ثاني يوم بالقصر
بعد ما طلعو للديره بيت ابو ضيدان
دخلت ابحار على ترف
ابحار : مشو
ترف كانت زامه رجولها على صدرها مغطية على وجهها
ابحار تسمع بس صوت شهقاتها
ابحار : لا حبيبتي لا تسوين كذا بنفسك
ترف : طيب وش اسوي
ابحار : دموع ما تفيد ما يصير انتي عروسه بكره كيف يصير وجهك
ترف : ليتني اموت
ابحار : حرام
ترف : يقولن ان الموت حق انا جالس اطلب بحقي ابي اموت
ابحار : ماحد يحق له يطلب الموت حرام الي يطلب الموت يجيه ازود استغفري ربك
ترف صاحت وحضنت ابحار : استغفر الله ياربي سامحني
ابحار : ياحبيتي انتي
ترف : أستغفر الله يارب تسامحني والله قدري اتحمل كل الي جالس يصير بيوم وليله اصير على ذمت شخص ماعرف عنه شيء ما عمري شفته
ابحار : هذا نصيبك من يوم كنتي صغير
ترف : ياليت يتغير
ابحار : والله ياحبيبتي لو تشوفين الغيب الا تختاري الي اختاره ربي لك ربي ما يختار الا الخير
ترف : ونعم بالله
ابحار : عسى ان تكرهو شيء وهو. خير لكم عسى ان تحبو شيء واهو شر لكم الله يعلم وانتم لا تعلمون
ترف : ان شاء الله انه خير لي
ابحار : ان شاء الله
دخل محمد
محمد : ماما
ابحار : هلا ياروحي تعال ادخل
دخل محمد بصوت واطي : ماما ترف ليه ابكي
ترف سمعته مسحت دموعه : تعالي حبيبي حطته بحضنها
محمد : مين مزعلك ما عطتك ماما مثلي حلاو
ترف بضحكه : ايي
محمد : يا ماما عطينا انا وترف حلاو
ابحار : لا حبيبي ما يصير ماهو حلو
محمد : الا حلوه صح ترف
ترف تعرف محمد معه السكر : ما يصير حمودي وش رايك نروح نلعب بدل الحلاوه
محمد بزعل : لا مابي ابي حلاو
ابحار كل ما يطلب حلاو قلبها يتقطع عليه : مين يسمع كلام ماما
محمد : انا زعلان مابي
ترف صارت تدغدغه : مين زعلان مين
محمد صار يضحك : خلاص خلاص مو زعلان
ترف : شاطر يالله روح طلع السيكل نلعب بالحديقه بسرعة قل لميرنا
طلع محمد
ابحار مسحت دموعها : مو قادره اتحمل اشوفه كذا
ترف : ياعمري ادعي له يالله انا بروح له
ابحار : انتبهي له
ترف : ان شاء الله
بالديره بعد ساعات وصلو
قعدو البنات يرتبون البيت
بعد ساعة خلصو ترتيب البيت
كان وقت صلاة الظهر طلعو العيال ابو ضيدان للمسجد
ام عقاب : يالله قومن نحط الاكل الحين يجون ابوكم العيال
قلطوا البنات الاكل
شوي رجعو
ابو ضيدان: للحين ضيدان عقاب ما جو
ضي : لا يبه
ابو ضيدان: ضاري دق عليهم خلهم يجون من هالعزبه
عقاب دخل هو ناسف على كتفه شماغه باين عليه ميت تعب وجوع
فلاح : ها هذا عقاب
ابو ضيدان: وش هالمنظر وين اخوك
عقاب غصب يتكلم من التعب : بالعزبه
ابو ضيدان: ليه ما جاه
عقاب حتى هو تعبان ما يبطل حركاته : لو انا بمكانه تزوجني من دون علمي ما تشوف وجهي طول عمرك
ابو ضيدان من بين سنانه : اخوك وينه
ام عقاب اشرت لعقاب له يسكت :
عقاب : قلت لكم بالعزبه معيي يجي
فلاح : وليه منظرك كذا كنك طالع من القبر
عقاب : طفت علي السياره بنص الطريق وجيت وخليته
ابو ضيدان: دق على ضيدان خله يجي بالسياره حقت العامل
ضاري : دقيت ما يرد
عقاب : جواله طافي شحن هذا جواله
ابو ضيدان: كيف يجلس من دون جوال كيف نتواصل معه اطلعو الحين عليه
عقاب : بروح له بعد المغرب انام عنده الحين خله
ابو ضيدان دخل حتى ما اكل
ضي : يبه ما تاكل
ابو ضيدان دخل ما رد
عقاب : انا ميت جوع وين الاكل
مسكته امه من اذنه
ام عقاب : انا كم مره اقولك لسانك هذا ما تطوله على ابوك عيب عليك
عقاب : وش قلت
ضاري : عطيني خاله اعلمه وش قال
عقاب سحب حاله ركض وره ام ضيدان: خاله فكيني تكفين
ضاري : يمه ...........
ام ضيدان: بوجهي خلاص
ضاري : يمه ما سمعتي وش يقول لابوي
ام ضيدان: هو الحين يدخل يحب راس ابوه يعتذر خلاص
عقاب : تم الي تبينه بس خلي ولدك يبعد راح اموت جوع يا خاله
ام ضيدان : خلاص يا ضاري بوجهي
ضاري : طيب عطوني اكل بروح اخذ لضيدان
ابو ضيدان: من داخل محد يروح له
ضاري : بس
ابو ضيدان : ماابي اعيد كلامي لا انت ولا غيرك لا الحين ولا بعدين
ضاري : طيب
قعدو الكل ياكلون
..........................................
