البارت السابق
__________________________________
المهم آيسل فوك كرهه هذا الك تكرهك بالزايد يا عاشق الولهان ههههههههه انت هايم بيها تعشق النفس الي تتنفسه لاتفكر يعبر شي على حُسام...
__________________________________
ابتسم ب خباثه وطلع من القاعه
أصهب :- لكككك گو** اذا انت زلمه تعال يا حيوان تذبلك كلمه و تنهزم اني اعلمك يا گلب
سراج :- اهدء اصهب شحجه هذا الحيوان ليش هيج انفعلت!!!
أصهب :- بعدين نحجي سراجج رايح للبيت
طلعت و بقو الولد يفترون وراي يردون يعرفون السالفه
ابراهيم :- اصهب بداعت الغاليه اوكف
أصهب :- يا بشر افهمو ماريد احجي شي هسه مالي خلك حتى نفسي اني نفسي مطايقهه اعتقوني بشرفكم لاتخلوني اطلع حركتي بيكم
سراج :- كام ينفش ريشه چنا دجاجه لك بابا استچن و احجي خلي نفهم ترا اطرش بالزفه
أصهب :- سراج ترا مو وقت شقاك الماصخ ابد مالي نفس احجي اذا صار الوقت المناسب انت اول شخص تعرف
سراج:- لا ماترهم يمي هيج تحجي لو اروح لهذا السـاقط و اعرف السالفه
أصهب :- استغفرالله ربي واتوب اليك
ابراهيم :- راح يدخل للاسلام مره الثانيه
سراج:- يلا شيخنه احجي مو فتيته الگلبي
ابراهيم :- سلامة قلبچ سوسايتي
سراج :- اهوووووو وصلت يمك بعد شيفكنه
ابراهيم :- اسكت اسكت خل نسمع السالفه
حك ارنبة انفه و كال
أصهب :- احمم انيي شسمه
سراج :- شسمه دفضنه
ابراهيم :- لتخجل منه احجي
أصهب :- بطلت اودعناكم
مشى اصهب و رحنه نركض ورا وكف بالكوه
سراج:- احجي ترا فحطتنه
أصهب:- اسمعوني و بدون شقاكم الماصخ هذا
- احجي نسمعك
أصهب :- اني معجب ب طالبه ويانه بالقسم و هذا الحيوان جاي يهددد و مسوي نفسه زلمه اذا وكفت بطريقه يروح يكلها ذيج السالفه
فتحو حلكم مصدومين مني
أصهب :- الووو وياي انتمم؟؟؟
سراج:- عيدد عيد سمعت السالفه بالمكلوب اعتقد مو صح ابراهيم سمعت مثلي لو سمعي ثقيل؟
ابراهيم :- لا لا اني هم سمعي ثقيل شو عيد شكلت!!!!
أصهب :- مثل ماسمعتو و ماعيد كلامي اني رايح
