فوق الالف يشوفون البارتات ولا يحطون نجمه اذا تبون تدعموني يعني حطولي + تعليقاتكم جداً تسعدني وتحمسني اكمل شكراً🤍🥹🥹
__نبداء__
سعود: بتحداك تحدي اذا كنتي قدها بقولك وشهو
نجلاء: قدها طبعاً
سعود: لو فزتو علينا بسوي لك اللي تبين ولو فزنا عليكم بتسوين لي اللي ابيه وشرايك
فكرت نجلاء بكلامه وابتسمت وهي تفكر وش تبي تسوي فيه نطقت: بتحكم فيك اسبوع كامل لو فزنا
سعود: المثل لي
نجلاء ابتسمت: طيب
سعود: لكن مو تجين اذا فزنا تقولين غش ولا تحكيم وتخبصين بخبايصكم
نجلاء: لا لا معليك اللي يفوز بس
سعود: احلفي واوعدي ان اذا فزنا بتحكم فيك
نجلاء : وعد ووالله العظيم اذا فزتو بتتحكم فيني
سعود هز رأسه برضى وبدا يدعي ان الهلال يفوز
بدت المباراه الحاميه بين النصر والهلال ووضع الجمهور متوتر والكل يتمنى فوز فريقهم ، انتهى الشوط الاول 0/0 وذا اللي زاد التوتر عند الكل بعد مده بداء الشوط الثاني والاعبين يلعبون اقصى ماعندهم لجل يفوزون بنص الدقايق سجل ميترو
سعود قمز وهو يصارخ : الله عليكككك
رفع الشال وهو يلوح فيه من زود الفرحه ، نجلاء شبكت يدينها ببعض وهي تدعي ان النصر يفوز
سعود وهو يخلط: اخلطك انا اخلطك محد قدنا اقولك
طيرت عيونها وحولتهم للملعب بعد فتره قصيره مره سجل سافيتش
سعود بصراخ من زود الحماس : ايواااا ياعمري يالشنب يشيخخخ
جلس عندها ونطق : للحين مصّره على التحدي ؟
نجلاء: طبعاً دامني قلت كلمه انا قدها واهدى حبتين الحين رونالدو بيسجل
سعود بضحك : ياحلوك بس
قام وهو يردد مع الجمهور اغنية ميتروفيتش ناظرت نجلاء بسعود وابتسمت على شكله ، حس بأحد يناظر فيه لف عليها وهي على طول صدّت عنه ضحك بخف ورجع يغني
على اخر الدقايق واللحظات المنتظره تقدم ميتروفيتش وسجل الهدف الثالث تعالت اصوات الجماهير ، عند جمهور الهلال الكل فرحان وسعيد بهذي اللحظه اللي يكسرون عين النصر فيها ام عند جمهور النصر ماصدقو ان الهلال فاز عليهم والعذر موجود عند كل مشجع نصراوي ( الحكم ) وسعود كان في قمة الفرح بعيد عن التحدي اللي صار نساه يوم فازو على النصر وقامو يرددون ( على برا )
انتهت المباراه 3/0 للهلال
سعود طول اليوم وهو مبتسم : والله شفقت عليك يالفقراويه لك ساعه تهايطين واخرتها ثلاثه
نجلاء: تحكيم !
سعود بضحك: امشي امشي بس قال تحكيم
مسك يدها وطلعو من الملعب وبعيد عن زحام المشجعين جلسو بالسياره بعد ماشرا ذره له ولنجلاء نطق بسخريه: نجلاء كم حرف بكلمه نصر
نجلاء: مالك دخل
سعود ضحك :يبيلها كبسه بعد المباراه الحاميه ذي
نجلاء: اطلب من المطعم
سعود بتمثيل الصدمه: اوب اوب ليه اطلب من المطعم وانتي عندي ؟
نجلاء بستغباء: مافهمت وش قصدك
سعود وهو ياكل: لاتستغبين انتي عند كلمتك وبتحكم فيك اسبوع كامل
نجلاء: وانت صدقت !
سعود عقد حاجبيه: لا لا انتي حلفتي
نجلاء عضت شفتّها وتذكرت الحلف والوعد اللي قطعته عليه: طيب
سعود حط الذره على جنب وشغل سيارته : زين الحين بنروح لسوبر ماركت ونشتري اغراض الكبسه ( اتصال ) رفع جواله ولقى عزام متصل عليه : اهلين عزام
عزام : هلابك ها فزتو يافريق التحكيم
سعود بضحك: ايه ابشرك
عزام : مبروك دامكم فزتو امي عازمتكم على العشاء
سعود: ومن اللي بيسويه
عزام : اللي بتسويه رغد
سعود: لا بالله دامها رغد منب جايكم ابعدو عني
عزام بضحك : امزح عليك تعال بس الحين انتظرك
سعود: مايمديني ارفض يعني
عزام : لله ( يعني لو تحلم )
سعود: طيب فمان الله
عزام : فمان الكريم
قفل وتنهد : بكرا الكبسه اجل
نجلاء: ليه
سعود: معزومين عند خالتي بنرجع للفندق ثم نروح لها
نجلاء: ايش انا بروح !
