكم عليه "

انصت مازن هو ونيره باهتمام لما تقولوا ميران فبدأت ميران بالكلام وقالت :
" طبعا انتوا عارفين ان انا رحت وعطيت الفلاشه لرأفت باشا " أومأ الاثنين براسهم

فقالت نيره : " ايوه عارفين هو في حاجه حصلت معاكي ولا اي"

نفت ميران براسها وقالت : " لا محصلش حاجه كل الي حصل ان رأفت باشا عطانا اجازه لمده اسبوع عشان ادينا المهمه بنجاح "

صقفت نيره بسعاده وقالت : " احلفي "  قالت ميران : " والله "

ابتسمت نيره بسعاده وقالت : " يبقي نرجع ايطاليا تاني زي ما قلتيلي قبل كده "

ردت ميران : " ده احنا لسه جايين يا نيره وكمان انا المفروض استريح عشان دراعي "

ردت نيره : " علي فكره المرادي انتي هتروحي مش عشان مهمه احنا هنروح نتفسح يعني مش هتتعبي صح يا مازن متقول حاجه "

رد مازن وهو يأكل تفاح : " انا بصراحه معنديش مانع "

ردت نيره : " اهو شفتي مازن كمان مش ممانع فيلا وافقي بقي "

تنهدت ميران وقالت : " تمام هفكر"

ردت نيره بسرعه : " لا مفيش وقت للتفكير يلا قولي دلوقتي "

رد مازن : " وافقي وخلاص يا ميران انتي عارفه ان نيره مش هتسيبك غير لما توافقي "

ردت ميران : " تمام ماشي موافقه "

ابتسمت نيره بسعاده وقالت : " انا هروح اجهز شنطتي وانت يا مازن احجز التذاكر عشان نلحق نسافر بكرا بسرعه "

قالت ميران : " اي حيلك حيلك انا مقدرش اسافر بكرا "

اختفت ابتسامه نيره وقالت : " ليه مش هتعرفي تسافري بكرا "

ردت ميران : " انا رايحه بكرا لتارا بقالي مده مرحتش عندها وزمانها زعلانه مني "

رد مازن وهو يأخذ قطمه اخري من التفاحه : " يعني دلوقت احجز التذاكر امتي "

ردت ميران : " بعد بكرا هيكون مناسب "

رد مازن : " اشطا "

كتفت نيره يدها وقالت : " بس كده في يوم هيروح مننا "

ردت ميران : " مجتش من يوم يا استاذه نيره "

أومأت نيره ثم قالت : " يبقي كده تمام بعد بكرا هنسافر ايطاليا اوكي ومحدش يقولي بعد كده انو مش هيعرف يطلع عشان هروح اجيبه بالعافيه اديني قلت اهو "