تذكير البارت السابق
ابو آيسل :بابا مو وكت تبديل بسرعه امشي شوفي جدج و كرار يرجعكم انتي ومرام
رحنه لبيت جدي واعرف الحجي الي راح يصير عليه طبعاً حتى مرام جانت لابسه بنطرون وستره حتى ثنينه يحجون علينه مو بس اني اعرفها لبست علمودي هههههههه فديتها تعرفني اردهم وصلنه لبيت جدي
اهوووووووو الدنيا مكلوبه وكل العاده كلها تكرهنه ع شنو مااعرف دخلنه لبيت جدي حجت مرام
مرام :والله اليوم الاكشن من النوع الثقيل هههههههه
آيسل :عشقي الاكشن ابتسمت ابتسامة شريره
......................................................
ايسل :دخلت لبيت جدي وطبعاً الكل يضوج منه هناك اني ومرام مااعرف ع شنو يمكن لان ابوي مخلينها ع راحتنه بابا وكرار من النوع الي مايدخلون لا بلبس ولا مكياج و لا طلعه منطينه كل الحريه والثقه والحمد لله لا اني ولا مرام خنه هاي الثقه بيوم
طبعاً مرام مرت كرار جانت تلبس عبايه بس طبعاً اني احمممم اني خليتها تذب العبايه ولبسها مثلي المهم دخلنه و الكل عيونهم تباوع علينه بحقد واني مرام وحده لازمه الثانيه ونمشي ومحد مكدنه هههههههه واحنه علاقتنه كلش مو شي ويه بيت جدي
رحنه وكعدنه اني ومرام و نسولف و بعد مرور ساعتين طكت روحي كتلها تعالي خلي نوصي ملابس ع مايسوون الغده وكعدنه نختار
و طبعاً اني وياها لازم نوصي كلشي سويه هوه اني اوصي للكليه ومرام ع واهسي هههههههه والله احنه نوصي وماخذنه الواهس جان ننصدم صارت 900
شهكت مرام بصوت عالي والكل سمعها
مرام :عزاااا لج سوسي باعي صار 900 صخام ولطام شطالبه يمعزايه
آيسل : ضحكت ورديت عليها على كيفج ميمي ترا طلبنه سويه بعدين اني جامعه تردين اروح كل يوم بنفس اللبس
مرام :لا عيني ست آيسل بنت الوزير لازم كل يوم لبس الله يساعد عمي
آيسل :هوب هوب اكلتيني وشربتيني شسالفه
مرام :اكرصها ماكو اريدها بس تسكت كلها تباوع علينه
آيسل :انتبهت الكل يباوع علينه كلت لمرام شوفي شراح اسوي
مرام :عرفت وراها مصيبه صراحه اني و آيسل نعشق هيج سوالف لان هذول مو مال عيني واغاتي
ام آيسل :شكو بنات شجاجن تتعاركون شنو جهال انتن
آيسل :ياا هاي شبيج ياروحي بس جاي نوصي ملابس وهاي مراوي شهكت من شافت السعر
ام آيسل :وشكد صار السعر
مرام :ها لا عمه مو هواي 900 بس اني مدري شبيه هههههههه
ام آيسل :هاي شموصيات ي مفلوكات
