توجهو ضيدان وترف لمكة
ضيدان : تبين شيء
ترف : لا مابي
ضيدان: اكلتي صح
ترف : ايي
ضيدان : انا بجيب شاي تبين
ترف:لا
ضيدان : قفلي الباب على نفسك ما اطول
نزل ضيدان
شوي رجع
ضيدان : بالدرج الي قدامك فيه باكيت دخان عطيني
ترف بستغراب : دخان
ضيدان: ايي
ترف: انت تدخن
ضيدان : اي ليه مستغربه
ترف : مدري بس ما اشوفك تشرب
ضيدان: ابوي ما يحب الدخان ما ادخن بالبيت كثير
ترف : دامه ما يحبه ليه مخليك تشرب
ضيدان: حاول يمنعني
ترف : كم لك تشربه
ضيدان: من عشر سنوات
ترف: من زمان
ضيدان: ايي
ترف : وش تحس لمن تشربه وش طعمه
ضيدان: عادي طعمه
ترف : اكرها واكره ريحته
ضيدان: غريبه امس نمتي على فروتي كلها ريحة منه
ترف فهاوه : ما شميت كان ريحته حلوه عطر
ضيدان باستفزاز : عجبتك ريحتها
ترف أنتبهت لنفسها : لا ما عجبتني
ضيدان نفخ بوجها دخان : توك تقولين حلوه
ترف صارت تقح : لا تنفخ هنا طلعه من الدريشه يخنق
ضيدان: اسف ما أنتبهت لك
ترف سحبت سكاره من فمه : الا شفتني عناد فيني بوجهي نفخت
ضيدان: رجعيه
ترف : بس نصل اشرب قد ما تبي الحين خنقتني فيه
ضيدان سحبها من يدها : ثاني مره اذا تكررين هاي الحركه بتشوفين شيء ما يعجبك
كان يناظر بعيونه
ترف خفت من نظرته
خذاها من يدها رجع يشرب
ترف عصبت منه رجعت ركبت من وره
ضيدان وقف السياره فجاه ترف وقعت بالارض
ضيدان يحاول يخفي ضحكته : ارجعي اركبي من قدام
ترف تعدلت وهي ماسكة راسها : مريض راسي
ضيدان: محد قال لك تركبين وره يالله ارجعي ماني سواق عندك
ترف بعناد : ماني راجع
ضيدان: مابي اعيد كلامي ارجعي
ترف جلست : سوي الي تبيه ماني راجعة عندك دخان خنقني فيه
ضيدان: ارجعي
ترف: ماني راجعة
ضيدان نزل : زين دامك ما تبين خلص خلنا اليوم هنا بنص مقطعه مافي احد غير انا وانتي الله اعلم وش رايح يجينا اعوذ بالله سمعت ان المكان هنا ملبوس
ترف بخوف : صدق
ضيدان: مدري يقولون العام أختفت سياره من هنا للحين ما لقوا لها اثر كان فيه رجال وحرمه شكل حنا الي بعدهم
ترف : بس عشان تخوفني صح
ضيدان: كيفك ما تبين تصدقين بس نختفي بذكرك اني نبهتك ضيدان ركب على سياره من قدام ترف داخله من وره تلفت حولها
ترف : طلعت راسها من دريشة السياره: ضيدان خلنا نمشي
ضيدان كان حاط رجل على رجل يشرب دخان : لين تبطلين عناد عشان نمشي
ترف: خلاص برجع اركب من قدام بس خلنا نمشي
ضيدان : غيرت رايي بنام شوي بعدها صحيني نمشي
ترف نزلت بخوف : ضيدان الله يوفقك وش تنام خلنا نمشي مقطعه مافي احد
ضيدان طفه سكارته حط يده تحت راسه : ساعة قعديني نمشي ان شاء الله
ترف : ضيدان من جدك تسولف
ضيدان غمض عيونه ما رد عليها
ترف : طلعت معه على سياره :ضيدان ضيدان
ضيدان: ها
ترف : خلنا نمشي
ضيدان: ابي انام مو كل شيء على كيفك يوم قلت لك ما رضيتي تحملي نتيجت عنادك
ترف : خلاص وعد اسمع كلامك بس خلنا نمشي
ضيدان: تعبان بنام شوي صحيني نمشي اذا تبين نامي معي
ترف بصوت مخنوق : وش انام مااقدر احد ينام بنص مقطعة
ضيدان: اي انا اذا تبين نامي معي
ترف: ما ابي خلنا نمشي
ضيدان: قلت بنام خلاص
ترف كانت تتخيل اشياء من الخوف صارت تبكي مسكته من يده
ترف بترجي : تكفه والله خايفة والله اسمع كلمتك بس خلنا نمشي
ضيدان تعدل : طيب لا تبكين
ترف مسحت دموعه : نمشي
ضيدان تنهد : نمشي بس
ترف : وعدك ما عاندك
ضيدان: يالله انزلي نشوفك عاد
نزلت ترف ركبت من قدام
مشو
شوي ترف راحت بالنوم
كانت نايمه على الكرسي الي جنب ضيدان معطيا وجها لضيدان
ضيدان ابتسم : هاذي نامت
سحب فروته حطها على كتوفها طفه سكاره
ضيدان ناظر لها كيف نايمه : الي يشوفك انتي نايمه يقول ملاك انتي لك يومين معي مطلعة لي قرون مدري كيف صابر على عنادك
كمل طريقه هو كل شوي يناظر لها يتئملها وهي نايمه
