قاطعها بقبله خلتها تتصنم مكانها ، رمشت اكثر من مره تحاول تستوعب اللي صار بعد ثواني من الصدمه بعد عنها وهي تناظر فيه بدون لاتقول شي بينما هو ابتسم على حالها وغمز لها : كنت ابيها تطول لكني مستعجل المره الجايه بخليك تنزفين * نجلاء رصت على اسنانها ومدت يدها بتعطيه كف لكنه مسكها : هالمره مارح اخليك تصفقيني ياحلوه
نجلاء دمعت عيونها : حقير
بعدت يدها عنه وضربت صدره بقهر وصرخت ببكاء دامني راعية عيال ليه تلمسني لييهه اكرهكك تفهمني لاتزيد الوجع تكفى انا يالله يالله اتحمل اشوفك كل يوم
سعود مسك يدها وثبتها على صدره : وتحسبيني انا متحمل اشوف الصايعه عندي لكن انتي تبينها كذا
نجلاء مسحت دموعها : كيف ابيها كيفف
سعود : ليكون منقهره عشان ذاك الشايب ما اخذتيه بدالي
نجلاء : مستحيل افهم طبعك يا مختل لكن بيجي يوم وتندم على اللي سويته فيني والله ينتقم منك
سعود : تراك زوجتي وحق من حقوقي
نجلاء : تعقب اصير زوجتك ما اتشرف بواحد زيك قذر
سعود قرب منها : ترا كل مالك تخلين اعصابي ترتفع ابلعي لسانك لا اقطعه لك
كانت بترد لكن قاطعها اتصال : هلا سارا
سارا : شفيك تأخرتي
نجلاء بعدت عن سعود : منب جايه
سارا : تستهبلين ! ، اقول تعالي بس ووشفيه صوتك
نجلاء : و ولاشي
سارا : بنت ! سعود وش سوا فيك ، تعالي الحين وعلميني وش صار
سعود بجمود : انا بالسياره انتظرك
سارا : نجلاء لاتجلسين فالبيت بليززز تعالي تغيرين جو
نجلاء : طيب*قفلت لبست عبايتها واخذت شنطتها وطلعت ، توجهت لسياره وكانت بتركب ورا لكن سعود قفل الباب حاولت تفتحه لكنه مقفل تنهدت وجت تجلس قدام وكل ذا مو لسواد عيونه عشان تروح لسارا وتفضفض لها وترتاح من الهم اللي عليها جلست ونطق سعود ب ابتسامه: شاطره
رصت على اسنانه بقهر ومسكت نفسها لاترد عليه
