بالعزبه عند ضيدان والعيال
وصلو
ضيدان : يا هلا بالأصيل
عقاب : نسيتها من يوم تزوجت ياخاين
ضيدان : ما نسيته بس نشغلت عنه
عقاب : ايي واضح
ضاري : قايل له بس تزوج بتنسى
عقاب : مقيوله من زمان الحب اعمى عمت على عيونه ماعد يشوف
ضيدان : شوف مين يسولف اقول رح ساعد العامل
عقاب : ابشر يا ابو دانه
ضيدان ابتسم فرحه يوم قاله :
عقاب : للحين على اسم دانه
ضيدان : ان ربي كتب ان شاءالله
عقاب : ان شاءالله تجيك دانه وعقاب
ضيدان : مين قال اني بسمي على اسمك
عقاب : مين سماني انت قلت عجبني الاسم سميتك راح تسمي على اسم
ضيدان : هذا قبل الحين تغير رايي
عقاب : اهم شيء زاهد ولدي كيفكم
ضيدان : هي أنا مو ضاري عشان اعطيك الاسم
عقاب : طيب الي يصير له قبل هو الي يسمي وش رأيك
ضيدان : تم
ضاري : وانا معكم
عقاب : لا انت خلاص سميت نمر صرت ابو نمر
ضيدان: اي صدق تبي تسمي على اسمي ماعندي مانع ابشر بالي يعزك
ضاري: لا مابي عشان يطلع عليك
ضيدان : حبيبي إذا طلع علي والله انك تهنيت
عقاب : هههههههههه
ضاري: أنا أشهد تم ربي كتب ولدي الثاني ضيدان ان شاءالله
ضيدان نقز فرحه : يسعد عينك حضنه
ضاري: هههههه
عقاب : بكره تشوفون ولدي إذا ما وقفو له شيوخ يوم يدخل يقولون دخل زاهد بن عقاب بن زاهد
ضيدان سحبه عليه بمزح حط راسه تحت يده : الله ينطيني عمر وشوف عيالك يا عقاب
عقاب : الله يطول بعمرك بتشوف بكره تجي تخطب لبناتك ولدي من وسامته وهيبته
ضيدان : تخسي انت ولدك
عقاب : نشوف
ضاري: اقول خلنا نخلص شغل قبل
عند البنات
ترف : يالله أنا بقوم جهز نفسي بس كم يوم نضل
ملاك: ابوي قال يومين بس خذن اكثر
ترف: طيب
ابحار: أنا بروح لسوق الديره بشري لمحمد و نمر بس مين ياخذني قبل لا يجون
ملاك: إمشي أنا معك
ابحار: بس نشوف ضاري إذا يخليني
ملاك : طيب
عند غزلان بغرفتها دخلت
دقت غزلان على عقاب كان ماسكه خروف عشان يذبحونه
عقاب : هلا غزلان
غزلان : هلابك وش فيك
عقاب : كنت اركض وره خروف ها وش عندك
غزلان : اي حنا بنضل يومين بالعزبه صح
عقاب : اي
غزلان: طيب وش تبي اخذ لك ملابس
عقاب : عندي هنا ملابس
غزلان: كيف
عقاب : لي هنا ملابس في كثير ثياب بس جيبي كوت حقي وشرابات بس
غزلان : طيب
عقاب : يالله تبين شيء
غزلان: لا
عقاب : يو راح
غزلان : وش
عقاب : كل منك راح الخروف يالله سكري
سكر الخط
غزلان : وش دخلني
تنهدت طلعت شنطه تضب ملابس لها
عند ترف
جهزت ملابسها كانت تعرف ان ضيدان عنده ملابس بالعزبه
ترف : كذا خلصت
دخلت عليها ابحار
ابحار: خلصتي
ترف: ايي
ابحار: بخلي محمد ونمر عندك خالتي ام ضيدان نايمه تعبانه شوي خالتي ام عقاب جالس تضب ملابس حقتها البنات عندهم شغل
ترف : اي خليهم وينهم
ابحار: بالحوش يلعبون أنا ما طول بس ودي طقم لهم مع بعض
ترف: طيب عادي خذي راحتك أنا ماضل عندي شيء بس عندك فلوس
ابحار: اي عندي عطاني ضاري بعد
ترف: زين
