لا لا تضايقون الترف لا تضايقونه

البارت 30

بالليل على ساعة 12:00
كان الكل نايم ماعدا البنات كانن صاحيات مشغلات نار جالسات حولها
كان القمر طالع نجوم بالسماء
ملاك : ما مليتو من الجلوس طفش ياخي
نجد: وش نسوي عطينا
ملاك :عندي مسجل صغير جبته معي وش رايكم اجيبه بس ترا ها من الحين اقول الكل بيرقص دور دور
نجد: اي جويي
ابحار: ماعداي
ملاك: أولهم انتي
جابت المسجل
ملاك: اول وحده نجد يالله قومي بس وش تبين
نجد  : حطي مصري
ملاك: طيب يالله قومي
نجد لفت شال على خصرها صارت ترقص الكل يصفق لها
ملاك: عاشت عاشت نجودي
فاتن: وطي الحين يسمعونا
ملاك: معليك خلنا نستانس قومي معها
فاتن: لا مابي
ملاك: تكفين قومي معه فاتن تعرف ترقص بعد مصري
نجد سحبته معه
فاتن صارت ترقص
ملاك خذت علبت مناديل كنهن فلوس فوقهن
بعد ما خلصن
ملاك : دور مين الحين
فاتن: ترف 
ملاك: وش الشيله الي تبينها
ترف : لا خلي غزلان أنا بعدها
ملاك: لا انتي يالله قومي
ريم : وش نحط لك
ترف : اي شيء
ابحار: ترف تحب اغنية خالد عبدالرحمن فزولها لين اقلبت فزولها
ترف  : ابي احد يصور
نجد: عطيني أنا صور
كانت لابسه مخور ازرق فلت شعره بدأت ترقص

فزوا لها لين أقبلت فزوا لها
حبيبتي في حسنها من مثلها ..
لين أقبلت ريم الفلا ومن وجهها شاع الحلا
فزوا لها حبيبتي ومع فزكم قولوا هلا

غنوا لها يأهل الطرب غنوا لها
خلوا السهر يأهل السهر يحلا لها
خلوا الشـٌعر لين أنتثر يرجع لها
حبيبتي كل الطرب غني لها ..
لين أقبلت ريم الفلا ومن وجهها شاع الحلا
فزوا لها حبيبتي ومع فزكم قولوا يا هلا

ترف : خلاص تعبت
ملاك: يا حظ اخوي فيك
نجد: لوني ولد كان خذتها من اخوكم ههههههه
نجلاء ضربتها بخفه :
نجد: اخخ امزح وش فيك خذي جوالك 
ترف خذته
ابحار : ارسلي لضيدان
ترف: مدري اخاف عنده عيال ولا ينقد علي
ابحار: انتي غبيه لا مارح ينقد إذا شافه منك اكيد بيبعد عن العيال
ترف: مدري
ابحار : ارسلي
ترف بتردد رسلت لضيدان
عند ضيدان كان جالس مع العيال شابين بعد نار كلهم حوله
ضيدان لمح رساله من ترف استغرب انها راسله فيديو ابتسم سحب جواله بعد عن العيال
راح وره الخيم قرز على رجوله بيده دخان ينتظر يفتح فيديو شوي فتح الفيديو
يوم شافه ابتسم يتأمل الفيديو بهدوء
ولا شعورين كان يردد مع الغنيه
غنوا لها يأهل الطرب غنوا لها
خلوا السهر يأهل السهر يحلا لها
خلوا الشـٌعر لين أنتثر يرجع لها
حبيبتي كل الطرب غني لها ..
خلص الفيدو تنهد ضيدان ما وده يخلص
ضيدان حالو يكتب شيء لكن ما طلع معه تنهد رجع للعيال
عقله قلبه راح مع الفيديو الي شافه

رجع ضيدان هو يغني وجهت عيني ملاك

جالس مع عيال هو يغني لهم هم يصفقون له

ملاك : يالله دور ابحار وش الغنيه الي تبينها
ابحار: .......
ملاك: ابشري يالله قومي
ابحار : بس ابي احد يصورني بعد.
نجد: عطيني أنا اصورك
ابحار : خذي
فلت شعرها اسود الي يوصل نص خصرها كانت لابسه مخور احمر
بدت ترقص على شيلة
كانت تهبل