عند العيال طلعو للمحل
كان عز و منصور يشمون مع بعض
منصور: مساعد يقول انك خطبت
عز: اي الله يبارك فيك على قبالك
منصور : لا مابي
عز: هههههه وليه
منصور: توي باول شبابي لاحق على هم
عز: عيالك يكبرون معك بعد وش الهم
منصور: مدري ياخي ماني مستعد
عز: اخطب خلنا نعرس مع بعض
منصور: لا مابي
عز:ههههههه كيفك بكره تندم
منصور: كذا هذا محلكم
مساعد: اي ليكون مو عاجبك
منصور: فكرته مطعم اكل طلع محل عطور خرطي
مساعد: انت ما همك غير بطنك
منصور: اي وش اسمه
مساعد: عقاب يبيه الريم محل الريم للعطور
نمر: على إسم عمتي..
عقاب حط يده على فمه : اقول انت سوالفك كثيره وش رايك ترجع انت واخوك للبيت
نمر: لا مابي
عقاب : إلا تبي اقول رح
منصور: الحين انت من جدك تره كل اسم وش فيه ريم لا اكثر ولا اقل أنا بن حصة وأخو وجدان تبي اسم عمتي بعد وش فيك
عقاب : وش دخلك انت كيفي مابي احد يعرف
ضيدان:هذا عقاب من يومه صغير
رعد :من يومه بالابتدائية قال اسم وحده من خواتي لصديقه قاله بس اكبر بتزوج اختك من يومه حرم يقول اسم خواته او امها
منصور: ههههه لا إذا كذا معه حق بس عاد لا تبالغ كثير كله اسم يا بن الحلال
مساعد: طيب نبي نعرف لسبب ليه هذا الاسم بالتحديد
عقاب : تذكر لمن قلت وش نبيع فيه كنت جالس وجتني عطتني الفكره ان نفتح محل عطور اول مره محل عطر بالديره قالت دامه صاحبة الفكره اسميه باسمها
منصور: ذكيه
عقاب : انت وش دخلك
منصور: طيب ما قلت شيءٍ تستحق ينقال لها ذكيه بس
عقاب : مالك شغل أنا اقول له
منصور: والله أنا ابن صحه إلا أنا اقلها
عقاب : تعقب
منصور: أوريك
ناصر : خلاص خلنا ندخل
دخلو يشفون العطور
عند البنات جالسات بالحوش
غزلان: غريبه يا عمتي وجدان وينها
حصة: عيت تجي ضلت عند نوف البنات
غزلان: اي
ترف : شلونكم شلون جدي
حصة: الحمدلله جدك ما شفته من يوم رحت من هنا ما يجالس
ترف: الله يهديه
حصة : ابيك موضوع تعالي
ترف: أنا
حصة: ايي انتي
ترف : طيب
بغرفة الضيوف
حصة : شلونك
ترف: الحمدلله
حصة: اقصد انتي زوجك متفقين
ترف: اي الحمدلله
حصة:زين معك
ترف: اي عمه ضيدان نسخ من ابوي الله يرحمه حنون مثله
حصة: زين هذول عيال زاهد مافي منهم اي مافي خبر تفرحينا فيه
ترف: عن وش
حصة ضحكت : اقصد انك حامل
ترف نحمر وجهها : لا
حصة: وش فيك استحيتي ترا عادي هذا راح يصير لكم اربع شهور
ترف: الله كريم يا عميمه
حصة: ايو الله الله كريم شوفي أنا عمتك يا ويلك تبين شيء او تحتاجين شيء ما تقولين لي خذي هذا لك
ترف: عندي يا عميمه والله ضيدان ماهو منقص علي شيء
حصة: مبلغ صغير من ام لبنتها الله يوفقك يرزقك بالذريه الصالحة قولي امين
ترف: امين عميمه يوفقك و يطول بعمرك
حصة: يالله خلنا نطلع بس ها غزلان بعد شلونها هي و عقاب
ترف: على قولتك مثل السمن على عسل
حصة : الله يسعدكم يوفقكم يارب
