بغرفة ترف
دخلت وهي تصيح
ابحار: وش صار
ترف : خلاص
ابحار : وش الي خلاص
ترف حضنتها بكت : خلاص ماعد في امل اني اتطلق عطيت موافقتي لعمي زاهد
ابحار تحاول تهديها : طيب ياقلبي الله يوفقك ويسعدك
ترف: مابي اتزوج يا ابحار للحين صغيره
ابحار تحاول تهديها : وش صغيره صار عمرك 20 سنه هذا السن المناسب لزواج البنت ان شاء الله ربي يسعدك احمدي ربك انك ما اخذتي فيصل تره مساعد كل العيال يمدحون ضيدان انه زين متفهم ان شاءالله يسعدك يعوضك عن كل شيء
ترف : اخاف ان يكون مثل فيصل اخاف انه يحكمني مثل جدي
ابحار: يمكن يكون العوض عن كل الايام الي عشتيها يكون لك زوج واب واخ و حبيب
ترف : اذا طلع لي عدو
ابحار: استخيري وشوفي ووكلي امرك لربي ان شاء الله ضيدان الصغير يكون العوض بدال ضيدان الكبير الي دفنتيه من سنين يكون لك بلسم لكل الجروح
ترف : بلكي كان جرح للسنين الجايه
ابحار : يمكن يكون نور سنينك الجايه
ترف :الحمدلله انك معي لولا الله ثم انتي مدري وش كان صار فيني
ابحار : ياحبيبتي انتي يالله غسلي وجهك بننزل ناكل مع الكل ينتظر يشوفوك يتطمنون عليك
ترف : لا مابي انزل
ابحار: عيب مايصير تره واضح على ام ضيدان انه حبوبه كل شوي تسئل عنك تقول شلون ترف
ترف : ان شاء الله يكونون مثل ما قلتي
ابحار: بيكونون بس بعد انتي لزوم تشغلين عقلك عشان تكسبين الصغير قبل الكبير تشوفين كيف بتكون حياتك
ترف : ان شاء الله خير بس تكفين مابي انزل
ابحار: لا بتنزلين غصب عليك بعد يالله غسلي وجهك البسي الحقيني
ترف : لا انتظريني
ابحار: يالله انتظرك بسرعة
بغرفة بنات ابو ضيدان
ضي : قولكم ترف موافقه
ملاك : مدري بس احس انها ماهي موافقه
ريم : وانا قول كذا
فاتن : الله يوفقهم ويسعدهم حتى ضيدان احسه ماهو راضي
ملاك : معقولة لا اكيد انه موافق لو مو موافق كان ما نعقد القران
فاتن : مدري خايفه بنفس الوقت مبسوطه ان راح اشوف ضيدان معرس صدق كنت فاقد الامل انه يعرس كل ما جبت طاري عصب ضي :من وش خايفه انتي دايم خايفه
فاتن: خايفه ان زواجهم صار غصب عنهم ثنينهم اخاف انهم ما يكونن متفقين بعدين
ملاك : ايو الله شيء يخوف وشفتي ضيدان مستحيل يتقبل شيء غصب عليه
ريم : بس لا تنسين ان ترف حلوه يمكن تعجبه يغير رائيه
ضي : بعض احيان لمن تسوين شيء غصب عنك تنسين حلاوته الي شي من كثر ما انتي كارها تسوينه
ملاك : معك حق بس قلبي يقول انهم راح يكونون يهبلون مع بعض راح يكونون متفقين
ضي : ان شاء الله احساسك يطلع بمحله
ميرنا : ماما حصه تناديكم على الاكل
ضي : جايين
نزلو بنات ابو ضيدان
ام نايف : عروستنا وينها شكلها ما تبي تنزل
فاتن : ياعمري عليها تعبانه خلها ترتاح
نوف : لا نزلت العروس
ام نايف: يا هلا ب عروستنا
عند ترف بينها و بين ابحار : ليتها تنخرس
ابحار: طنشيها
ام ضيدان: يا هلا بترف شلونك اليوم بنتي
ترف : الحمدلله
ام عقاب : خطاك السوء يابنتي
ترف : الله يسلمك خاله
ام نايف : ايي وش سبب تعبك اخاف من الفرح ان راح تتزوجين هههههههههه بنات هالوقت بس يبون الزواج
ترف طنشتها
ابحار : اخذت برد قبل امس لمن طلعنا على الحديقه
ام نايف : الحمدلله عدت على خير
ام نايف : ايي متى العرس يا ام ضيدان
ام ضيدان: مادري والله
ام نايف : انا اقول ان خلي ضيدان يسكن بالرياض لأن ترف مستحل تتاغلم على عيشت الديره
حصة : اضن ان الرجال الي يتكلمون بالموضوع هذا الحين ماهو وقته يا ام نايف تراني ساكت حشمة لحريم اخواني ضبي لسانك تعوذي من ابليس
ام نايف : وش قلت ترا جالس اتكلم من غلات ترف عندي اعدها وحده من بناتي المسكينه امها تركتها راحت تزوجت ابوها ميت قلت اتكلم تعرفين البنت تستحي
حصة : جزاك الله خير بس هذا الموضوع الرجال يتكلمون فيه
ابحار : وين
ترف : شبعت
ابحار : عوافي
ام ضيدان: ترف وين
ترف : شبعت
ام ضيدان: اقدر تكلم معك
ترف : اي خاله
ام نايف : صارت عمتك
ترف : نطلع لغرفتي ولا تبين نروح للحديقه
ام ضيدان: لا خلنا نروح للحديقه
ترف : طيب
