ام سعود : مبروك ياوليدي من سعيده الحظ اللي بتاخذها
ابو سعود بعصبيه : وانت لا مسؤوليه ولا وظيفه وحركاتك حركات مراهقين تبي بنت الناس تروح فيها
شروق : ابوي صادق
ام سعود : الله يهديك وشفيك عليه خله يشوف حياته ، من اللي فبالك يا سعود
سعود : نجلاء * شهقو الكل وانصدمو وهم يدرون بسعود يكره نجلاء وما يواطنها ابدّ
شروق بضحك : نجلاء ماغيرها
ابو سعود : انت بتهبل فينا اقول تقلع
ام سعود : وليه ان شاء الله خله يخطبها الله يسهل عليه ويوفقه
ابو سعود بعصبيه : وتحسبين نجلاء بتقبل بذا الداشر
ام سعود : وليه ماتقبل الولد جميل ومب ناقصه شي
ابو سعود : معصي
سعود : يبه لاتخرب مستقبلي
ابو سعود : وش مستقبله وانت لابس لي ذالكمامه والطاقيه
* مد يده وشال اللي عليه وانصدمو ابو سعود قام : ها شوفي ولدك اللي مب ناقصه شي اجل ، متهاوش لي مع كلب وتبينه يتزوج ويخرب سمعتنا تاكلك تبن وتجلس معنس لين ما تعقل فاهمني
سعود : طيب واذا البنت موافقه علي
ابو سعود : لو الكل يوافق مافيه تفهم ولا ماتفهم
ام سعود مسكت وجه سعود : يمه ولدي مع من متهاوش
سعود قام بعصبيه : اليوم اتزوجها رضيتو ولا مارضيتو
ابو سعود : حلوه هذي تتطاول علينا مانقصنا الا انت اقول توكل
سعود : يمه حاولي فيه * طلع برا البيت *
ام سعود : عيسى ابك علامك على الولد خله يتزوج وش عليك
ابو سعود : يابنت الحلال الولد ذا مايصلح لزواج ابداً وخصوصاً بياخذ البنت اللي الكل يمدحها واخلاق وجمال مايصلح مايصلح
ام سعود : لا والله ولدك بعد الكل يمدحه مب ناقصه شي
ابو سعود بعصبيه : وانتي شايفه وجهه ، ذا وجه واحد عاقل والله لو اني اشوفه رجال كان زوجته وقلت له على خشمي
ام سعود : وهو ايش ، بدال ماترفّع فيه تهينه مالت عليك * قامت وطلعت فوق *
شروق : الصدق يا بابا انت صادق بس مدري شفيهم
ابو سعود : انتي روحي ذاكري بس
شروق : ابشر
~
نوره : لاتقطعين قلبي يا نجلاء بروح اقوله لعل وعسى يفرج عنك
نجلاء بعصبيه : نروح من سالفه وتدخلينا سالفه ثانيه اسكتي بس
نوره : وش يعني اخليك تتزوجين واحد تكرهينه !
نجلاء : نوره لاتغثيني اللي فيني كافيني
نوره : بس...
نجلاء قاطعتها : امي وابوي وينهم
نوره : تحت بالصاله
نجلاء : وخالد
نوره : خالد بالدوانيه * طلعت نجلاء من الغرفه لدوانيه .. كان على جواله وما لاحظ اللي دخلت عليه بجسد هزيل ، جلست جنبه وهو رفع راسه يشوف من عنده ، كشر من شافها *
نجلاء : خالد اسمعني دامك تحبني وتثق فيني !
خالد : اذا تبين سلامتك تقلعي عن وجهي ولا والله لا اكفر فيك
نجلاء برجفه : تظن السوء في اختك
خالد بصراخ : شايفك قدام عيني تبوسينه تحت الشجره ، ظن السوء وين احمدي ربك ما قتلتك ولك عين جايتني بكل وقاحه ، وش اهقى منك اصلاً وانتي طالعه اخر الليل مع الزاني
نجلاء ببكاء : طيب انا اختك اقلها تسمعني
خالد : تعقبين منتب اختي ولا اعرفك واذلفي عن وجهي هذي اخر مرا اقولك فيها * دخل ابو خالد *
ابو خالد : الكلام اللي سمعتك صحيح
نجلاء : با..
ابو خالد بصراخ : انطمي انتي ، خالد الكلام اللي سمعته صحيح
خالد : ايه
ابو خالد سحب شعرها يقومها : وليه مخليها للحين تتنفس لييه ذي عار
ام خالد بخوف : يمه بنتي معقوله !
نجلاء ببكاء : والله مالي دخل * ابو خالد ضربها *
ابو خالد : وطلعنا مانعرف نربي يا جميله * اسم الام * خالد جب سلاحك والحقني
نجلاء بألم : بابا تكفى
ابو خالد : لاتقولين لي بابا فاهمتني ولا لا
خالد ببرود : يبه لو ذبحناها الكل بيدري بالسالفه وتخرب سمعتنا ومحد يبي القرب مننا اقول نزوجها سعود ابرك واحسن ومانوصخ انفسنا فيها ولا ربي بيغضب علينا لان هو اللي يميت ويحيي
ابو خالد : اليوم زوجها بدون خطبه ولا ملكه اتصل على الشيخ والكلب سعود انا اوريه امش معي * رمى نجلاء على الارض اللي
كانت منهاره و طلعو برا متوجهين لبيت عيسى *
ام خالد : افاا هذي نهايتها يا نجلاء وحنا فخورين فيك واللي بيتكلم عنك بيتكلم بالخير ياحسرتي ، اللهم احمي بنتي نوره من الفساد وسوء المنقلب * حزت الكلمات بخاطرها كثيرر ليتها تضربها بس ماتقول ذالكلام*
