عند ضاري و ابحار كانو كل طريق ساكتين
بعد ساعات وصلو الديره
ابحار كانت نايمه
ضاري : ابحار
ابحار : ها
ضاري : وصلنا البسي نقابك
ابحار : طيب
شوي وصلو قدام البيت نزلو كانت ساعة 7:30م
رعد : ضاري ليه جيتو
ضاري : ابوي وينه
رعد : بالمجلس ليه فيه شيء
ضاري : احد عنده
رعد : بس فلاح وعقاب
ضاري : زين
دخل عليهم ضاري
ضاري : السلام عليكم
الكل عليكم السلام
ابو ضيدان : وليه جيت
ضاري حب راسه جلس قباله
ابو ضيدان : ليه ما ضليت مع اخوك
ضاري : جيت عشان توقفون هالزواج
عقاب بستغراب : و ليه
ضاري : كذا
عقاب : شلون كذا فيه شيء
ضاري : اي في شيء
عقاب بخوف : وش
ضاري : عز يشرب دخان
عقاب بستغراب: هذا انت تشرب وش فيه
ضاري : أنا الكل يدري فيني مو من وراكم
فلاح :مافي فرق
ضاري : إلا في فرق الي يشرب من ورا ابوه دخان الله اعلم وش يسوي بعد
ابو ضيدان : انت وش تقصد شايف شيء
ضاري: لا ما شفت شيء بس قلت لكم الي يشرب دخان بالسر ...
ابو ضيدان: عيال حمدان مهم من نوع هذا
ضاري: يبه لا تضحك على نفسك امس عرفتهم
ابو ضيدان : وانت بعد امس عرفك عطاك بنته ولا سأل عنك عطاك وهو مغمض عيونه
ضاري: يعني بعد الي قلته موافق
ابو ضيدان : أنا عطيت كلمتي مااتراجع عنها
ضاري: يبه ملاك للحين صغيره
ابو ضيدان: مارح يعرس الحين بعد ثلاث سنوات
ضاري : يبه مستحيل يصير هالعرس
ابو ضيدان : بس اموت ذاك الوقت تتصرف
ضاري: بعد عمر طويل بس
عقاب : عز رجال فاهم متعلم واضح عليه ماهو من الي في بالك
ضاري: حتى أنت
عقاب : اي
ضاري: كيفكم بس أنا مارح امشي بالزواج ولاني موافق بس يجي ضيدان يصير خير
ابو ضيدان: سوي الي تبيه انت و ضيدان دامني حي هالزواج بيصير
ضاري سحب حاله و طلع
عند ضيدان وصل القصر
ضيدان : يالله انزلو
فاتن : وانت ما تنزل
ضيدان: لا عندي شغل انزلو
فاتن: طيب
ضيدان ناظر ترف : لا تنتظروني يمكن ما ارجع بنام برا
ترف بصوت واطي : احسن سكرت الباب بقوه
نزل ضيدان قزاز : بردها لك انتظري
ترف شمقت بعيونها مشت خلته
ضيدان: يصير خير يا ترف
#لالا_تضايقون_الترف_لا_تضايقونه
عند ترف دخلت جناح جدها هي والبنات
ريم : شعنده ضيدان
ترف : اخوكم مو صاحي جلست على كنب تبكي
ملاك: وش فيه وش سوا لك
ترف: كل الي سوا تسئلين
ملاك: اقصد وش سبب الهوشه
ترف: سبب سخيف بس هو يسوي من ولا شيء شيءٍ ياخي والله تعبت ليه اخوكم كذا
ملاك: حبيبتي انتي هذا ضيدان عصبي من يوم يومه بس ترا طيوب الحين يرجع يصالحك
ترف : ادري انه بيصالحني بس بعد وش كل مره يهاوش يرجع يعتذر يقول ماعد ازعلك يرجع
ملاك: الله يهديه
ترف مسحت دموعها : اسف اني وجعت راسكم معي
فاتن: لا عادي ياقلبي انتي
عند ضيدان
ضيدان: خير وش عندك تراني مصدع
ضاري: عشان موضوع ملاك
ضيدان: وش فيه
ضاري: أنا مو موافق
ضيدان : ليه ابوي عطا كلمته لعمي
ضاري : عز يشرب دخان
ضيدان : اي هذا أنا وانت نشرب
ضاري : بس مو بالسر
ضيدان : شوف هو غلطة بس عاد مو لذي درجه نرجع بكلامنا
ضاري : ضيدان أنا خايف انه يمشي طريق فيصل
ضيدان : مستحيل عز واضح عليه رجال كفو لو في شيء كان بان لا تظلمه
ضاري : بلكي ظلمنا ملاك
ضيدان: ضاري تعوذ من ابليس شيل هالافكار من راسك الله يوفقهم
ضاري: أنا مانه موافق
ضيدان: وش بتسوي بتقف بوجه ابوي يعني
ضاري: لا بس مارح امشي بالزواج هذا لا من قريب ولا من بعيد خلكم سوو الي تبونه
ضيدان: ضاري
سكر الخط
تنهد ضيدان
