سعود : ذي اخر مره اشوفك داخله فيها غرفتي فاهمه علي
* نجلاء طيرت عيونها وسكرت الباب بقوه صرخ : كسرر
* دخلت غرفتها وقفلتها وبعد ماغسلت وجهها وفرشت اسنانها : ياليل هالحين مستحيل انام بذا الفستان
ناظرت في ارجاء الغرفه : ايه بعد ذا سعود ماله امان يمكن حاط له كاميرا من هنا ولا من هنا ، اااخ يوجعني * لفت يدها بقوه وهي تحاول تفتح الفستان وبالفعل بعد محاولات ابتسمت برضى ونزلته وعلى طول تغطت بالبطانيه بحكم انها مب لابسه شي يغطي جسمها الا لبسها الداخلي
____ في الصباح ___
صحت نجلاء وهي تناظر للغرفه بيأس كان عندها امل يكون كل ذا حلم ! شافت نفسها بالمرايه واخذت البطانيه تلفها حولها سحبت جوالها من الدرج واتصلت على نوره وتنهدت براحه يوم ردت عليها
نوره : هلا
نجلاء : هلابك ، نوره بالله ارسلي اغراضي تخيلي نمت بملابسي الداخليه
نوره شهقت : احلفي
نجلاء : والله اخلصي بالله بقوم اتروش
نوره : سعود شافك
نجلاء : لا يبطي عظم ، بعدين اقولك وش صار
نوره عقدت حاجبيها : وشلون تبيني ارسل اغراضك
نجلاء تنهدت : انتي جيبيهم
نوره : صاحيه انتي ، ارسلي سعود يجي ياخذهم
نجلاء : مستحيييللل ذا المريض اللي عنده قّل صح
نوره : وشو اغراضك كثيره وانتي عارفه الوضع
نجلاء : نوووررهه تكفين منب لابسه شي جيبي لي ملابسي
نوره : كيف تبيني اجيبهم
نجلاء بعصبيه: خلاص انقلعي مالت عليك انا الغبيه يوم اني سويت حالي فيها وطلعت اخر الليل كله عشان سواد وجهك * قفلت وهي تتنفس بغضب مسكت راسها وهي تفكر وش تسوي محد بيجيب لها الاغراض لا اخو ولا ابو ، جلست على الجوال لساعه وطق الباب
نجلاء : نعم ؟
سعود: افتحي
نجلاء : منب فاتحه انقلع
سعود : ماتبين اغراضك ؟
نجلاء قامت : اغراض ؟
سعود : ايه تراهم عند الباب * نجلاء استغربت من الوضع ونطقت : مستحيل انت تجيب اغراضي ليش
سعود : طيب برجعهم
نجلاء : لا اصبر خلص انت روح وخلهم عند الباب
سعود : طيب * خافت اول لحظه انه يسوي لها شي واكيد انه سمع كل شي حطت البطانه حولها وفتحت الباب بشويش وهي تشوف ان سعود مب موجود والاغراض قدامها تنهدت براحه وطلعت يدها بتسحب الاغراض لكن يد سعود اللي طلعت من جنب الباب سحبها له توسعت عيونها وهي تحاول تعدل البطانيه لاتطيح بحكم انها مب لابسه شي ساتر ابتسم وناظر لشكلها ، وعيونه نزلت تحت تدريجياً
نجلاء بعصبيه : دريت ان مابك خير يا قذر ابعد عني * سعود قوس شفته وحط يدينه حول خصرها وقربها اكثر : واذا ما بعدت عنك وش بتسوين
نجلاء بلعت ريقها من جرأته : بذبحك * ضحك سعود وكملت : الحين سؤال واحد واللي هو ليش سويت كل ذا
سعود ابتسم بجانبيه ميل رأسه : يمديك تقولين انه انتقام
نجلاء رفعت راسها تناظر لعيونه : المفروض انا اللي انتقم منك بالمريض مب انت تعكس على كيفك
سعود بحده : طول لسانك يقصر عندي فاهمه
نجلاء : وتتشرط بعد اقول ابعد عني
سعود نزل راسها لها : اتوقع عند راعيه العيال ذا الشي عادي عندها
نجلاء : راعية عيال ؟ ايه انا راعية عيال انت وشدخلك
سعود دفها : حلو انك تعترفين بدايه موفقه في طريقك الى الدعاره * مشى لصاله وطلع زقارته يهدّي فيها اعصابه شغلها وسرعان ماتحولت الى غيمه اما هي اخذت شنطتها واغراضها دخلتهم داخل وراحة للحمام تاخذ شور
