عند فيصل
دق على امه
ام نايف : هلا وش عندك
فيصل : نعقد قران ترف يمه
ام نايف بغضب : عليك
فيصل: ليته يمه
ام نايف : اشوه مني تعيس الحظ الي بتله
فيصل : يمه والله ما خليه تتزوج غيري
ام نايف : اقول بلا كلام فاضي خذت مين
فيصل : يمه الحين هذا الي همك يا يمه انا احب ترف
ام نايف: حبتك القراده زين الحين اقول مين اخلص علي
فيصل : بن ******* ضيدان
ام نايف : اسمع اذا سويت شيء جدك بيذبحك خلها تولي ادور لك الي حسن منها من الي خلفها
فيصل : لا يمه ابي ترف
ام نايف تقلده : لا يمه ابي ترف خلاص البنت صارت على ذمت رجال تعرف جدك والله ما يتردد يذبحك انتبه تسوي شيء يالله انقلع
عند البنات
كانن يرقصن ترف و بنات عمها كلهن
دخلت ام نايف طفت المسجل مسكت مايك صارت تزغرط
ترف : وش عنده ذي الهيلقية
ابحار : مدري
توجهت ام نايف لترف : الف الف مبروك ربي يسعدك يكتب لك حلو الايام حبيبتي ياترف والله اني فرحتلك مثل بناتي
ترف بخوف : على وش
ام نايف حضنتها : الله يسعدك والله اني فرحتلك مثل فرحتي لبناتي ربي يسعدك
ترف : على وش تفرحين
ام نايف : تم عقد قرانك صارت تزغرط
ترف تجمدت بأرضها
ابحار : على مين
ام نايف : مبروك يا ام ضيدان مبروك والله ان ترف مافي مثلها ثنين ربي يوفقهم يسعدها
ام مساعد : على مين
ام نايف : على ضيدان
ترف كانت مصدومه بس تطالع الي حولها
ام ضيدان تحاول تلطف الجو لأنه موقف غريب محد يعرف فجاء صار الموضوع
ام ضيدان حضنت ترف : وانتي صادقه ترف ما منها ثنين ربي يوفقك يا بنتي ويسعدك يارب
ترف كان واقفه مصدومه ماردت ولا كلمه
ترف : تركتهم طلعت على غرفتها وهي تبكي
لحقتها ابحار
ترف كانت منهاره
ترف : ليه كذا ليه جدي وعدتني تسوي الي يرضيني
دخلت ابحار: خلاص ياقلبي انتي
ترف : ليه يسوي فيني كذا وش سويت له ليه وعدني يسوي الي يرضيني
ابحار: هدي يا قلبي
ترف : وش هدي خلاص صرت على ذمته خلاص ليت ابوي عايش يشوف ابوه وش سوه فيني والله للحين صغيره مابي مابي اتزوج
ابحار: طيب هدي ياقلبي
ترف : حضنتها صاحت بصوت : فقدت الوعي بين يدين ابحار
ابحار: ترف ترف يمه يمه نجلاء احد يجي
نجلاء : وش فيه
ابحار: نادي امي بسرعة
نجلاء راحت تنادي
دخلت ام مساعد هي خايفه
ام مساعد حطتها بحضنها : تمسح على وجها : ترف حبيبتي قومي
ابحار تبكي : يمه تكفين سوي شيء
ام مساعد: دقي على جدك بسرعة
دقت ابحار على ابو حمدان
رد ابو ياسر: هلا
ابحار: عطني جدي
ابو ياسر :مشغول
ابحار: قوله ترف تعبانه حيل بسرعة
ابو ياسر همس لابو حمدان
ابو حمدان : انا طالع شوف ضيدان وينه خله يلحقني لقسم الحريم
طلع ابو حمدان
ابو ياسر لقى ضيدان بالحديقه يشرب دخان هو ومساعد نايف
ابو ياسر: ضيدان
ضيدان : خير
ابو ياسر: ابو حمدان يبيك ضروري
ضيدان: يبي يزوجني الثانيه شكله
ابو ياسر: يناديك بسرعة
ضيدان: قوله انه ماهو جاي
ابو ياسر تقلط عليه همس باذنه : ترف تعبانه يناديك عشان تأخذها للمشفى
ضيدان : رمه سكاره من يده طلع لقسم الحريم
