نجلاء : قدها وقدود
*ابتسم سعود بخبث وهو يفتح علبه البودره ويكبها عليها ! تصنمت مكانها منصدمه من اللي سواه ماتوقعت واحد بالميه يسوي
حركته الحقيره ، بعد عنها سعود وهو يناظر بسخريه *
سعود : ذا درس لك عشان لسانك ذا مايطول علي فاهمه
* ناظرت له بحقد وكره عظييمم لين ما اختفى عن انظارها تنهدت بغضب وهي تنفض البودره ضربت رجلها بالارض بقهر وهي تروح للحمام تتروش *
* يمشي وهو يدندن مستانس بفعلته تذكر نظراتها له *
سعود بضحك: اااخييه نظراتها تجذبني
شروق : نظرات من
سعود : وش تسوين هنا
شروق : اشم هوا
سعود : طيب ادخلي داخل برد عليك
شروق : مسوي مهتم فيني
سعود تنهد : لاتناقشيني وتعكرين مزاجي ، داخل يلا يلا
شروق بهدوء : سعود بسولف معك
سعود استغرب من هدوئها : وشفيك
شروق : ولاشي ، بروح
سعود مسك يدها : وشفيك اقول
شروق ب ابتسامه : مافي شي بس كنت بختبرك
سعود : اختبار وش
شروق مشت وخلته وراها : راسي يوجعني بروح انام باي
سعود بصوت عالي : اوريك تزبدين لي
فهد : تكلم من
سعود : اختي
فهد : شفيها اختك ؟
سعود : مدري عنها ، شكل الضربه لاعبه فيها ، امش اكسر راسك
فهد : تحب تهايط
____ عند عبدالعزيز وسارا ___
* طلعو من المطبخ وراحو جلسو بالصاله بعيد عن البنات كانت تسولف معه وتضحك بينما هو كان يتأمل كبيره وصغيره مو مع سالفتها ابدد كان فعالم ثاني حرفياً ، سارا حست فيه ووقفت تضحك *
سارا : عزوز ، عزوز * وعى على نفسه *
عبدالعزيز اخذ نفس وتنهد : هلا هلا
سارا عقدت حاجبيها: شفيك لي ساعه اسولف وانت مب معطيني وجه سرحان ، قلي تفكر بمين * غمزت له *
عبدالعزيز قام وهو يمسح وجهه : ما افكر ب أحد
* مشى وخلاها مستغربه من حركته *
سارا : شفيه ذا !
نوره بصوت عالي : سارا لايطوفك الحلى
سارا ابتسمت : جايه جايه
رهف بضحك : نجلاء صامله تسوي الكيكه
سارا : ايه
نوره بهمس لجنى : انتي علامك ماسكه الجوال والابتسامه شاقه وجهك؟
جنى : تعالي بعيد عنهم خليني اقولك وشصارر
* اخذتها بعيد عنهم وجلسن *
نوره : ايوه تكلمي
جنى : * علمتها بكل شي صار مع فهد *
نوره بصدمه : امااانهه احلفي ياحيوانه ليش توك تقولين * ضربتها *
جنى : وجع ، بعدين وشرايك فيه
نوره : حظك ، افف انا مادري متى يقوم حظي
جنى : للحين ماتكلمتي مع عبدالله
نوره : صاحيه انتي كيف اكلمه اخاف احد يشوفنا
جنى : ايه الله يعين
نوره ب ابتسامه : بس في بديل
جنى بضحك : مين
نوره : واحد اسمه xx يلعب معي ببجي
جنى : الله ، ماعلمك وشهو اسمه
نوره : لا ، بس صوته يجنن يا جنى اااخ
جنى : الله يهنيكم ، ماتعرفين معلومات عنه
نوره : لا اقوله وش اسمك وين عايش كم عمرك مايرد يقهر بذالحركه
جنى : انتي قلتي له شي عنك
نوره : يعقب
___ عند نجلاء بالغرفه __
* لبست ملابسها وتوجهت للمرايه وهي تناظر بحقد كبيرر وتتخيل سعود قدامه *
نجلاء صرخت : اااه يالقهر اااه ، انا كيف خليته يفلت منييي كيفف
شروق ب ابتسامه دخلت بالغرفه : ليش تصارخين ومن اللي تكلمينه ذا
نجلاء ابتسمت بخجل : ماكنت اقصد احد
شروق جلست على السرير ونجلاء قدامها : عليناا
نجلاء : اخوك ياشروق اخوك
شروق ميلت شفتها : شفيه اخوي
نجلاء : غثيث ويقهر مريض انتي كيف متحملته !
شروق : شفتي اخوي ؟؟
نجلاء ابتسمت بتوهق : اء تصادفنا
شروق : اها وش صار بينكم
نجلاء : سوء فهم
شروق : اها زين ، ننزل؟ طافك الحلى
نجلاء : خلصتوه !
شروق : نوره وجنى رثعو به
نجلاء: مشافيح ماخلو لي
شروق بضحك : بس انا خليت لك
نجلاء : ياروح روووحيي
