علقووو بين الفقرات يابعد عيوني انتو 😔🦋✨
__________________________________
"جمان "
طلعنه اني و اصهب من البيت و خايفه ادعي من كل گلبي يطلع و اصهب طول الطريق يكول
- اهدي خويه صرتي جنج سعفه بس ترجفين و جهج مثل ليمونه
وصلنه للمحكمه و نزلنه كعدنه ننتضر بالممر ربع ساعه و دخلونه رفعت راسي و شفت يامن دمعت ردت ابچي بس وعدته قبل ميروح ماابچي قويت نفسي ودخلت عيونه عليه ما شالهن كعدنه، حجيت بيني و بين نفسي
- اوفف اوف حبيبي واكف بين المجرمين مو مكانك هذا يامن
زفرت نفس و شوي و اجه القاضي كام يحجي هواي و اني ما اصبر اريد اعرف شنو الحكم على يامن شوي و كال
-لقد اعلنت المحكمة ع المدعو رائف محمد **** بـ الاعدام شنقاً حتى الموت و على المدعوين ايضاً حسين جبر و عباس نائل و ادريس كامل بالسجن المؤبد
(بنات طبعا مو بس هذول اكو بعد وياهم كم شخص بس اني ذكرت 4)
لطمت على صدري وحجيت
- اصهبب و و يامنن يامن ما صاح بأسمهه؟
- صبري خويه هسه يصيحون و نشوف
- و لقد اعلنت المحكمة ع المدعو يامن حسين محمد و ياسر ** بالبرائه
شهكت بـ صوت عالي و بجيت و كلت
- اصهبب برائهه مووكال برائهه؟!!
- ههههه ايي برائه ارتاحي
ماصدكت الي كاله الحد ماطلع القاضي و احنا طلعنه اني طايره من الفرح و ابجي انتضره يطلع
اصهب:- خويه كافي بجي صخمتي وجهج المسكره ساحت
جمان:- ماكدر دموع الفرح هاي مو بيدي
ضحك و سكت شوي و طلع يامن و البقيه الي وياهم اني ماصدكت شفته طلع
رحت حضنته حيللل ماهمني الناس
جمان :- يامنن ماصدككك طلعت برائه
يامن :- جمانتي خلصنه يا گلبي كافي بچي اوعدج ماخليچ تبچين و ابقه وياج طول العمر ما يفرقنه غير الموت
- افيششش يا ريحتج الترد الروح جمانتي
اجه اصهب كال
- شهل حركات هاي عيب بابا و خرو يلا تعاي جمان و انت امشي ولي كمل الاجرائات وتعال ننتضرك بره عندي حجي وياك
- حاضر سيدي
ضحك و راح
- تعاي انتي وراي
طلعنه بره ننتضره بالسياره طول شوي و شفته طله اجه يركض علينه حضنه اصهب مادري شنو كله و ضحك اجه صعد يمي و صاح اصهب عليه
- ها هاا خير خو ماكو شي انزل اصعد كدام يلا
- خب لا تحرمني من روحي مشتاقلها حيلل
