عند ضيدان طلع للإبل
ترف غسلت وجهها طلعت للبنات
البنات شافن كيف وجهها ماحبو يحرجونها ويسألونها عن شيء جلست معهن ولا كان صار شيء
بالليل على ساعة 9:00
كأنو البنات وابو ضيدان و ام عقاب وأم ضيدان كلهم بره بالحوش جالسين مشعلين نار
ترف طلعت عليهم
ترف : سلام
الكل وعليكم السلام
ترف : شلونك ياعمي
أبو ضيدان بحنيه : الحمدلله يابنتي أنتي شلونك اخبارك
ترف : الحمدلله
أبو ضيدان : وينه ضيدان نايم
ترف : لا ماهو هنا
أبو ضيدان : وينه هذا الولد
ترف : طلع العصر مدري وين راح
أبو ضيدان تنهد سحب جواله : الو
ضيدان : هلا يبه
أبو ضيدان : وينك
ضيدان : عند الإبل
أبو ضيدان : وش عندك للحين عند الابل تعال
ضيدان : بنام هنا
أبو ضيدان : لا منت نايم تعال
ضيدان : العامل راح
أبو ضيدان تهند: طيب بس الصبح تجي أبيك بموضوع ان شاء الله
ضيدان يفكر عشان ترف : أنا طالع الصبح للرياض يمكن انام بعد بالرياض
أبو ضيدان : وليه
ضيدان :عندي شغل ضروري مع احد أخويياي
أبو ضيدان : طيب مايمدي تمر البيت قبل لا تروح
ضيدان : لا ما يمدي بس اذا شيء ضروري امر
أبو ضيدان : لا خلاص
ضيدان : يالله تبي شيء
أبو ضيدان : لا
أبو ضيدان : ضيدان بينام عند الإبل اليوم
ترف كان تناظر الأرض بصمت ما قالت شيء
أبو ضيدان : يالله تصبحون على خير
الكل وأنت من أهله
بعده كل راح ينام ماعدا ضي وترف
ضي : شكلك ماهو جايك نوم
ترف : ايي
ضي : دامه كذا أبيك موضوع
ترف : وش
ضي : مدري كيف بقوله لك بس أنا صديقه لك صح
ترف ابتسمت : أكيد
ضي : طيب أنا بسئلك بصفتي صديقه لك وانسي أني أخت ضيدان وش الي الخلاف الي بينك أنتي وضيدان يمكن اقدر أساعدك أو أني أكون بيت لأسرارك لا تضلين كاتمه
ترف ناظرت الأرض بصمت
ضي : على راحتك بس متى حبيتي أنا اسمع لك
ترف :خلاف عادي
ضي : طيب أنا اعرف ضيدان ترا هو دمه حار باله ماهو طويل لكنه حنون انتظري بكره ان شاءالله بيتصلح كل شيء
ترف بقلبها ماضل شيء يتصلح : ان شاء الله
ضي : أي على فكره ما شفتك شريتي فستان
ترف : طلبت طلب بيجي مع إبحار
ضي : زين
ترف : أنتي خلصتي
ضي : ايي خلصت
ترف : زين
بدت ترف وضي يتكلمن لين غلبهن النوم
ضي : يالله قوي خلنا ننام وش رأيك تنامين عندي
ترف : أي لأني خايفة الصدق انام بالغرفه لحالي
ضي : يالله قومي
مر ثلاث ضيدان ما دخل البيت كان بالرياض
بقى على العرس يومين الي بالقصر كلهم توجهم للديره ماعدا نوف ضلت مع الخدم
العيال وصلو الديره معهم ضيدان راحو يبنون الخيم مابقى شيء للعرس
ضيدان ما دخل البيت من وصل راح معهم يبنون
منصور : تكفون شغلو ضيدان بعرسه جالس مثل أم العريس حنا نشتغل
نايف : إي صدق هو وعد مساعد إنه يقوم بعرسه
ناصر : خلو مساعد يجلس ضيدان يشتغل يرد حقه مساعد
مساعد كان بعالم ثاني كان خايف ان يظلم ضي إنها ستعجل ما وافق بيئرادته وافق عناد بجده من يوم خطب هو يئنبه ضميره أنه وافق بس عناد بجده
منصور: المعرس الامحق بعالم ثاني
ناصر : مساعد
مساعد:ها
ناصر : وين وصلت
مساعد: معكم
ناصر : واضح وش كنا نقول
مساعد: مدري
ناصر : أنت كنت بنص عقل الحين بعد الخطبه صرت بلا عقل
كلهم ضحكو عليه
مساعد:أقول سد فمك
منصور: لكذا أنا مآبي تزوج ياخي وش لي بلاهم
ناصر : وش هم يارجال ليه كلكم مأخذين نظره عن زواج انه هم الحين ناخذ رأي ضيدان إذا كان زوج زين وش رأيك يا ضيدان بالزواج تنصحنا نتزوج
ضيدان تذكر كل لايام مع ترف ابتسم بسخريه : أي زين أنصحكم تزوجون
ناصر : خلاص دوري بعد مساعد ان شاءالله
منصور: لا ولد للحين وقت لاحق على الهم
ناصر : وش الهم بالعكس تصير أب تصير لك عيله ترا حلو الشعور لمن ترجع البيت عيالك يركضون عليك بابا جبت لي حلاوه أنا أبي كذا هي تقول يعطيك العافيه أكيد انك تعبان عيال بعدو عن أبوكم أنا قول لا خلهم تعب يهون عندكم
الكل ضحك على تخيلاته
ضاري : وضعك ميؤس منه الله يساعدك
ناصر : الحين أنت بسئلك وش شعورك وأنت أب
ضاري ابتسم هو يفرك راس نمر : شعور لا يوصف أجمل شعور بالحياه شعور الابوه
عقاب : هو أجمل ولا شعور الحب
ضاري : اسئل احد مجبر للحين ما جربت شعور الحب بس اضن ان مافي اجمل من شعور الابوه
ناصر : ياخي تحمست اتزوج
عقاب : وش رأيك نخطب لك طب تخير من هالديره وأنا الي بخطب لك
ناصر : مين قالك ان أنا مو خاطب
عقاب : جد من وين
مساعد: من عندنا اختي
ضاري : ماشاءالله طلعت عديلي متى هذا الكلام
ناصر : من عشر سنوات
عقاب : ماشاءالله اعترف غمز له
ناصر : اعترف عن حب
مساعد : أنت ما تستحي تقوله قدامي
ناصر : لا ليه استحي احبها وش فيها من يومنا ورعان بعد عندك اعتراض
عقاب : أنت وضعك مثل ما قال ضاري ميؤس منه
ناصر : أي مريض الحب
مساعد : والله إذا ما سكرت فمك لخليك مريض عن صدق
ناصر : وش فيك ترا الحب ماهو عيب ولا حرام كلنا نحب
عقاب : تكلم عن نفسك أنا ماحب
نايف : صدق اتفق الحمدلله عمري صار 28 للحين ماحبيت مو اجباري نحب كلنا
عقاب : صدق
ناصر : راح نص عمركم لنكم ما حبيتم وش فيه الحب ترا يغير نظرتك للحياه يخليك شخص ثاني
عقاب: إنت خلاص ميؤس منك الله يساعدك
رعد : والله يا ناصر قاله محمد السكران
