علقو بين الفقرات بنات لتنسن و صوتن للبارت 💕🫂
_________________________________
"جمان"
طلع يامن من البيت ڪال عنده شغله صغيره نص ساعه ويرجع جنت
جنت بالمطبخ اغسل الماعين وسمعت الباب اندك غسلت ايدي وحطيت حجاب على راسي وطلعت للطارمة اصيح منو
صاحت بنيه
- اني اني فتحي الباب
وهل صوت مألوف الي سامعته من قبل!
فتحت الباب و انصدم بـ رحمه و غدير ڪبالي باوعت الهن وحجيت وي نفسي
-شهل مغثه من الصباحيات لعالم تصبح بوجوه تفتح نفس
مو مثلي يطلعلي هل شكول من الصباحيات
ابتسمت الهن سلمن عليه وحجيت
-هلا عيني تفضلن حبايب
دخلن ورحمه تباوع الي بطرف عينها غميتها بڪلبي فتحت الهن باب الاستقبال ودخلن
واني رحت للمطبخ اسويلهن ضيافه
- هسه عود هذن هم شكول مال واحد يسويلهن ضيافه
كملت واخذت الصينيه ورحت للاستقبال حطيته ڪبالهن
باوعتلي رحمه بطرف عينه وڪالت
-اخوي وينه اجينه نبارك الكم
-حبيبتي يامن عنده شغله ضروريه وقبل شوي طلع
-اها هيج كتيلي
-اي والله
-زين انتِ شلون طلعين النه بهذا البس لو عرف اخوي يكسرج تكسير
ضحكت على كلامها وكلت
- لتخافين عزيزتي حبيبي يامن ميمد ايده عليه حاطني برموش عيونه و بعدين انتِ مالج دخل بيه اذا طلعت بهذا البس او غيره تمام حياتي مو انتِ الي تجين وتڪليلي لبسي هيج وهيج واخذ بحجيج انتِ ولحايط واحد ولي يعجبني البسه
رغد :- على ڪيفج عيني شڪالتلج البنيه حتى هيج اڪلتيها و شربتيها شنو هل قلة ذوق يامن ماعرف على شنو اخذج لا اخلاق ولا جمال
جمان :- ههههههه حياتي الي يدك الباب يسمع الجواب واذا تحجين عن الاخلاق فـ هذا ترڪته الج و الجمال الحمد الله اني جميلة انصحج ترحين تباوعين لنفسج بالمراية وتعالي بعدها واجهيني وبعدين اني عاجبه يامني ب شنو حارتج بعد؟
رادت تحجي وسمعت باب الصاله انفتح ابتسمت الهن وڪلت
-هذا حبيبي يامن رجع اروح اصيحه وارجع الجن
طلعت من الاستقبال وشفت يامن توه دخل
ابتسمت وحجيت
- هلا بحبيبي ياهلا بروحي يا هلا بڪلبي
لزمني من خصري ابتسم وڪال
- هاي الي؟
- ليش اڪو غيرك هنا حبيبي
عض على شفته هز راسة بلا تقرب باس شفتي وتعمدت اخلي يبوسني لان احنا ڪبال باب الاستقبال
