ساعة 12:30 ليلاً
مجايني نوم و كاعده افكر شنو راح يصير باجر
طبعا باجر اول يوم الي اداوم جامعة مشاعر مختلطه حماس توتر فرح
نسيت اعرفكم عن نفسي
اسمي (آيسل) عمري 24 ساكنة بالبصرة
7:00 صباحاً
آيسل : كعدت على صوت منبهه التلفون طفيته و رجعت نمت
ام آيسل: آيسل كومي صارت الساعه 7:30 شتلحكين بعد
آيسل : اوففف ماما خليني نايمه ماشبعانه نوم
ام آيسل : ولج كومي شتلحكين على ماتاكلين و تبدلين و ساعه على ماتلطخين وجهج يلا كوميي
آيسل : كايمه كايمه
ام آيسل: يلا مو ترجعين تنامين
آيسل : لاا
آيسل :كعدت جهزت نفسي حتى انتضر الخط يجيني هايي اول سنه واول يوم الي بالكليه خايفه ومتوتره
اجه الخط واني كلي خوف للقادم وشنو من
حياه تواجهني هناك وصلت للجامعه ودخلت
واني اتهرب من اي شخص كبالي رحت
للقسم مالتي مرت اول محاضره بسلام
وبدت المحاضره الثانيه كلي الدكتور كومي
شرحي من الخوف الي احتلني كتله مااكوم
وكلها ضلت تضحك عليه تمنيت اختفي بهل
لحضه خلصن المحاضرات ورحت اعدل
مكياجي چان افوت للحمام طلع حمام رجال
انحرجت كبل طلعت خرب يومج آيسل اليوم مبين من بداية
خابرت ابويه اجه اخذني لان اذا ضليت أكثر
مااعرف شنو ممكن يصير بيه رجعت للبيت
كبل نمت كعدتني امي ع العشه جانت
مسويه كباب عروك واني كلش احبه اكلنه
وكمنه نغسل ماعين اني ومرت اخويه مرام
غسلنه مواعين وكعدت اسولفلها شنو صار وياي
آيسل: لو تعرفين يا مرام اليوم شنو صار وياي مواقف ****
مرام: احجي خيه شصار واني اليوم كله افكر بيچ اكول شلون راح يكون يومها ادري بيچ متوتره
آيسل: حجيت كلشي لمرام طبعا مرام مرت اخويه وكلش احبها احسها اختي مو مرت اخويه ف حجيت كلشي لمرام وماتت ضحك عليه أي وچ مرام انتي ضحكي لو صاير وياچ هاي المواقف
مرام: لا يمه اصلاً مااريد اتخيل
آيسل: سولفنه إني وميمي وصارت ب 11 كتلها يلا ولي لرجلج شكو مكابلتني اريد انام نعسااااانه راحت مرام
اخذت فوني كلبت بي شوي ونمت كعدت يوم ثاني الصبح نفس الروتين وصلت للبوابه اخذت نفس ودخلت رحتت للقسم وجان انصدم بالي شفته
****************
ساعة 8:30 صباحٍ
كعدت على صوت التلفون المزعج
: الووو
سراج : لك هلا بضلعي
: احجي شرايد سراج مو وكتك تره
