عند ضيدان مسك خط الديره يهوجس بحياته هو و ترف وش راح يصير
ضيدان: انتي دمرتي حياتك بيدينك وش السبب الي يخليها توافقه على واحد مثلي تترك العز الي هي فيه تجي للديره وش غايته معقوله مجبوره مجنونه هالبنت دمرت حياتها بيدها كيف تقبل يارب ما ظلمها انها يتيمه مابي اكون ظالم ليتيمه
( فأما اليتيم فلا تقهر )
بالقصر تحديدًا بقسم ابو نايف
فيصل : يبه ترف راح تتزوج
ابو نايف : اي الله يستر عليها
فيصل: يبه انا ابي ترف
ابو نايف تعدل بصدمه : انت وش تقول يولد
فيصل : انا ابي ترف بنت عمي
ابو نايف : توك جاي تقول ليه من البدايه ما قلت
فيصل : قلت لجدي قبل لا يخطبها لضيدان وعيا
ابو نايف بغضب : انت صدق قلت له
فيصل : ايي قلت قبله باسبوع كنت ناوي اقلك نهار العشاء عشان تخطبه لي بس صدمني انه زوجها ضيدان وش يقصد بحركته ذي يعني ضيدان اطلق مني عشان ياخذ ترف
طلع ابو نايف و الشياطين تلعب براسه بعد كلام فيصل
ام نايف تلقت ابو نايف قبل لا يطلع من جناحه : وين وش فيك كذا معصب
ابو نايف : بروح لابوي
ام نايف : وش عندك تعال نقعد وفهمني بتروح لابوك انت كذا معصب بيذبحك ابوك قلي وش عندك هدي بعدين نروح لابوك
ابو نايف : بكلمه عشان فصيل وش يقصد لامن يروح يعطي ترف لضيدان هو فيصل مكلمه قبل
ام نايف : مين قالك ان انا ابي ترف لفيصل احسن انها تزوجت ضيدان لمصلحتنا فيصل بزوجه وحده احسن من ام لسان
ابو نايف : انا ما يهمني الي يهمني ليه زوجها ضيدان فيصل لا وش يقصد
ام نايف : ابوك سوه كذا عشان مصلحت ابنك ترف لسانها طويل مستحيل نتفق حنا هي بكره توجع راس ولدك بعدين خلها تبعد عن القصر لمصلحتنا ناخذ حنا جناح ابوها نزوج في فيصل الي احسن منها ومن الي خلفها
ابو نايف : قولتك ما كلم ابوي
ام نايف : لا تكلمه سوي نفسك ماتدري
ابو نايف : بس فيصل وش نسوي فيه
ام نايف : خليه علي بعدين ليه ما حضرت العشاء
ابو نايف : مين قالك اني ما حضرت
ام نايف : لا تخاف ما يخفي شيء عني
ابو نايف : مابي اشوف زاهد
ام نايف : اذا ما تبي تشوفه ما تروح للعشاء عشان تفضه الساحه له لاخوه حمدان
ابو نايف : يسون الي يبونه
ام نايف : لا وش يسون الي يبونه عشان بكره اذا ابوك مات ياخذون كل شيء انت عيالك يطردونك بره تروح الحين تقول لابوك ما حضرت العشاء لان كنت تعبان قلبي يعورني اذا جابو طاري زواج ترف تبارك بعدين تقول اخذتم موافقة البنت انت عمها لازم تسئل
ابو نايف : ماني رايح ولاشيء
ام نايف : الا تروح
دخلت غزلان
ابو نايف نقلب وجهه لانه يكره غزلان كل ما يشوفها يذكر توأمها من يوم مات
غزلان : سلام
ام نايف: وعليكم السلام وش عندك
غزلان :ابي انام عند بنات عمي عادي يبه
ابو نايف بغضب : نامي وين ما تبين بس لا تشوفيني وجهك
غزلان لها سنين للحين ما تعودت على كلام ابوها نزلت دموعها : بس
ابو نايف : قلتي بتنامين روحي نامي انقلعي
غزلان طلعت من الجناح وهي تبكي