سعود : ايه بتروحين اجل اخليك لحالك يعني
نجلاء: لا فشله مابي
سعود: وش فشله هم عازمينك بعد وفبيت خوالي مافي شي يفشل
نجلاء: اقصد ماعرفهم استحي
سعود بضحك: انتي تستحين
نجلاء: ليه وش تحسب
سعود: ابد والله انتي تستحين صح
سكتت نجلاء وسعود حرك للفندق لجل تلبس وهو كان ينتظرها تحت لبست بلوزه سوداء على جسمها واكمامها الطويله وسروال اسود واسع فردت شعرها البني ولبست سنسال الماس ناعم وشافت دبلتها تنهدت بضيق ولبستها حطت مسكرا وقلوس باللون الوردي ماكثرت مكياج لانها عارفه انها ماتحتاجه وانها لو تحط شي بسيط بتطلع جميله ! لبست كعب فضي بسيط واخذت شنطتها وحطت فيها عطر لجل اذا وصلت تتعطر منه خلصت ولبست عبايتها وطلعت
ركبت السياره نطق سعود : لبستي الدبله ؟
نجلاء هزت رأسه ب ايه حرك وكان بينهم صمت وصلو لبيت خالته ونزل ونزلت نجلاء وهي مستحيه تدخل ماتعودت تدخل بدون امها
سعود: مايحتاج تتوترين تراهم حبيبين
مسك يدها وهي بعدت عنه : شكلها عجبتك انك تمسك يدي
سعود: ايوالله عجبتني هاتي يدك
نجلاء : مابي
سعود بضحك : منب قاعد اطلب رايك انا آمرك
نجلاء عقدت حاجبيه بعدم فهم : ايش ؟
سعود : لاتسوين حالك منتب فاهمه وهاتي يدك
نجلاء فهمت طيرت عيونها وعطته يدها ابتسم ومسكها ودخلو عند الممر كان فيه مرايا وقفت نجلاء ونزلت عبايتها ونقابها ولفتها وفتحت شنطتها تتعطر من عطرها اللطيف والخفيف كان سعود وراها ويناظر فيها : امداك تاخذين ملابس كشخه
نجلاء طيرت شعرها: مستعده لكل العوائق اللي بتجيني
سعود : عوائق ؟ اخلصي بس
نجلاء خلصت اخذت شنطتها وعبايتها بيدها سعود تنحنح : يا اهل البيت
خالته ام عزام : هلا وغلا هلا بسعود والزين كله
سعود سلم عليها: هلابك ياخالة
ام عزام: الحمدلله على السلام كيف حالك
سعود : الله يسلمك والله بخير
ام عزام سلمت على نجلاء : اهلين بنتي كيف حالك
نجلاء: والله بخير الحمد لله
ام عزام : الحمدلله ، تعالو تفضلو حياكم
سعود: الله يحييك
جلسو بالمجلس وسعود نطق : وين الناس
ام عزام: والله بغرفهم مدري وش يسوون
سعود: افا
دخلت غرام اللي تبلغ من العمر 7 سنين ركضت لحضن سعود : هلا ببنتي هلااابكك
غرام وهي جالسه بحضنه: اشتقت لك تدري ؟ ليه طولت
سعود: وانتي تحسبيني فاضي زيك
غرام بتذكر: اييه لاتسوي حالك مجنون وين 500
سعود: اي 500 ؟
غرام: يااي مسوي حاله انت قلت لي هذيك المره اذا صرتي 7 سنين بعطيك
دخلت رغد اللي تبلغ من العمر 17 : السلام
سعود قام وسلم عليها : وعليكم السلام
نجلاء قامت وسلمت عليها : وعليكم السلام
رغد : كيف حالكم
سعود : بخير الحمدلله
رغد: ذي زوجتك ؟
سعود ؛ لا اختي
رغد : بلا هبال
سعود : ايوه زوجتي
رغد : ماشاء الله بسم الله عليك اتجنن قهر اخذتي واحد مثل سعود
نجلاء ابتسمت بتسليك وكلامها كان حقيقي جمال واخلاق واخرتها تاخذ واحد مثل سعود ، نطق : انتي تعلمي الطبخ بالاول بعدين تعالي تكلمي
دخلت رؤى اللي تبلغ من العمر 20 : اهلين سعود
سعود: هلابك
رؤى جت وسلمت على نجلاء وجلست قبالهم : من ذي الحلوه
سعود: زوجتي
رؤى ابتسمت بحزن : الله يهنيكم
نجلاء استغربت من الوضع كيف عادي يشوفهم وهم مب محرم له ؟؟
سعود نطق : العيال وينهم
رؤى : اووه ماشفتهم امش اوصلك
نجلاء عقدت حاجبيها وكشرت وجهها وانصدمت يوم سعود وافق عليها وقام وراح مع رؤى ، زفرت بعصبيه
ام عزام حطت القهوه والحلى قدام نجلاء : ايوه علمينا عن اخبارك
نجلاء: تسلمين ياخاله والله الحمدلله بخير
رغد : اسألك بالله سعود مايغثك
نجلاء ابتسمت: لا مايغثني
ام عزام : وين يغثها وهي بالجمال ذا كله تلقينه طايح على وجهه
غرام : صادقه ماما انتي مره حلوه
نجلاء : تسلمين ياحلوه
